Romanos 10
10
1Wawqe-panillaykuna, tukuy son-qoywanmi judiokuna salvakunankupaq Diosninchikta mañakuchkani. 2Reqsisqayman hina paykunaqa tukuy sonqonkuwanmi Dios serviyta munanku, aswanqa manam cheqap yachayman hinachu. 3Paykunaqa manataqmi yachan-kuchu imaynanpim runakunata mana huchayuqpaqña Dios chaskisqantapas, hinaspam kikinkupa ruwasqallanwan Diospa chaskisqan kayta munaspanku Diospa munasqanta mana kasukurqakuchu. 4Kamachikuykunapa tukupayninqa Cristom, chaynapi haykam payman iñiqkunaqa mana huchayuqpaqña chaskisqa kanankupaq.
5 #
Lv 18.5. Leynintakama mana huchayuqpaqña Diospa chaskisqan kananchikmantaqa Moisespas ñam kaynata nirqaña:
Pipas leyninta cumpliqqa, chaywanmi kawsanqa, nispa.
6 #
Dt 30.12-14. Aswanqa iñikuspallanchik mana huchayuqpaqña Diospa chaskisqan kananchikmantapas kaynatam nin:
Amayá sonqoykipi niychu: ¿Pitaq hanaq pachaman wicharinqa? (Kayqa Cristota uraykachimunanpaqmi) nispaykiqa. 7Amataq niychu: ¿Pitaq uku pachaman rinqa? (Wañusqakunamanta Cristota kawsarichimunanpaq) nispapas. 8Ichaqa, ¿Imanintaq?
Diospa palabranqa hichpallaykipiña, simillaykipiña hinaspa sonqollaykipiñam kachkan, nispa.
Kaymi iñiymanta willakusqayku palabraqa: 9Sichum simikiwan willakunki Jesusqa Señor kasqanta chaynataq tukuy sonqoykiwan Diospa kawsarichimusqanta creespaykiqa salvasqam kanki. 10Sonqonchikwanmi iñinchik mana huchayuqpaqña chaskisqa kananchikpaq, siminchikwanñataqmi Jesucristomanta willakunchik salvasqa kananchikpaq.
11 #
Is 28.16. Chuya Qellqapim kaynata nin:
Pipas paypi iñiqqa manam penqaypichu kanqa, nispa.
12Chaynaqa, judiokunawan mana judío kaqkunapas chay hinallam kanku. Señorninchikqa lliwchanchikpaqmi chullalla. Payqa haykam mañakuqkunamanmi chaninninpi qon. 13#Jl 2.32.Chaynaqa, haykam Señorpa sutinta qayakuqkunaqa, salvom kanqa, nispa. 14¿Imaynatamá mañakunqaku payman mana iñichkaspankuqa? ¿Imaynataqmá iñinqaku paymanta mana uyarichkaspankuqa? ¿Imaynataq uya-rinqaku pipas paykunaman mana wi-llachkaptinqa? 15#Is 52.7.¿Imaynatataq willakunqaku mana pipas kachachkaptinqa? Chuya Qellqapim kaynata nin:
¡Mayna sumaqmi allin noticia willa-kuqkunapa puriyninqa! nispa.
16 #
Is 53.1. Ichaqa manam llapallankuchu allin noticiata kasukunku. Isaiasmi nirqa:
Señorlláy, ¿pitaq willakusqaykutaqa creerqa? nispa.
17Iñiyqa uyariptinchikmi hamun, uya-riyñataqmi Cristopa palabranmanta hamun.
18 #
Sal 19.4. Ichaqa ñoqam tapukuni: ¿Manachu willakuytaqa uyarirqaku? ¡Paykunaqa uyarirqakupunim! Chuya Qellqapim kaynata nin:
“Lliw kay pachamanmi willakuyninkuqa chayarqa,
palabrankunañataqmi kay pachapa patankama chayarqa”, nispa.
19 #
Dt 32.21. Huktawanmi tapukuni: ¿Manachum judiokunaqa yacharqaku? Ñawpaq-mantaraqmi Moisés kaynata nirqa:
“Mana valeq huklaw llaqtakunawanmi sientirachisqaykichik,
mana yuyayniyuq llaqtakunawanmi piñarachisqaykichik”, nispa.
20 #
Is 65.1. Isaiaspas mana manchakuspanmi Diospa nisqanta kaynata nirqa:
“Mana maskaqniykunam tariruwarqaku,
mana ñoqamanta tapukuqkunamanmi rikuriykurqani”, nispa.
21 #
Is 65.2. Israelpa llapa mirayninmantapas Isaiasqa kaynatam nirqa:
Tukuy punchawmi makiyta haywarayarqani mana kasukuq kutipawaqniy runakunaman, nispa.
Currently Selected:
Romanos 10: RCQ12
Highlight
Share
Compare
Copy
Want to have your highlights saved across all your devices? Sign up or sign in
Chuya Qellqa - La Biblia en Quechua de Ayacucho - Edición Revisada © Peruvian Bible Society, 2012
