Romanos 15

Runamasinchikpa allinninpaq kawsanamanta

1Iñiyninchikpi kallpayuq kaqkunam pisi iñiyniyuqkunata yanapananchik, ama kikillanchikpaq imatapas munaspa. 2Sapakamayá runamasinchikpa allinninta ruwasun, chaynapi allinpaq hapispanku iñisqankupi wiñanankupaq. 3#Sal 69.9.Cristopunipas manam kikillanpaq munaqchu karqa, Qellqapipas kaynatam nin:

“Diosnilláy, kamiqnikikunapa kamikuyninmi ñoqaman wichiykuwarqa”, nispa.

4Ñawpaqta imapas qellqasqa kaqkunaqa yachachiwananchikpaqmi qellqasqa karqa, chaynapi pacienciakuspa chay qellqapa nisqanman hina kallpanchakuspa suyananchikpaq. 5Paciencia qokuq chaynataq sonqonchik tiyachiq Diosyá yanapasunkichik, imaynam Jesucristopa yachachisqanman hina huk sonqolla kanaykichikpaq, 6chaynapi Señorninchik Jesucristopa Taytan Diosninchikta llapallaykichik huk similla yupaychanaykichikpaq.

Allin noticiaqa lliw runapaq kasqanmanta

7Chaynaqa, Diosninchik yupay-chasqa kananpaqyá huknikichikmanta huknikichikkama allinllata chaskinakuychik, imaynam Cristopas ñoqanchikta chaskiwasqanchikta hina. 8Kaywanqa nichkaykichik Cristoqa judiokunata servinanpaqmi hamurqa hinaspa Diosqa cheqap kasqanta qawachinanpaqmi. Payqa hamurqa ñawpaq taytanchikkunaman Diospa promesan qosqanta cumplinanpaqmi. 9#2~S 22.50; Sal 18.49.Chaynataqmi Cristoqa hamurqa Diosninchikpa kuyapayakuyninmanta mana judío kaqkunapas yupaychanankupaq. Chuya Qellqapim kaynata nin:

“Chayraykum llapa nacionkuna ukupi yupaychasqayki,

sutikimantapas takisaqmi”, nispa.

10 # Dt 32.43. Qellqapiqa nichkantaqmi:

“Llapallan nacionkuna kusikuychik,

Diospa llaqtanwan kuska kusikuychik”, nispapas.

11 # Sal 117.1. Huklawpipas nichkantaqmi:

“Llapa nacionkuna Diosman yupaychaychik,

llapa llaqtakuna Diosman takiychik”, nispapas.

12 # Is 11.10. Isaiaspas kaynatam nirqa:

“Sachapa sapin ikllirimuq hinam

Isaipa miraynin rikurimunqa.

Nacionkunata munaychakunanpaqmi payqa hamunqa,

paypi confiakuspam llapallanku suyanqaku”, nispa.

13Confianzawan suyasqanchik Dios-ninchikyá haykam paypi iñiqkunata kusikuywan hinaspa hawkayaywan huntaykusunkichik, chaynapi Chuya Espiritupa atiyninwan aswan-aswan confiakuspa suyanaykichikpaq.

14Wawqe-panillaykuna, ñoqaqa yachanim qamkunaqa allin runakuna kasqaykichikta hinaspa allin yachaypa huntasqan kasqaykichikta, chaywan allin consejokunata qonakunaykichikpaq. 15Kay cartataqa mana imatapas pakaykuspam qellqamuchkaykichik, tukuy kaykunata mana qonqarunaykichikpaq. Kaytaqa ruwachkani Diospa kuyakuyninman hinam. 16Jesucristotaqa, servichkani mana judío kaqkunaman Diosmanta allin noticiakunata willakuspaymi, chaynapi paykunata Chuya Espíritu chuyanchaptin allin ofrendata hina Dios chaskinanpaq.

17Dios serviyniypiqa, Jesucristoraykullam ñoqaqa hatunchakuyman. 18Aswanqa Cristopa imam ñoqantakama ruwasqallanmantam rimayta munani. Paymi atiyninta qowarqa willakuptiy hinaspa ruwaptiy mana judío kaqkunapas payta kasukunankupaq. 19Paypunim señalkunata hinaspa milagrokunata Chuya Espiritupa atiyninwan ruwachiwarqa. Chaymi Cristomanta allin noticiakunata tukuy hinastinpi willakurqani, Jerusalenmanta qallaykuspay Ilírico lawkama. 20Chaynatam kallpanchakurqani Cristomanta manaraq yachasqanku llaqtakunapi allin noticiakuna willakuyta. Chaynataqa ruwarqani hukpa hatarichisqanman mana chapukunaypaqmi. 21#Is 52.15.Chaynataqa ruwachkani imaynam Qellqapa nisqanman hinam.

Qellqam kaynata nin:

“Paymanta mana yachaqkunam rikunqaku,

haykapipas mana uyariqkunam entiendenqaku”, nispa.

Roma llaqtaman Pablopa riy munasqanmanta

22 # Ro 1.13. Chayraykum qamkuna watukuykuyta achka kutipi munachkaspaypas mana atimurqanichu. 23Kunanmi ichaqa kay-lawkunapi llamkayniyta tukuruniña, chaymi ñawpaq watakunamantaraq qamkunawan tupaykuy munasqayman hina 24Españaman rispay pasadallapas watukuykuyta munachkani, chaynapi pisi tiempollapas qamkunawan kusirikuptiy illasqaypi yanapaykuwanaykichikpaq. 25#1~Co 16.1-4.Kunanqa Jerusalentaraqmi richka-ni wakpi iñiqmasinchikkunaman yana-pakuyta apaspay. 26Kay yanapakuytam Macedoniapi hinaspa Greciapi yachaq wawqe-paninchikkuna kusikuyllawanña huñuykunku, Jerusalenpi wakcha iñiqmasinchikkunaman apachiwanankupaq. 27#1~Co 9.11.Chaytaqa kikillankumantam ruwarqaku, hinaspapas ruwanankupunim karqa, paykunaqa debekuq hinam kachkanku judiokunapa yanapakuyninwan Diosta chaskikusqankumanta. Chaymi paykunapas iñiqmasinchik judiokunata wakchayayninkupi imapas kapuqninkuwan yanapananku. 28Chaynaqa, kay yanapakuyta paykunaman aparuspayñam Españaman ristin pasadallapas watukaykamusqaykichik. 29Cheqaptapuni qamkunaman watuka-muspayqa, Jesucristopa hatun bendicionninta aparikuspaymi hamusaq.

30Chaynaqa, wawqe-panillaykuna, Señorninchik Jesucristoman iñisqanchikraykum hinaspa Chuya Espiritupa kuyakuy qowasqanchikraykum ruegakamuykichik tukuy sonqowan Diosta mañapuwanaykichikpaq. 31Diosta mañapuwaychik Judea lawpi kaq mana iñiqkunapa makinmanta libraykuwananpaq hinaspa Jerusalenpi kaq iñiqmasinchikkunapas kay yanapakuyta allinlla chaskiykunankupaq, 32chaynapi Dios munaptinqa kusisqallaña chayaykamuspa qamkuna ukupi samarinaypaq. 33Hawkayay qokuq Diosyá llapallaykichikwan kachun. Amén.

Currently Selected:

Romanos 15: RCQ12

Highlight

Compare

Copy