Esabbuli 27
27
Esaala y'ohufumia.
1Omwaami niye obulafu bwaange haandi niye obuwonia bwaange;
sakira abulao yi ndahatya.
Omwaami niye oliindaanga obulamu bwaange;
sakira abulao onyala ohukera ndaatya.
2Abaandu babi nibaaseeta,
haandi nibaanduulira,
abasuku baange beene nibo abachia ohudandakira mani bakwe.
3Kata eye lyoosi nilindebodoohanie,
haba siinja huteenga omwooyo;
kata nibaaseeta haandi nibanwaania,
njia ohudoong'a sa ni ngumire.
4Esiindu silala sa nisyo si ndi ohusaba eyiri Omwaami,
haandi esyo nisyo si njia ohukoonya;
endi nyale ohudoong'a sa nindamenya mu nyuumba y'Omwaami
mu bulamu bwaange bwoosi,
ohubonaanga obulai bw'Omwaami
haandi mweteebeengeho ni ndi mu nyuumba ya Nasaae.
5Olwohuba niingwa mu bidinyu,
Omwaami aba achia ohuungisaanga mu nyuumba yae;
aba achia ohumbwiihaanga mu yeema lyae,
haandi yaanyemesa hu lwaanda.
6Mani bulaanu njia ohweema nisingiise omutwe kwaange
nyiingire abasuku baange bandebodoohaanie;
mani njia ohuyaanirayo mu yeema lyae
ebiyaanwa neende ekono ly'esangaalo;
haandi njia ohweemberaanga Omwaami nindeehoya.
7Ewe Omwaami, wulira ekono lyaange nihulirira!
Ngwiire esisa mani wungobolemo!
8Olwohuba niiwe owaboola oti, “Mungoonye.”
Omwooyo kwaange kuhubolera kuti,
“Omwaami niiwe yi ngoonya.”
9Omwaami, otandeekisa.
Oteerusa omuhalaabani wao neende etima,
niiwe omuhoonyi waange.
Otaasukuna erwaanyi, otaanjwaang'a,
ewe Nasaae omuwonia waange!
10Olwohuba bbaabba neende maama bamala ohuunjwaang'a
nae Omwaami achia ohuniinda.
11Ewe Omwaami; njekese engira yao;
haandi wuundangiriremo mu mihoosi mikwalaafu
olwohuba ndi neende abasuku baangi.
12Otakera abasuku baange baandiira;
olwohuba abaloli bobubacha baasiingiriireho,
nibechuule obwaalaba.
13Manyire endi njia ohubona obulai bw'Omwaami
mu syaalo sy'abalamu!
14Weesike Omwaami;
kobolamo amaani, mani leha omwooyo kwao kugume;
eee, weesike Omwaami!
Currently Selected:
Esabbuli 27: SAMIA
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019
