Ohutula EMANYISA
EMANYISA
Eliita ly'esitabo sino Ohutula lyeekesa ohweetusa hw'abaandu ba Yisiraeli nibatula mu syaalo sy'e Misiri. Mani esitabo sino syakabulwamo ebituundu bihuluundu bine: (1) Ohuboololwa hw'Abaibburania ohutula mu buwaambe; (2) Olukeendo lwaabwe nibachia hu Lugulu lwa Sinai; (3) Endagaano ya Nasaae neende abaandu bae nibali Sinai, eyababeresa amalako kadiira hu eholegana ndai, eholegana neende obutuki bulai, alala neende eholegana y'esinadiini yi bahoyere ohwebisamo; (4) Enyoombaha neende endekeha ya abuundu wa Yisiraeli wohwiinamiraangamo, alala neende amalako kadiira hu balaamisi neende engeri yohwiinamiraangamo Nasaae waabwe.
Nae ohuhirira elalira, esitabo sino syeekesa ebiindu bi Nasaae yahola koti lu yali n'alehuula abaandu bae bali nibaambwa haandi koti lu yabahola baaba esyaalo silala esiri neende esuubi nasilala ely'obulamu bwoomu moni.
Omuundu owuliirihana muno mu sitabo sino niye Musa, omusaacha yi Nasaae mweene yadoola ohwiimirira abaandu bae abo naabatusa mu Misiri. Esituundu sihiramo ohumanyihana mu sitabo sino nisyo, esy'olukalala lw'Amalako Ehumi (20:1-17).
Ebiri mu sitabo sino mu bwiimbikiti
Abaisiraeli balehuulibwa ohutula mu Misiri 1:1—15:21
a. Abaisiraeli nibali abawaambe mu Misiri 1:1-22
b. Ohwiibulwa hwa Musa neende obulamu bwae bwataangira 2:1—4:31
c. Musa neende Arooni bachooma omutuki wa Misiri 5:1—11:10
d. Paasaka alala neende ohutula mu Misiri 12:1—15:21
Ohutula hu Nyaanja Enjahanyu ohwoolera elalira hu Lugulu lwa Sinai 15:22—18:21
Amalako neende Endagaano 19:1—24:18
Eyeema ly'Ohubaao hw'Omwaami neende amalako kachiira hu hwiinamira huhoyera 25:1—40:38.
Currently Selected:
Ohutula EMANYISA: SAMDC
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019