Ohubala 1
1
Ohubala abaandu hwataangira ohwa Yisiraeli
1 #
Hub 26:1-51. Hu ludaalo lutaangira, olw'omwoosi kw'ohubiri, mu mwaaka kw'ohubiri, ohutula abaandu ba Yisiraeli nibali nibamalire ohutula mu Misiri, Omwaami haandi yalomaloma neende Musa nibali mu Yeema ly'Ohubaao hwae, nibali mu siparara sya Sinai. Yaboola ati, 2“Ewe neende Arooni muhoyere ohubala abaandu ba Yisiraeli, mu nono chaabwe, neende mu madaala kaabwe. Hole olukalala lw'ameeta k'abasaacha boosi 3ohutulira hu myaaka amahumi kabiri eky'obuhuluundu, neende ohuniina aakulu, mu Yisiraeli yoosi, abo abanyala ohuchia ohulwaana ebiita, ewe neende Arooni, muhoyere ohubataaho enaamba, mu buli mukaanda. 4Ohoyere ohuba neende omusaacha ohutula mu buli nono, nga buli musaacha oyo niye oba naali omutwe kw'edaala lya basimwaana. 5Mani bulaanu, kano niko ameeta k'abasaacha abahoyere ohuhuhalaabaniraanga. Ohutula hu Rubbeeni, Elisuuri omwaana wa Sedewuri; 6ohutula hu Simeoni, Selumieli omwaana wa Surisadai; 7ohutula hu Yuda, Nahasoni omwaana w'Aminadabbu; 8ohutula hu Yisakari, Netaneeli omwaana wa Suari; 9ohutula hu Sebbuluuni, Eliabbu omwaana wa Heloni; 10ohutula hu basyaani ba Yosefu, ohutula hu Efuraimu, Elisaama omwaana wa Amihudi, haandi ohutula hu Manaase, Gamalieli omwaana wa Pedahisuri; 11ohutula hu Bbenjamini, Abbidaani omwaana wa Gideoni; 12ohutula hu Daani, Ahieseeri omwaana wa Amisadai; 13ohutula hu Aseri, Pagieli omwaana wa Okiraani; 14ohutula hu Gaadi, Eliasafu omwaana wa Dewela 15ohutula hu Nafutaali, Ahira omwaana wa Enani.” 16Bano boosi nibo abo abadoolwa ohutula mu mukaanda okwo kwoosi, abali nibali abeemirisi b'enono chaabwe ech'obwiibulanwa, haandi abali abeemirisi b'enono choosi cha Yisiraeli.
17Musa neende Arooni babukula abasaacha bano bahukuliihe ameeta, 18mani hu ludaalo lutaangira lweene, olw'omwoosi kw'ohubiri, bebuusira alala koti omukaanda mulala, abali nibeeyandiikisiire mu madaala, ohweema hu madaala ka basaabwe, haandi ohweema hu buungi bw'ameeta ohutula hu myaaka amahumi kabiri eky'obuhuluundu ohuniina aakulu, buli mwiimirisi, 19koti sa lu Omwaami yali n'alagiire Musa. Mani eyo mu siparara sya Sinai, niyo yi Musa yaandiikira abaandu abo.
20Abaandu ba Rubbeeni, omwaana waamberi wa Yisiraeli, ohweema hu lwiibulo lwaabwe, ohweema hu madaala kaabwe, ohweema hu nyuumba cha basaabwe, ohweema hu buungi bw'ameeta, buli mwiimirisi, buli w'esisaacha ohutulira elalira hu myaaka amahumi kabiri ey'obuhuluundu, neende ohwemeeda aakulu, abo boosi abali nibanyala ohuchia ohulwaana ebiita nibo bano: 21obuungi bw'abaandu batula mu nono ya Rubbeeni bali elifu amahumi kane neende chisaasaba, neende emia chitaanu (46,500).
22Abaandu ba Simeoni, ohweema hu lwiibulo lwaabwe, ohweema hu madaala kaabwe, ohweema hu nyuumba cha basaabwe, ohweema hu buungi bw'ameeta, buli mwiimirisi, buli w'esisaacha ohutulira elalira hu myaaka amahumi kabiri ey'obuhuluundu, neende ohwemeeda aakulu, abo boosi abali nibanyala ohuchia ohulwaana ebiita nibo: 23obuungi bw'abaandu batula mu nono ya Simeoni bwali elifu amahumi kataanu neende chitaanu-na-chine, neende emia chidatu (59,300).
