Apocalipsis 10
10
Angelmantawan taksa rollomanta
1Rikurqanitaqmi huk atiyniyuq angeltapas hanaq pachamanta uraykamuqta, payqa kasqa puyuwan wankusqam hinaspa umanpi chirapayuqmi. Uyanpas inti hinaraqmi achkirisqa, chakinkunañataqmi kasqa lenwaspa wichayman hoqarikuchkaq nina hinaraq. 2Makinpiñataqmi kasqa kichasqa taksa rollo, alleq chakinwanmi sarupakurqa lamar qochapa hawanpi, ichoq chakinwanñataqmi sarupakurqa allpa pachapi. 3Hinaspam leonpa qaparisqanta hinaraq hatunmanta qaparirqa, chaynata qapariptinmi qanchis rayokuna toqyaramurqa. 4Chay qanchis rayokuna toqyaramuptinmi qellqanaypaqña kachkarqani, ichaqa hanaq pachamantam huk qapariyta uyarirqani:
“Qanchisnintin rayokunapa nisqantaqa amaraqyá willakuychu nitaq qellqaychu”, niqta.
5 #
Dn 12.7. Lamar qochapiwan allpa pachapi sarupakuspa sayaq angeltañataqmi rikurqani, alleq makinta hanaq pachaman hoqariqta, 6hinaspam cielokunapas, kay pachapas, lamar qochapas chaynataq chaykunapi kaq tukuy imapas unanchaq wiña-wiñaypaq kawsaq Diosrayku jurarqa:
Manañam unamunqañachu, 7aswanqa qanchis kaq angelpa trompeta tocanan tiempo chayaramuptinmi Diospa pakasqa kaqninkuna cumplikunqa, chaynaqa kanqa imaynam serviqnin profetankunapa nisqankuman hinam, nispa.
8 #
Ez 2.8—3.3. Hanaq pachamanta uyarisqay qayakuymi huktawan nimuwarqa:
Rispaykiyá chay kicharayaq taksa rollota chaskimuy lamar qochapiwan allpapi sarupakuspa sayaq angelpa makinmanta, nispa.
9Angelman rispay taksa rollota mañamuptiymi payñataq niwarqa:
Chaskiwaspayki mikuy kay taksa rollota, simikipiqa miel hina miskillañam kanqa, wiksaykipiñataqmi qatqellaña kanqa, nispan.
10Chaymi angelpa makinmanta chay taksa rollota chaskiykuspay mikuruptiy simiypiqa miel hina miskillaña karqa, millpuruptiyñataqmi wiksayta qatqeyarachirqa. 11Chaymantam niwarqa:
Huktawanmi profetizamunki achka llaqtakunamanta, nacionkunamanta, tukuy rikchaq rimayniyuqkunamanta hinaspa reykunamanta, nispa.
Currently Selected:
Apocalipsis 10: RCQ12
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa - La Biblia en Quechua de Ayacucho - Edición Revisada © Peruvian Bible Society, 2012
