Esabbuli 26
26
Esaala y'omuundu mulai.
1Ewe Omwaami, heengere omusaango wungwiire,
olwohuba ngeenderaanga mubwadyeeri,
haandi hweesikaanga ataali ohwehubbiraho hwoosi.
2Ewe Omwaami, ndeehaliirise haandi wuundeeme;
obone omwooyo kwaange neende ebibaaso byaange.
3Olwohuba obuheeri bwao butaakama nibwo obuunyimiriraangamo,
haandi ngeenderaanga mubwadyeeri bwao.
4Singeenderaanga alala neende abaleeta ebidinyu,
Haba sinjihalaanga alala neende abaandu bataali neende obwadyeeri,
oba holera alala neende abeebachirisi.
5Haba sindahanaanga neende omukaanda kw'abahola-mbi,
haandi sifukiiriraanga ohwiihala neende ababi.
6Ewe Omwaami, ese ndesaaba amahono kaange ohweekesa endi haba siindi neende omusaango,
haandi ndebodoohania alutaari yao,
7ninyembera mu kono ly'aakulu olweembo lw'ohweebasa,
haandi ninomanoma hu biindu biwukisa byoosi bi wahola.
8Ewe Omwaami, ndaheera enyuumba yao yi wamenyamo,
neende obwiihalo bw'oluyaali lwao.
9Otaasihirisira alala neende abahola-mbi,
oba wasihiirisira obulamu bwaange alala neende abeedisi b'amabaanga,
10abaandu abeechula ebiholwa bibi,
haandi abaheera muno asowa.
11Nae ese hulwaange, ngeenderaanga mubwadyeeri;
mani ngwiire esisa haandi wuumonie.
12Nyemere abuundu akwalaafu;
mu muhung'aano kw'abaandu baangi njia ohukiniaanga Omwaami.
Currently Selected:
Esabbuli 26: SAMIA
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019
