Popular Bible Verses from Romanos 10

Share

Sichum simikiwan willakunki Jesusqa Señor kasqanta chaynataq tukuy sonqoykiwan Diospa kawsarichimusqanta creespaykiqa salvasqam kanki.

Sonqonchikwanmi iñinchik mana huchayuqpaqña chaskisqa kananchikpaq, siminchikwanñataqmi Jesucristomanta willakunchik salvasqa kananchikpaq.

Iñiyqa uyariptinchikmi hamun, uya-riyñataqmi Cristopa palabranmanta hamun.

Chuya Qellqapim kaynata nin: Pipas paypi iñiqqa manam penqaypichu kanqa, nispa. Chaynaqa, judiokunawan mana judío kaqkunapas chay hinallam kanku. Señorninchikqa lliwchanchikpaqmi chullalla. Payqa haykam mañakuqkunamanmi chaninninpi qon. Chaynaqa, haykam Señorpa sutinta qayakuqkunaqa, salvom kanqa, nispa.

¿Imaynatataq willakunqaku mana pipas kachachkaptinqa? Chuya Qellqapim kaynata nin: ¡Mayna sumaqmi allin noticia willa-kuqkunapa puriyninqa! nispa.

¿Imaynatamá mañakunqaku payman mana iñichkaspankuqa? ¿Imaynataqmá iñinqaku paymanta mana uyarichkaspankuqa? ¿Imaynataq uya-rinqaku pipas paykunaman mana wi-llachkaptinqa?

Kamachikuykunapa tukupayninqa Cristom, chaynapi haykam payman iñiqkunaqa mana huchayuqpaqña chaskisqa kanankupaq.