Esabbuli 11
11
Obweesikwa mu Omwaami
1Omwaami niye obweyikamo bwaange;
lwasiina wumboolera oti,
“Bburaha koti eyoni ochie weekise mu ngulu;
2olwohuba, bone, abaandu babi bakodiisye obuyiingo,
bateere obusaale hu lusya,
nibadaha ohulasira mu siirima abaandu baluungifu;
3nae emisiingi nikisihiriiswe,
siina syeene si muundu muluungifu anyala ohuhola”?
4Omwaami ali mu nyuumba yae njoolerefu,
esisaala sy'obutuki sy'Omwaami siri Muukulu,
Omwaami abona buli muundu, haandi amanyire buli siindu si muundu ohola.
5Omwaami yehaliirisa abaluungifu neende ababi,
haandi omwooyo kwae kwasyuula abaandu baheera obwaalaba.
6Omwaami achia ohukwiisa omuliro kw'amaani;
omuyaka kumamula nikwo okuchia ohuba omukabo kwaabwe.
7Olwohuba Omwaami muluungifu niye, haandi yaheera ebiindu biluungifu;
abaluungifu nibo abachia ohumubona.
Currently Selected:
Esabbuli 11: SAMIA
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019
