ISAÍAS 39
39
Ezekiaspa Babiloniamanta kachapurikunata chaskisqan
1Chay p'unchaykunapin Babilonia rey Baladanpa churin Merodak-balanqa uyarirqan Ezekiaspa onqosqanta qhaliyasqantawan, chaymi runakunawan cartakunata qokuytawan apachirqan. 2Ezekiastaq kachapurikunata kusisqa chaskirqan, hinaspan lliwta qhawachirqan qhapaq-kayninta, qolqenta, qorinta, q'apaq hawinankunata, q'apaq aceitenkunata, arma waqaychana wasinta, llapan waqaychana wasinkunatapas. Manan imallapas karqanchu wasinpipas suyunpipas mana qhawachisqaqa.
3Hinan profeta Isaiasqa Ezekiasman rispan tapuykurqan: —¿Maymantan chay runakuna hamusqa? ¿Ima ninkun? nispa.
Chaymi Ezekiasqa nirqan: —Karu suyumantan hamusqaku, Babilonia suyumantaraq, nispa.
4Hinan Isaiasqa tapuykurqan: —¿Imatan wasiykipi rikurqanku? nispa.
Ezekiastaq nirqan: —Lliwtapunin rikurqanku, manan imallatapas manaqa qhawachirqanichu, nispa.
5Chaymi Isaiasqa nirqan: —Tukuy-atiyniyoq Señor Diospa nisqanta uyariy: 6Huk p'unchaymi wasiykipi kaqkunapas kunankama machulaykikunaq huñusqan kaqkunapas llapallan Babilonia suyuman apasqa kanqa. Manapunin imachallapas kaypi puchunqachu. 7Wakin wawaykikunatawanraqmi Babiloniaman apanqaku, chaypin kaparqospanku reypa wasinpi kamachipaq churanqaku, nispan, nispa.
8Ezekiastaq Isaiasman kutichirqan: —Señor Diospa willakuynin apamuwasqaykiqa allinpunin, nispa. Payqa yuyarqan: Kawsasqay p'unchaykunaqa thak-kaymi kanqa, manan ima sasachakuypas kanqachu, nispanmi.
Currently Selected:
ISAÍAS 39: QC88
Highlight
Copy
Compare
Share
Want to have your highlights saved across all your devices? Sign up or sign in
Biblia en Quechua de Cuzco © Sociedades Bíblicas Unidas, 1988.
