Ohutula 1
1
Abaisiraeli bayirwa neende obwaalaba mu Misiri
1 #
Huc 46:8-27. Abaana basyaani ba Yakobbo abachia nae mu Misiri, buli otula neende edaala lyae, nibo bano: 2Rubbeeni, Simeoni, Leefi, Yuda, 3Yisakari, Sebbuluni, Bbenjamini, 4Daani, Nafutaali, Gaadi, neende Aseri. 5Mani obuungi bw'abaandu ba Yakobbo bwali amahumi kataanu-na-kabiri. Nae omwaana wae musyaani Yosefu, yali niyamala ohwoola mu Misiri. 6Mani ebiha nibyemeeda nibichia mu moni, Yosefu, bamwanaang'ina alala neende amase ako koosi baafwa baawa, 7#Biho 7:17.nae abeechuhulu baabwe, abali Abaisiraeli, beebulana beengiya muno haandi baaba ab'amaani muno baanyala ohwiichula mu Misiri.
8 #
Biho 7:18. Mani bulaanu, omutuki muyaaha, otali niyamanyaho hu Yosefu, yeehaswa hu bwaami. 9Mani n'aboolera abaandu bae ati, “Abaisiraeli bano mbano beengiiye muno haandi b'amaani muno banyala ohututiisa. 10#Biho 7:19.Ebiha by'ebiita nibyoola, banyala baakwa alala neende abateende beefwe, mani batulwaania, batuyiingira batweeyibaho mu syaalo muno. Mani huhoyere ohuheenga amakesi, k'ohunyoola engira yoosi eyinyala ohubakayira ohwiibulana.” 11Mani Abamisiri babataaho abaandu bahosesa abawaambe emirimo bati bababerese emirimo ky'amaani muno, hu banyale ohubamalamo omwooyo. Abaisiraeli bano nibo aboombaha ebiko bya Pitomu neende Ramesesi bibe koti ebiko bihuung'aanisirwamo ebiindu bihoonya omutuki. 12Nae koti lu Abamisiri bemeedaanga ohusaandya Abaisiraeli, nilwo lu Abaisiraeli bemeedaanga ohwiingiya, haandi nilwo lu bemeedaanga ohusabaalira esyaalo esyo. Abamisiri beemao bosi bachaaka ohutya muno 13mani baahola obulamu bw'Abaisiraeli ohuba obwoomu muno nibabata mu buwaambe bw'etima. 14Babahola baaba aboombahi baabwe, baaba abalimi mu mikuunda kyaabwe, nga babahosa nibatabeelalihirira daawe.
15Mani omutuki wa Misiri yaboolera Sifuura neende Puwa, abahasi bebuusa babiri abahoonyaanga abahasi Baibburania ohwiibula ati, 16“Nimuba nimunahoonyaanga abahasi Baibburania ohwiibula, yitireengeo omwaana n'aba omusyaani; nae n'aba naali omuhaana, leheenge abaao omulamu” 17Kata katyo, abeebusa abo bali nibatya Nasaae mani nibahaya ohuholaanga nga omutuki oyo yali n'abalagiire; mani baalehaanga sa abaana basyaani nibabaao abalamu. 18Mani omutuki oyo yatuma bamulaangira abahasi beebuusa abo, n'abateeba ati, “Lwasiina muli ohuholaanga muti? Lwasiina muli ohulehaanga abaana basyaani nibabaao abalamu?”
19Nabo bamukobolamo bati, “Abahasi Baibburania haba sibali koti abahasi Abamisiri daawe; abo beebulaanga sa bwaangu muno, abaana baabwe beebulwaanga sa bwaangu muno, kata mulala hweefwe natoola yi bali.” 20Nae olwohuba abeebusa abo bali nibatya Nasaae, Nasaae yababeresaanga olwiibulo buli mulala banyala ohuba neende amadaala kaabwe abeene. 21Mani Abaisiraeli bemeeda ohwiingiya haandi neende ohuba ab'amaani. 22#Biho 7:19.Muhumaliirisa, omutuki oyo yatusa esilagiro eyiri abaandu bae boosi ati: “Muchie mubukuleenge buli mwaana musyaani Muibburania yeesi nimumusukuna mu mwaalo kwa Naili, nae muleheenge abaana bahaana boosi nibaba abalamu.”
Currently Selected:
Ohutula 1: SAMDC
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019