24Abaandu ba Gaadi, ohweema hu lwiibulo lwaabwe, ohweema hu madaala kaabwe, ohweema hu nyuumba cha basaabwe, ohweema hu buungi bw'ameeta, buli mwiimirisi, buli w'esisaacha ohutulira elalira hu myaaka amahumi kabiri ey'obuhuluundu, neende ohwemeeda aakulu, abo boosi abali nibanyala ohuchia ohulwaana ebiita nibo: 25obuungi bw'abaandu batula mu nono ya Gaadi bwali, elifu amahumi kane neende chitaanu, neende emia chisaasaba neende amahumi kataanu (45,650).
26Abaandu ba Yuda, ohweema hu lwiibulo lwaabwe, ohweema hu madaala kaabwe, ohweema hu nyuumba cha basaabwe, ohweema hu buungi bw'ameeta, buli mwiimirisi, buli w'esisaacha ohutulira elalira hu myaaka amahumi kabiri ak'obuhuluundu, neende ohwemeeda aakulu, abo boosi abali nibanyala ohuchia ohulwaana ebiita nibo: 27obuungi bw'abaandu batula mu nono ya Yuda bwali, elifu amahumi kataanu-na-kabiri neende chine, neende emia chisaasaba (74,600).
28Abaandu ba Yisakari, ohweema hu lwiibulo lwaabwe, ohweema hu madaala kaabwe, ohweema hu nyuumba cha basaabwe, ohweema hu buungi bw'ameeta, buli mwiimirisi, buli w'esisaacha ohutulira elalira hu myaaka amahumi kabiri ak'obuhuluundu, neende ohwemeeda aakulu, abo boosi abali nibanyala ohuchia ohulwaana ebiita nibo bano: 29obuungi bw'abaandu batula mu nono ya Yisakari bwali, elifu amahumi kataanu neende chine, neende emia chine (54,400).
30Abaandu ba Sebbuluuni, ohweema hu lwiibulo lwaabwe, ohweema hu madaala kaabwe, ohweema hu nyuumba cha basaabwe, ohweema hu buungi bw'ameeta, buli mwiimirisi, buli w'esisaacha ohutulira elalira hu myaaka amahumi kabiri ey'obuhuluundu, neende ohwemeeda aakulu, abo boosi abali nibanyala ohuchia ohulwaana ebiita nibo: 31obuungi bw'abaandu batula mu nono ya Sebbuluuni bwali, elifu amahumi kataanu-na-kabiri, neende emia chine (57,400).
32Abaandu ba Yosefu, abalaangwa ohuba abaandu ba Efuraimu, ohweema hu lwiibulo lwaabwe, ohweema hu madaala kaabwe, ohweema hu nyuumba cha basaabwe, ohweema hu buungi bw'ameeta, buli mwiimirisi, buli w'esisaacha ohutulira elalira hu myaaka amahumi kabiri ey'obuhuluundu, neende ohwemeeda aakulu, abo boosi abali nibanyala ohuchia ohulwaana ebiita nibo: 33obuungi bw'abaandu batula mu nono ya Efuraimu bwali, elifu amahumi kane, neende emia chitaanu (40,500).
34Abaandu ba Manaase, ohweema hu lwiibulo lwaabwe, ohweema hu madaala kaabwe, ohweema hu nyuumba cha basaabwe, ohweema hu buungi bw'ameeta, buli mwiimirisi, buli w'esisaacha ohutulira elalira hu myaaka amahumi kabiri ey'obuhuluundu, neende ohwemeeda aakulu, abo boosi abali nibanyala ohuchia ohulwaana ebiita nibo: 35obuungi bw'abaandu batula mu nono ya Manaase bwali, elifu amahumi kadatu neende chibiri, neende emia chibiri (32,200).
36Abaandu ba Bbenjamini, ohweema hu lwiibulo lwaabwe, ohweema hu madaala kaabwe, ohweema hu nyuumba cha basaabwe, ohweema hu buungi bw'ameeta, buli mwiimirisi, buli w'esisaacha ohutulira elalira hu myaaka amahumi kabiri ey'obuhuluundu, neende ohwemeeda aakulu, abo boosi abali nibanyala ohuchia ohulwaana ebiita nibo: 37obuungi bw'abaandu batula mu nono ya Bbenjamini bwali, elifu amahumi kadatu neende chitaanu, neende emia chine (35,400).
