Sekaria 3

Omunabbi aboneherwa Omulaamisi Muhuluundu

1 # Esir 5:2; Hubwi 12:10. Mu hubwiihulirwa huundi, Omwaami yaanjekesa Omulaamisi Muhuluundu Yosua niyeemere mu moni wa malaika w'Omwaami. Nae endulo wa Yosua Sitaani niyeemereo, niyetekeehe ohumutaaho omusaango. 2#Yudi 1:9.Malaika w'Omwaami oyo yaboolera Sitaani ati, “Omwaami ahoya yaahuheengera omusaango ohuhuhira ewe Sitaani! Omwaami waheera Yerusalemu ahoya yaahuheengera kwaahuhira. Omusaacha wuno ali sa koti olusaala lwasihulwa lwaatuswa mu muliro.”

3Yosua yali niyeemere abweene ao, nafwaalire engubo mali. 4Malaika oyo yaboolera abahalaabani bae bali muukulu ati, “Fwaalule omusaacha oyo engubo mali chi yefwaalire echio.” Yakaluuhanira Yosua mani yaamuboolera ati, “Ese mbao malire ohuhufwaalulaho esyonoono syao haandi njia ohuhuberesa engubo njaaha ech'ohwefwaalaanga.”

5Mani yaalagira abahalaabani abo ohufwaasa Yosua enjuunga njose muno hu mutwe kwa. Bosi bahola sa batyo, mani baamufwaasa engubo njaaha, malaika w'Omwaami oyo niyeemere sa ao nateereho emoni.

6Bulaanu malaika oyo yeemao yaboobera Yosua ati 7Omwaami w'Obunyala bwoosi aboolere ati, “Noofunihira amalako kaange mani waahola emirimo ki hubereese kino, oba ochia ohuchiiririra obechaanga omuhoongo w'Enyuumba yaange, alala neende ebyoombahe bichiiraho byoosi, haandi mba njia ohuwuliraanga esaala yao koti sa lu mbuliraanga echia bamalaika ba ndamenya nabo. 8#Yer 23:5; 33:15; Sak 6:12.Ewe tekeeresa mani Yosua, ewe oli Omulaamisi Muhuluundu; haandi tekeerese eng'we abalaamisi baasye, eng'we niing'we esilolero sy'obulamu bulai bwiicha. Ese njia ohutuumbula omuhalaabani waange, olaangwa Esaga! 9Ese njia ohuta mu moni wa Yosua ekina lala lyoong'ene eliriho enyaande chitaanu-na-chibiri. Njia ohukasaataho obwandiike, mani mu ludaalo lulala lwoong'ene njia ohumalao esyonoono sy'esyaalo sino syoosi. 10#Mik 4:4.Mani oludaalo lweene olwo nilwahoole, buli mulala hweeng'we achia ohukeendaanga owaasye ohwiicha nimweehoyera mu muleembe neende mu buliindi bulai, nimubodohaanwe neende emikuunda ky'ebyaamo kyeeng'we haandi neende eky'enduli kyeeng'we.”

Currently Selected:

Sekaria 3: SAMIA

Highlight

Copy

Compare