Esabbuli 12
12
Esaala y'ohusaba obuhoonyi
1Omwaami ewe tuhoonye; olwohuba abaandu batya Nasaae haba sibasisiiriwo;
olwohuba abaandu beesikwa bawa hu syaalo.
2Buli muundu abachia sa owaasye;
balomaloma neende emyooyo kibiri nibaduula.
3Leha Omwaami yaakamye ohuduula hwaabwe,
enimi chiehuduumbasa muno,
4neende abo ababoola bati, “Huchia ohuyiingira neende enimi cheefwe,
huli neende eminwa kilomaloma; wiina mweene onyala ohututuka?”
5“Olwohuba abamanani banyaaswa, banaambula buhoonyi beelira.”
Nae Omwaami aboola ati, “Bulaanu njia ohusiingira;
njia ohubaberesa obweyikamo bu bekoombaanga.”
6Ebisuubiso by'Omwaami byeesikiha,
biri koti efeesa yalabiswa neende omuliro kw'etanuuru,
eyalabiswa amahabi kataanu-na-kabiri.
7Nae ewe Omwaami, tuliinde,
tukayirire otuwonie olwiibulo luno.
8Ababi batweebodoohaanie
haandi buli muundu akinia ebiholwa bibi.
Currently Selected:
Esabbuli 12: SAMIA
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019