38Abaandu ba Daani, ohweema hu lwiibulo lwaabwe, ohweema hu madaala kaabwe, ohweema hu nyuumba cha basaabwe, ohweema hu buungi bw'ameeta, buli mwiimirisi, buli w'esisaacha ohutulira elalira hu myaaka amahumi kabiri ey'obuhuluundu, neende ohwemeeda aakulu, abo boosi abali nibanyala ohuchia ohulwaana ebiita nibo: 39obuungi bw'abaandu batula mu nono ya Daani bwali, elifu amahumi kasaasaba neende chibiri, neende emia chitaanu-na-chibiri (62,700).
40Abaandu ba Aseri, ohweema hu lwiibulo lwaabwe, ohweema hu madaala kaabwe, ohweema hu nyuumba cha basaabwe, ohweema hu buungi bw'ameeta, buli mwiimirisi, buli w'esisaacha ohutulira elalira hu myaaka amahumi kabiri ey'obuhuluundu, neende ohwemeeda aakulu, abo boosi abali nibanyala ohuchia ohulwaana ebiita nibo: 41obuungi bw'abaandu batula mu nono ya Aseri bwali, elifu amahumi kane neende ndala, neende emia chitaanu (41,500).
42Abaandu ba Nafutaali, ohweema hu lwiibulo lwaabwe, ohweema hu madaala kaabwe, ohweema hu nyuumba cha basaabwe, ohweema hu buungi bw'ameeta, buli mwiimirisi, buli w'esisaacha ohutulira elalira hu myaaka amahumi kabiri ey'obuhuluundu, neende ohwemeeda aakulu, abo boosi abali nibanyala ohuchia ohulwaana ebiita nibo: 43obuungi bw'abaandu batula mu nono ya Nafutaali bwali, elifu amahumi kataanu-na-chidatu, neende emia chine (53,400).
44Bano nibo abo boosi abanyala ohubalwa, ba Musa neende Arooni babala nibahoonyerwaho neende abeemirisi ba Yisiraeli, abasaacha ehumi neende babiri, buli otula nga ahihirira enyuumba ya laatang'ene. 45Mani obuungi bw'abaandu boosi aba Yisiraeli, ohweema hu nyuumba cha basaabwe, ohutulira hu myaaka amahumi kabiri neende ohwemeeda aakulu, buli musaacha onyala ohuchia yalwaana ebiita mu Yisiraeli 46obuungi bwoosi ohuyirira alala bali, elifu emia chisaasaba neende chidatu, emia chitaanu neende amahumi kataanu (603,550).
47Nae Abaleefi boosi haba sibabalirwa hu nono chiindi, 48olwohuba Omwaami yali niyaboolera Musa ati, 49“Nooba noobala abaandu ababa nibanyala ohuhalaabana mu biita, otayiriramo neende enono ya Leefi daawe. 50Mu bweyaango obwo, bukula Abaleefi boosi obateeho omulimo kw'ohuhalaabana mu Yeema ly'Ohubaao hwaange, alala neende ebiindu byoosi ebirichiiraho. Nibo abachia ohulikiingaanga alala neende ebiindu byoosi ebyahwo, bahalaabanemo, mani boombahe ekaambi yaabwe yilyebodoohanie. 51Mani buli lu munawuyiaanga ekaambi yeeng'we, Abaleefi nibo abanakiingaanga Eyeema elyo mani bachia balyoombahira mu buli abuundu ayaaha yi munabechaanga nimwoombahemo ekaambi yeeng'we. Omuundu wuundi yeesi ochia ohusudaanga hu Yeema, aneetwaanga. 52Abaisiraeli badoong'ereyo boosi nibo abachia ohwoombahaanga ekaambi, mu buli mukaanda, buli musaacha neende omukaanda kwae, haandi neende ebbeendera yae yeeng'ene. 53Nae Abaleefi nabo bachia ohwoombahaanga ekaambi yaabwe nibebodoohania Eyeema elyo ohuliliindaanga, hu abuleo omuundu yeesi onyala ohusuda yi riri mani asiingise etima lyaange ohwiihira hu luyia luno lwoosi olwa Yisiraeli.” 54Mani abaandu ba Yisiraeli boosi bahola buli siindu si Omwaami yali n'alagiire Musa.
Currently Selected:
Ohubala 1: SAMDC
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019
