Yona EMANYISA
EMANYISA
Esitabo sya Yona haba sisiri koti ebitabo bya Abanabbi baandi ebiri mu Bbaibbuli olwohuba lukano nilwo. Olukano luno ludiira hu Munabbi owateemaho ohujeemera bi Nasaae yali n'amulagiire ohuhola. Nasaae yali amulagire ati achie muNinefe, esiko esy'obutuki buhoongo esy'Asiiria, esyali neende obusuku bukali neende Yisiraeli. Yona haba siyadaha ohuyirayo Emboosi ya Nasaae, olwohuba yali naamanyire bulai bweene ati Nasaae saachia hwooseresa bi yali nalabuule ohusihirisa esiko esyo. Luunyuma byamuyiika ohuchia, naamalire ohubititiraho mu bidinyu biingi. Yona yekanyiirisa muno ati lwasiina Nasaae haba siyasihirisa esiko esyo.
Esitabo sino syeekesa obunyala bwa Nasaae bwoosi hu biloonge byae. Nae ohuhirira elalira syeekesa koti lu Nasaae w'obuheeri haandi ow'esisa, anyala ohuleheramo haandi ohuwonia abasuku b'abaandu bae, ohuhira ohubasaandya neende ohubasihirisa.
Ebiri mu sitabo sino mu bwiimbikiti
Ohulaangwa hwa Yona neende Ohujeema hwae 1:1-17
Ohweeyolobya hwa Yona neende Ohuwonisibwa hwae 2:1-10
Obutumwa bwa Yona eyiri abaandu ba Ninefe 3:1-10
Esisa sya Nasaae hu Ninefe 4:1-11
Currently Selected:
Yona EMANYISA: SAMIA
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019