1 PITA 3
3
1MỌKẸDẸ wẹ mì asi lẹ ni nọ yín mẹmẹglọ hlan asú mìtọn titi lẹ; na, eyín mẹde ma yí ohó lọ se, yè nido dọ̀n yé gbọn owalọ asi lẹ tọn dali, matin ohó lọ; 2whenuena yé to owalọ wiwe mìtọn po osi po pọn. 3Asọ mehetọn yè dike é yin aṣọ agbasago tọn blo, oda bibla tọn, aṣọ sika tọn, kavi avọ̀ ṣinṣinyọn tọn blo; 4ṣigba ni yín gbẹtọ he whlá to ayiha mẹ nẹ, ehe mẹ gbigble ma tin te, yèdọ aṣọ gbigbọ homẹmimiọn po dẹ̃dẹ tọn po, ehe họakuẹ susu to Jiwheyẹwhe nukunmẹ 5Na lehunkọ wẹ yọnnu wiwe hóhó whenu tọn lẹ te ga, ye he dotudo Jiwheyẹwhe go, bo doasọna yéde, bo nọ yín mẹmẹglọ hlan asú yetọn titi lẹ. 6Yèdọ kẹdẹdile Sala setónuna Ablaham, bo nọ ylọ ẹ dọ Oklunọ: viyọnnu mẹhetọn mìwlẹ yín, sọle mìwlẹ to dagbe wà do, bọ mì ma sọ yí avosisa do dibu depope.
7Mọdopolọ wẹ mì asú lẹ ga, ni nọ yí nuyọnẹn do nọhẹ yé, mì nọ wleyẹyi hlan yọnnu lẹ, di hlan núzinzán madogánnọ, podọ di whédutọgbé ojọmiọn ogbẹ̀ tọn, na odẹ̀ mìtọn ma na do pòali.
8To popolẹpo mẹ, mì omẹ pó ni yín homẹdoponọ, na mì ni nọ kọnhomedai na mìnọzo, mì yiwanna omẹ di mẹmẹsunnu, mì yín awuvẹmẹtọ, bo sọ yín dagbewàtọ: 9mì yí oylan do sú oylan họ blo; kavi ozùn yí do sú ozún họ: ṣigba kakatimọ mì yí dona do sú; na mì ni sọ yọnẹn dọ ehe kọ̀n wẹ yè ylọ mì do, na mì nido dugú dona tọn. 10Na
Ewọ he jlo na yiwanna ogbẹ̀,
Bo sọ jlo na mọ azán dagbe,
Gbọ é ni dè odẹ̀ etọn sọn oylan mẹ,
Podọ nuflo etọn sọn oklọdidọ mẹ.
11Ni gbé oylan dai, bo sọ nọ wà dagbe;
Gbọ é ni nọ din jijọho, bo sọ nọ doafọ nẹ̃.
12Na nukun Oklunọ tọn tin to dódónọ lẹ go,
Oté etọn sọ hùn do odè yetọn go:
Ṣigba nukun Oklunọ tọn sinyẹn do yé he to ylanwà lẹ go.
13Mẹnu wẹ na wàylan do mì, eyín mìwlẹ yín mẹhe to onú he yín dagbe hodo? 14Ṣigba eyín mì tle jiya na dódó wutu, donanọ wẹ mì: mì dibu na osi yeton blo, tuwhẹ sọ li mì blo; 15ṣigba mí ni nọ klán Oklunọ Jiwheyẹwhe do wiwe to ayiha mìtọn mẹ: mì sọ nọ wleawu whepoponu nado yigbèna omẹ popo to wàlọmimiọn po osi po me, he to dòdinna linlẹn tódido tọn he tin to mì mẹ lẹ: 16tintindo ayiha dagbe de: dọ, le yé to ohó mìtọn dọ do ylankan di yé he to ylanwà, winyan ni hù yé he to lalo yí do to ohó ylankan dọ do owalọ dagbe mìtọn go to Klisti mẹ. 17E sọ bọawú eyín ojlo Jiwheyẹwhe tọn yín mọ, dọ mìwlẹ ni jiya na dagbe wiwà, hu na oylan wiwà. 18Na Klisti lọsu ga jiya whladopo na ylando wutu, dodonọ na mawàdódónọ, na é nido hẹn mi wá Jiwheyẹwhe de, mẹhe yè hù to agbasalan mẹ, ṣigba bọ yè hẹn wá ogbè to gbigbọ mẹ: 19gbọn ehe dali ga é yì, bo dọyẹwheho hlan gbigbọ he tin to gànhọ mẹ lẹ; 20yé he ko yín tólivẹtọ to ojlẹ de mẹ, whenuena linsinsinyẹn Jiwheyẹwhe tọn nọte dẹn kaka to Noa whenu, whenuena yè to ohún (aki) whè to alọnu, ehe mẹ omẹ pẹvide, enẹ wẹ, ayiha sinatòn gán te, gbọn osìn dali. 21Ohia mọtọnhunkọ hlan ehe baptẹm do to mí whlẹn dinvie ga, (é ma yín diho agbasalan tọn didèsè gba, ṣigba ogbèyí ayiha dagbe de tọn hlan Jiwheyẹwhe,) gbọn fọ́nsọnku Jesu Klisti tọn mẹ: 22mẹhe yì biọ olọn mẹ bo sọ tin to adusilọ Jiwheyẹwhe tọn mẹ; angẹli lẹ, mẹgbògbo lẹ, po huhlọn lẹ po wẹ yè hẹn yín mẹmẹglọ hlan ẹn.
Currently Selected:
1 PITA 3: BWL23
Highlight
Copy
Compare
Share
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.
