Apocalipsis 3
3
Sardis llaqtapi iglesiaman cartasqan
1Sardis llaqtapi iglesiapa angelninman kaynata qellqay:
Diospa qanchis espirituntawan qanchis chaskankunata hatalliqmi kaynata nin: Ñoqaqa yachanim imam ruwasqaykikunata, “Kawsachkanmi” nichkaptinkupas wañusqam kachkanki.
2Rikcharispayá imapas wañuy patanpiña kaqkunata kawsarichiy. Rikurqanitaqmi imam ruwasqaykiqa Diospa mana munasqanman hina kasqantapas.
3 #
Mt 24.43-44; Lc 12.39-40; Ap 16.15. Chaynaqa, yuyariyá yachachikuykuna uyarisqaykita, chayta kasukuspa Diosman kutirikuy. Mana rikchariptikiqa suwa hinam mana yachasqayki horallata hamurusqayki. 4Sardispiqa kachkanmi iskay-kimsallapas pachanku mana qanrachaqkuna, paykunaqa yuraq pachayuqmi ñoqawan purinqaku, chaypaq hina kasqankurayku.
5 #
Ex 32.32-33; Sal 69.28; Ap 20.12. #
Mt 10.32; Lc 12.8. Pipas venceqkunaqa yuraq pachawan pachachisqam kanqaku, sutinkutapas manataqmi kawsay libromantaqa chinkachisaqchu, hinaspam Taytaypa chaynataq angelninkunapa qayllanpi sutinkumanta willakusaq.
6Pipas uyarikuqqa, iglesiakunaman Espiritupa nisqantayá uyarichun, nispa.
Filadelfia llaqtapi kaq iglesiaman cartasqan
7 #
Is 22.22. Filadelfia llaqtapi iglesiapa angelninman kaynata qellqay:
Chuya kaqmi, Cheqap kaqmi, Davidpa llaven hatalliqmi chaynataq kichaptiyqa manam pipas wichqanmanchu, wichqaptiyqa manam pipas kichanmanchu niqmi, kaynata nin: 8Ñoqaqa yachanim imam ruwasqaykita. Qawariyá punkutam kichaykapuyki, chaytaqa manam pipas wichqanmanchu; pisi kallpayuq kachkaspaykipas pala-braykunatam kasukurqanki, manataqmi sutiytapas negawarqankichu. 9#Is 60.14.Satanaspa sinagoganmanta kaq llullakuspanku “judiom kani” niqkunatapas ñoqam qayllaykipi qonqorachisaq, chaynapim yachanqaku qam kuyasqayta.
10Pacienciakunaykipaq kamachisqaytam kasuwarqanki, chayraykum ñoqapas hamuq sasachakuykunamanta waqaychasqayki. Chay sasachakuykunaqa hamunqa kay pachapi llapallan runakuna pruebasqa kanankupaqmi. 11Chayllam hamusaq. Kapusuqnikitayá takyachiy coronaykita mana pipas qechusunaykipaq.
12 #
Ap 21.2. Pipas venceqtaqa Diosniypa templonpa pilarninta hinam ruwasaq, chaynata ruwaptiyqa manañam chaymanta lloqsinqachu. Paypim qellqasaq Diosniypa sutinta, qellqasaqtaqmi musoq Jerusalén llaqtapa sutintapas, chay llaqtaqa Diosniypa kasqan hanaq pachamantam uraykamunqa. Qellqasaqtaqmi musoq sutiytapas.
13Pipas uyarikuqqa, iglesiakunaman Espiritupa nisqantayá uyarichun, nispa.
Laodicea llaqtapi kaq iglesiaman cartasqan
14 #
Pr 8.22. Laodicea llaqtapi iglesiapa angelninman kaynata qellqay:
Amén niq, cheqap niq, allin testigo kaq hinaspa qallariypi tukuy imata Dios unanchaptin chaypi kaqmi kaynata nin:
15Ñoqaqa yachanim tukuy ruwasqaykita, manam chirichu nitaq rupaqchu kanki. ¡Ima allincha kanman rupachkaq kaptikiqa otaq chiri kaptikipas! 16Ichaqa qonilla kaspayki, manataq chirichu nitaq rupaqchu kasqaykiraykum simiymanta atqorusqayki.
17Qanmi ninki: “Apum kani, apuyarunim, manam imatapas munaniñachu” nispayki, ichaqa manam musyakunkichu llakipayaypaq mana imayuq kasqaykita, wakcha, ñawsa hinaspa qalalla kasqaykitapas.
18Chaynaqa, ñoqam consejayki ninapi chuyanchasqa qorita rantiwaspayki cheqapta apu kanaykipaq, yuraq pachatapas rantiway penqaynikita tapakunaykipaq, rantiwaytaqyá coliriotapas ñawikiman sutuchispa allinta qawakunaykipaq.
19 #
Pr 3.12. Ñoqaqa haykam kuyasqaykunataqa qaqchaspaymi castigani. Chaynaqa, tukuy sonqoykiwanyá huchaykikunamanta wanakuy.
20Qawarimuway, ñoqaqa qayakuspaymi punkupi kachkani. Pipas qayakuyniyta uyarispan punkuta kichaykuwaptinqa yaykuspaymi paywan mikusaq, paypas ñoqawanmi mikunqa.
21Pipas venceqtaqa ñoqawan kuskatam tronoypi tiyachisaq, imaynam ñoqapas vencesqayrayku Taytaywan kuska trononpi tiyaykusqayta hina. 22Pipas uyarikuqqa iglesiakunaman Espiritupa nisqanta uyarichun, nispa.
Currently Selected:
Apocalipsis 3: RCQ12
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa - La Biblia en Quechua de Ayacucho - Edición Revisada © Peruvian Bible Society, 2012
