Yobbu 32
32
Enomanoma ya Elihu
32:1—37:24
1Abasaacha badatu bano baakama ohukobola mu Yobbu, olwohuba Yobbu yali naamanyire omweene ati yali omuluungifu. 2Mani Elihu omwaana wa Bbarakeeli Omubbuusi, owomu nyuumba ya Raamu, yaanyoolera. Yanyoolereera Yobbu olwohuba Yobbu mweene niye owali niyeholaanga omuluungifu, mu bweyaango bwa Nasaae ohumulaanga omuluungifu. 3Haandi Elihu yanyoolerera abeecha ba Yobbu badatu olwohuba haba sibanyala ohukobola mu Yobbu, kata neende nibali nibaboola bati Yobbu yali mu syonoono. 4Bulaanu Elihu yali n'aliindire ohulomaloma neende Yobbu olwohuba yali naamuhira obuhuluundu. 5Nae Elihu niyabona ati abasaacha badatu bano haba sibanyala ohukobola mu Yobbu, yanyoolera.
6Mani Elihu omwaana wa Bbarakeeli Omubbuusi yakobolamo ati,
“Ese ndi omuyere mu myaaka,
nae eng'we muli abahuluundu;
sakira ndeengereehe haandi ndaatya
ohubaboolera ebiindu bi mbaasa.
7Mboola endi, ‘Leha emyaaka kilomalome,
haandi abasaacha bahuluundu beekese amakesi.’
8Nae omwooyo kwa Nasaae kuli mu baandu,
omuuya kw'Owobunyala bwoosi, nikwo okukera abaandu baamanya.
9Obuhuluundu haba sinibwo obuleeta amakesi,
oba bwaakera omuundu yaamanya obwadyeeri.
10Sakira mboola endi, ‘Mundekeerese;
lehe syesi mbooleho ebiindu bi mbaasa.’
11“Bone, niindiriire emboosi cheeng'we,
ndekeereese emboosi cheeng'we mbulire eby'amakesi bi chitulamo,
nimubeere nimusiikoonyeresa eby'ohuboola.
12Mbatekeereese bulai bweene,
nae, bone, abulao kata mulala hweeng'we onyalire ohuyiingania Yobbu,
oba ohukobola mu mboosi chae.
13Mweliinde mani mutaboola muti, ‘Hunyoolere amakesi;
leha Nasaae mweene amukobolemo, ataali omuundu.’
14Yobbu haba sabooleere ese,
mani haba siinja ohumukobolamo neende enomanoma yeeng'we.
15“Bibahaire, abulao sibanyala ohukobolamo haandi;
babula emboosi yohuboola.
16Mani ese niinde koti lu bauleerere, olwohuba haba sibanyala ohulomaloma,
olwohuba beemere ao, baahaya ohukobolamo esiindu syoosi?
17Ese syesi njia ohubaaho neende singobolamo;
ese syesi njia ohulomalomaho ebiindu bi mbaasa.
18Ndi neende ebiindu ebiingi muno eby'ohulomaloma,
mbulira mu mwooyo kwaange esiindu nisisiindiha siti nomanome.
19Bone, omwooyo kwaange kubira koti efiini yi bataafuniiheho;
kuli koti esibiihiro sy'efiini siyaaha, esiri aambi ohwaadiha.
20Hoyere ohulomaloma, hu nyale ohuwuchuluha;
hoyere ohubaaho neende esy'ohulomaloma mani ngobolemo.
21Haba siinja ohweehubbira eyiri omuundu yeesi
haandi abulao omuundu yi njia ohukinia.
22Olwohuba haba siimanyire ohukinia omuundu,
ataali ao, Omuloongi waange achia ohuusaandya.
Currently Selected:
Yobbu 32: SAMIA
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019
Yobbu 32
32
Enomanoma ya Elihu
32:1—37:24
1Abasaacha badatu bano baakama ohukobola mu Yobbu, olwohuba Yobbu yali naamanyire omweene ati yali omuluungifu. 2Mani Elihu omwaana wa Bbarakeeli Omubbuusi, owomu nyuumba ya Raamu, yaanyoolera. Yanyoolereera Yobbu olwohuba Yobbu mweene niye owali niyeholaanga omuluungifu, mu bweyaango bwa Nasaae ohumulaanga omuluungifu. 3Haandi Elihu yanyoolerera abeecha ba Yobbu badatu olwohuba haba sibanyala ohukobola mu Yobbu, kata neende nibali nibaboola bati Yobbu yali mu syonoono. 4Bulaanu Elihu yali n'aliindire ohulomaloma neende Yobbu olwohuba yali naamuhira obuhuluundu. 5Nae Elihu niyabona ati abasaacha badatu bano haba sibanyala ohukobola mu Yobbu, yanyoolera.
6Mani Elihu omwaana wa Bbarakeeli Omubbuusi yakobolamo ati,
“Ese ndi omuyere mu myaaka,
nae eng'we muli abahuluundu;
sakira ndeengereehe haandi ndaatya
ohubaboolera ebiindu bi mbaasa.
7Mboola endi, ‘Leha emyaaka kilomalome,
haandi abasaacha bahuluundu beekese amakesi.’
8Nae omwooyo kwa Nasaae kuli mu baandu,
omuuya kw'Owobunyala bwoosi, nikwo okukera abaandu baamanya.
9Obuhuluundu haba sinibwo obuleeta amakesi,
oba bwaakera omuundu yaamanya obwadyeeri.
10Sakira mboola endi, ‘Mundekeerese;
lehe syesi mbooleho ebiindu bi mbaasa.’
11“Bone, niindiriire emboosi cheeng'we,
ndekeereese emboosi cheeng'we mbulire eby'amakesi bi chitulamo,
nimubeere nimusiikoonyeresa eby'ohuboola.
12Mbatekeereese bulai bweene,
nae, bone, abulao kata mulala hweeng'we onyalire ohuyiingania Yobbu,
oba ohukobola mu mboosi chae.
13Mweliinde mani mutaboola muti, ‘Hunyoolere amakesi;
leha Nasaae mweene amukobolemo, ataali omuundu.’
14Yobbu haba sabooleere ese,
mani haba siinja ohumukobolamo neende enomanoma yeeng'we.
15“Bibahaire, abulao sibanyala ohukobolamo haandi;
babula emboosi yohuboola.
16Mani ese niinde koti lu bauleerere, olwohuba haba sibanyala ohulomaloma,
olwohuba beemere ao, baahaya ohukobolamo esiindu syoosi?
17Ese syesi njia ohubaaho neende singobolamo;
ese syesi njia ohulomalomaho ebiindu bi mbaasa.
18Ndi neende ebiindu ebiingi muno eby'ohulomaloma,
mbulira mu mwooyo kwaange esiindu nisisiindiha siti nomanome.
19Bone, omwooyo kwaange kubira koti efiini yi bataafuniiheho;
kuli koti esibiihiro sy'efiini siyaaha, esiri aambi ohwaadiha.
20Hoyere ohulomaloma, hu nyale ohuwuchuluha;
hoyere ohubaaho neende esy'ohulomaloma mani ngobolemo.
21Haba siinja ohweehubbira eyiri omuundu yeesi
haandi abulao omuundu yi njia ohukinia.
22Olwohuba haba siimanyire ohukinia omuundu,
ataali ao, Omuloongi waange achia ohuusaandya.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019