Romanos 16
16
Saludokuna apachisqanmanta
1Iñiqmasinchik Febetam recomiendamuykichik, payqa Cencrea iglesiapi diaconisam. 2Señorninchik Jesucristopa sutinpiyá allinllata chaskiykuychik imaynam iñiqpura chaskinakuykuchkaq hina. Paytaqa yanapaykuychikyá imam pisipusqanpipas, payqa achkaqtam yanaparqa, yanapawarqataqmi ñoqatapas.
3 #
Hch 18.2. Cristo Jesuspaq llamkaqmasiy Priscilatawan qosan Aquilatapas rimaykapuwaychik. 4Paykunaqa viday salvawanankuraykum wañuytapas mana manchakurqakuchu. Chaynaqa, manam ñoqallachu agradecekuniqa, aswanqa llapallan mana judío kachkaspanku iñikuqkunapas agradecekunkum. 5Paykunapa wasinpi huñunakuq iñiqmasinchikkunatapas rimaykapuwaychik. Chaynataq Asia lawpi puntallataraq Cristoman iñikuq kuyasqay Epenetotapas. 6Llumpay yanapasuqnikichik Mariatapas rimaykapuwaychik. 7Llaqtamasiy Andro-nicotawan Juniastapas rimaykapuwaychik, paykunaqa ñoqamanta puntataraqmi iñikurqaku, ñoqawan kuskataqmi presopas karqaku. Paykunaqa ancha reqsisqa apostolkunam karqaku.
8Señorninchik Jesucristorayku ancha kuyasqay Ampliastapas rimaykapuwaychik, 9Cristopaq llamkaqmasinchik Urbanotapas, kuyasqay Estaquistapas, 10Cristopa allinpaq qawasqan Apelestapas chaynataq Aristobulopa wasinpi lliw kaqkunatapas rimaykapuwaychik. 11Judiomasiy Herodiontapas chaynataq Narcisopa wasinpi Señorninchikman iñikuqkunatapas. 12Trifenatawan Trifosatapas rimaykapuwaychik, paykunaqa Señor-ninchikpaq llamkaqmasikichikmi. Kuyasqay paninchik Persidatapas rimaykapuwaychik, paypas llumpaytam Señorninchikpaq llamkarqa. 13#Mr 15.21.Señorninchik serviq allin reqsisqa Rufotawan mamantapas rimaykapuwaychik, payqa ñoqapapas mamay hinam karqa. 14Asincritotapas, Flegontetapas, Hermastapas, Patrobastapas, Hermestapas hinaspa paykunawan kaq wawqe-paninchikkunatapas rimaykapuwaychik. 15Filologotawan Juliatapas hinaspa Nereotapas panintinta chaynataq Olimpastapas paykunawan kaq llapallan iñiqmasinchikkunatapas rimaykapuwaychik.
16Chuya muchakuywan rimaykanakuychik. Tukuy hinastinpi Jesu-cristopa sutinpi huñunakuqkunapas rimaykamusunkichikmi.
17Wawqe-panillaykuna, ruegakamuy-kichikmi yachachikuykuna chaskisqaykichikpa contranpi kaqkunamantayá cuidakuychik. Paykunaqa iñiqkunata rakinachispankum pantachikuyllata ruwachkanku, paykunamantaqa karunchakuychik. 18Paykunaqa manam Señorninchik Jesucristotachu servinku, aswanqa kikinkupa wiksallankumantam afanakunku. Sumaqllataña rimaspankum manaraq ancha yachaqkunata engañanku. 19Dios kasukuq kasqaykichiktaqa lliwmi yachanku, chay ruwasqaykichikwanmi anchata kusikuni. Ichaqa munani allin kaqkunapi ancha yachayniyuq kanaykichiktam, mana allin kaqkunapaqñataq mana yachayniyuq kanaykichikta. 20Hawkayay qokuq Diosninchikmi Satanastaqa chakikichikman churaspa chaylla sarupanqa. Señorninchik Jesucristopa kuyakuyninyá qamkunawan kachun.
21 #
Hch 16.1. Chaynataqmi llamkaqmasiy Timo-teopas, judiomasiy Luciowan Jason-pas hinaspa Sosipaterpas rimayka-musunkichik.
22Pablopa secretarion ñoqa Tercio-pas Señorninchikpa sutinpim rimay-kamuykichik.
23 #
Hch 19.29; 1~Co 1.14. #
2~Ti 4.20. Wasinpi samapakusqay Gayopas chaynataq wasinpi huñunakuq iñiqmasinchikkunapas rimaykamusunkichikmi. Llaqtapa qollqen waqaychaq Erastopas hinaspa wawqenchik Cuartopas rimay-kamusunkichikmi.
24 # 16.24 Kay textoqa ñawpaq manuscritokunapiqa manam kanchu. [Señorninchik Jesucristoyá llapallaykichikta yanapasunkichik. Amén].
Tukuykunanpaq Diosta Pablo yupaychasqanmanta
25Jesucristomanta allin noticiakunata willaspay yachachisqayman hina Diosninchik qaqata hina takyachisunkichik. Kaykunaqa kachkan ñawpaqmantaraq pakasqa kaqkunata kunan reqsichiwasqanchikman hinam. Chaynaqa, ¡payllatayá yupaychasun! 26Kunanqa profetakunapa qellqasqanwanmi llapallan nacionkunaman qawachisqaña kachkan. Chaymi wiña-wiñaypaq kawsaq Dios kamachiptin llapallan nacionkunapipas kay allin noticiataqa yachankuña, iñikuspa kasukunankupaq.
27¡Sapallan yachayniyuq Diosmanyá Jesucristontakama wiña-wiñaypaq hatunchay kachun! Amén.
Currently Selected:
Romanos 16: RCQ12
Highlight
Share
Compare
Copy
Want to have your highlights saved across all your devices? Sign up or sign in
Chuya Qellqa - La Biblia en Quechua de Ayacucho - Edición Revisada © Peruvian Bible Society, 2012
