1 JOHANU 4
4
1MẸYIWANNA emi, mì yí gbigbọ popo se blo, ṣigba mì nọ tẹ̀n gbigbọ lẹ pọn eyín yé jọ̀ sọn Jiwheyẹwhe de: na yẹwhegán lalonọ susu ko tọ́n yì aihọn mẹ. 2Ehe mẹ wẹ mì ni yọ́n Gbigbọ Jiwheyẹwhe tọn: Gbigbọ he yígbe dọ Jesu Klisti wá to agbasalan mẹ lẹpo, Jiwheyẹwhe de é jọ̀ sọn 3Gbigbọ he ma yígbe dọ Jesu Klisti wá to agbasalan mẹ lẹ, ma jọ sọn Jiwheyẹwhe de gba; ehe wẹ gbigbọ agọ̀jẹdo-Klistigotọ lọ tọn, ehe ton mì ko sè dọ é ja; yèdọ to dinvie e tin to aihọn mẹ. 4Jiwheyẹwhe de mì jọ̀ sọn, yọ̀pọ emi, mì ko gbawhàn yétọn: na klohú wẹ ewọ he tin to mì mẹ, hú ewọ he tin to aihọn mẹ. 5Aihọn de yé jò sọn, enẹwutu wẹ yé to aihọn mẹ tọn dọ, bọ aihọn sọ to yetọn sè. 6Jiwheyẹwhe de mìwlẹ jọ́ sọn: ewọ he yọ́n Jiwheyẹwhe nọ sè mítọn: ewọ he ma jò sọn Jiwheyẹwhe de ma sè mítọn gba. Ehe mẹ wẹ mí yọ́n gbigbọ nugbo tọn lọ, po gbigbọ bubu tọn lọ po.
7Mẹyiwanna emi, mì gbọ mí ni yi wanna mìnọzo: na owanyi jò sọn Jiwheyẹwhe de; mehe yiwanna omẹ, yè dè e tọ́n sọn Jiwheyẹwhe mẹ, é sọ yọ́n Jiwheyẹwhe. 8Ewọ he ma yiwanna omẹ, ma yọ́n Jiwheyẹwhe gba; na Jiwheyẹwhe wẹ owanyi. 9Ehe mẹ wẹ yè do owanyi Jiwheyẹwhe tọn hia hlan mí te, na Jiwheyẹwhe do Ovi dètọ́n etọn dopo akàn lọ hlan aihọn he mẹ, na mí nido nọgbẹ̀ gbon ewọ mẹ. 10Ehe mẹ wẹ owanyi te, é ma yín dọ míle yiwanna Jiwheyẹwhe gba, ṣigba dọ ewọ yiwanna mí bo sọ do Ovi etọn hlan nado yín oyẹ̀su na ylando mìtọn. 11Mẹyiwanna emi, eyín Jiwheyẹwhe yiwanna mí sọmọ é jẹ dọ mí ni sọ yiwanna mìnọzo ga. 12Mẹdepope ma mọ Jiwheyẹwhe whedepopenu gbède. Eyín mí yiwanna mí nọzo, be Jiwheyẹwhe to ninò mí me yè sọ hẹn owanyi etọn sọgbè to mi mẹ. 13Ehe me wẹ mí yọnẹn te dọ, mí to ninò e mẹ, ewọ to mí mẹ, na é ko na mí to Gbigbọ etọn mẹ wutu. 14Mí ko mọ bo sọ dekunnu dọ Otọ́ do Ovi etọn hlan nado yín Whlẹngantọ aihọn tọn. 15Mẹdepope he na yígbe dọ Óvi Jiwheyẹwhe tọn wẹ Jesu, Jiwheyẹwhe to ninọ̀ e mẹ, podọ ewọ to Jiwheyẹwhe mẹ. 16Mí yọnẹn bo sọ yí owanyi Jiwheyẹwhe tọn lọ hlan mí se. Jiwheyẹwhe wẹ owanyi; ewọ he to ninò owanyi mẹ, tọ ninò Jiwheyẹwhe mẹ, Jiwheyẹwhe sọ to ewọ mẹ. 17Ehe mẹ wẹ yè hẹn owanyi mítọn sọgbè te, na mí nido tindo tugbigbo to whẹdazángbè, na le ewọ te, yèdọ mọ wẹ mìwlẹ te to aihọn he mẹ. 18Obu ma tin to owanyi mẹ gba; ṣigba owanyi he sọgbè yàn obu jegbonu; na obu tindo oya wutu. Podọ ewọ he dibu ma pé to owanyi mẹ gba. 19Mí yiwan nẹ, na ewọ whẹ́whẹ́ wẹ yiwanna mí wutu 20Eyín mẹdẹ dọ, Yẹn yiwanna Jiwheyẹwhe, bo gbẹwanna mẹmẹsunnu etọn, lalonọ wẹ ewọ: na ewọ he má yiwanna mẹmẹsunnu etọn he é mọ, nawẹ é na yiwanna Jiwheyẹwhe mẹhe é ma mọ do? 21Osẹ́n he wẹ mí mọyi sọn e de, dọ ewọ he yiwanna Jiwheyẹwhe, yiwan na mẹmẹsunnu etọn ga.
Currently Selected:
1 JOHANU 4: BWL23
Highlight
Copy
Compare
Share
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.
