Apocalipsis 17
17
Chuchumika warmi castigasqa kasqanmanta
1 #
Jer 51.13. Qanchis angelkunamanta kaq, qanchis copayuq huknin angelmi asuykamuwaspan kaynata niwarqa:
Kayman hamuy, hinaptinmi achka yakukunapa hawanpi tiyaq chuchumika warmipa imaynam castigasqa kananta qawachisqayki. 2#Jer 51.7.Paywanmi kay pachapi reykuna huchapakurqaku, kay pachapi yachaq runakunapas vinowan sinkachkaq hinam chay chuchumikawan huchapakurqaku, nispa.
3 #
Ap 13.1. Espiritupim huk ángel purunman aparuwarqa, hinaptinmi huk warmita rikurqani manchakuypaq animalpi silladata, chay animalqa kasqa Dios kamiq qellqakunawan lliw cuerponpi qellqasqam chaynataq qanchis umayuq hinaspa chunka waqrayuqmi. 4#Jer 51.7.Chay warmiqa kachkasqa grosella puka pachawan pachasqam chaynataq qoriwan, alhaja rumikunawan hinaspa perlaskunawan adornasqam. Makinpiñataqmi kasqa qorimanta copa, chay copaqa kasqa cheqnikuywan hinaspa millakuypaq huchapakuyninwan huntasqam. 5Urkunpiñataqmi kayna niq sasa entiendena suti qellqasqa kasqa: “Hatun Babilonia llaqta, chuchumikapa hinaspa kay pachapi millakuypaq kaqkunapa maman” niq. 6Allinta qawaykuptiyqa chay warmiqa Diospi iñiqkunapa yawarninwanmi hinaspa Jesusmanta willakusqankurayku wañuqkunapa yawarninwanmi sinka kachkasqa.
Chayta qawaykuspay sinchita admirakuptiymi 7chay ángel niwarqa:
¿Imanasqataq admirasqallaña kach-kanki? Ñoqam willasqayki chay warmimantawan sillakusqan manchakuypaq animalmantapas sasa entiendena kaqta. Chay animalqa kachkan qanchis umayuqmi hinaspa chunka waqrayuqmi. 8#Dn 7.3; Ap 11.7.#Sal 69.28.Chay manchakuypaq animal rikusqaykiqa ñawpaq kaqmi, kunanqa manam kanñachu, chay animalqa uku pachamanta lloqsimunanpaq hinañam kachkan, chaynapi wiñaypaq wañuyman rinanpaq. Kay pachapi runakunañataqmi chay ñawpaq kaq manchakuypaq animalta qawaykuspanku admirakunqaku, paykunaqa kay pacha unanchasqa kasqanmantapuni wiñay kawsay libropi sutinku mana qellqasqakunam. Chay manchakuypaq animalqa ñawpaq kaqmi karqa, kunanqa manam kanñachu, ichaqa kutimunqam.
9Kaykuna entiendeyqa yachayniyuqpaqmi: Qanchis umakunaqa rikchakun warmipa tiyasqan qanchis moqokunamanwan, 10hinaspa qanchis reykunamanmi. Paykunamanta kaq pichqa reykunaqa chinkarunñam. Hukninqa hinallaraqmi kamachikuchkan, hukninñataqmi manaraq hamunraqchu. Qepa kaq hamuruspaqa manam unayñachu kanqa. 11Ñawpaq kachkaspa, kunan manaña kaq manchakuypaq animalñataqmi pusaq kaq rey. Payqa qanchis reykunapa hukninmi, payqa wiñaypaq wañuymanmi richkan.
12 #
Dn 7.24. Chay chunka waqrakuna rikusqay-kiqa manaraq munaychakuy qallariq chunka reykunam. Paykunaqa manchakuypaq animalwan kuskam rey kanankupaq huk horallapaq atiyta chaskinqaku. 13Chay chunkantin reykunam huk sonqolla kachkanku atiyninkutawan munayninkuta manchakuypaq animalman qonankupaq. 14Corderowan peleaptinkum Cordero vencerunqa, payqa señorkunapa Señorninmi, reykunapa Reyninmi. Paywan kaqkunaqa Diospa akllasqankunam hinaspa qayasqankunam, paykunaqa qaqa hinam sayachkanku, nispa.
15Angelqa niwarqataqmi:
Chuchumikapa tiyasqan achka yaku-kuna rikusqaykiqa, llaqtakunam, runa-kunam, nacionkunam hinaspa tukuy rikchaq rimayniyuqkunam. 16Mancha-kuypaq animalpi chunka waqrakuna rikusqaykiqa chunka reykunam, paykunaqa manchakuypaq animalpiwanmi chuchumikata cheqninqaku, hinaspam wischurayachkaqta qalallata saqerunqaku. Aychanta mikuruspankum kañaykunqaku. 17Diosmi churarqa paykunapa sonqonkuman kikillankupa munasqanta ruwanankupaq. Reykunam huklla kaspanku munaychakuyninkuta animalman qoykurqaku, chaynataqa ruwarqaku Diospa nisqan cumplikunanpaqmi. 18Chay rikusqayki warmiqa kay pachapi reykuna kamachiq hatu-hatun llaqtam, nispa.
Currently Selected:
Apocalipsis 17: RCQ12
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa - La Biblia en Quechua de Ayacucho - Edición Revisada © Peruvian Bible Society, 2012
