Yobbu 31
31
1“Ndahola endagaano neende emoni chaange;
ohutatingaalaho hu muhasi otaali owaange neende obwekoombi.
2Omukabo kwaange ohutula aakulu eyiri Nasaae kwahabeere siina?
Neende obusiha bwaange ohutula eyiri ow'Obunyala bwoosi?
3Ebidinyu haba sibichiraanga abaandu bataali abaluungifu,
mani esaando yikwiira abonooni?
4Nasaae amanyire buli siindu si hola,
haandi abona yi ngeendera.
5“Niimba ndakeendera mu bulamu butaali obwadyeeri,
oba amakulu kaange kaanjira mu bubacha;
6(Leha ngererwe hu sikero syadyeeri,
haandi leha Nasaae amanye ati mbulaho omusaango!)
7niimba nindatula hu ngira ndai,
mani omwooyo kwaange kwaabachiriswa neende ebiindu bi ndabona,
mani yabaa hoo ekoondo lyaanda hu mahono kaange;
8mani leha ese ndaake, nae abaandi balye;
leha ebyohulya bi ndaakire biiywe haandi bisukunwe.
9“Niwiichuhana omwooyo kwaange kwekoombaho omuhasi w'omuundu wuundi,
mani ndeboondeerera omuhasi chana oyo nindeekisire amulyango w'enyuumba yae;
10leha omuhasi waange asyeere haandi afukire omusaacha wuundi obusuma,
haandi leha omusaacha wuundi yesi akone nae.
11Olwohuba sino siba esyonoono sihoyera ohufwa;
haandi okwo kuba omusaango kuleetwa eyiri abakayi b'emisaango.
12Olwohuba kuba omuliro kusihirisa ohwoola hu Abbudoni,
mani kwaasaamba buli siindu si ndi nasyo.
13“Niimba ndahaya ohuwulira omuhalaabani waange musaacha oba omuhasi,
nibeecha ohundekanyiirisira;
14mani ndahahole siina Nasaae naasiingira?
Niyahandeebe, ndahamukobolemo siina syeene?
15Nasaae wanoonga yaanda mu nda, haba siniye oyo owamuloonga?
Haba siniye omweene oyo owatuloonga mu nda?
16“Teemaho omumanani esiindu syoosi si yekoomba ohutula yi ndi,
oba ndeetaho esuubi ly'omuhasi mufwiirwe,
17oba kata ndeemaho abaana bafwiirwe ebyohulya.
18Ohutula mubuyere bwaange ndabahusaanga koti laata yaabwe,
haandi ohutula ninjibulwa, ndabahoonyaanga.
19Nindabonaanga omuundu ofwa esyekeenye,
oba omumanani obula esy'ohwebwiiha;
20ndamuberesaanga engubo ch'obwooya
bwatulaanga hu makoondi k'omusidwooli syaange.
Mani yaafumia neende omwooyo kwae kwoosi.
21Taabaaho omulyaanga hu mwaana mufwiirwe,
olwohuba ndamanyaanga endi abakayi b'emisaango bachia ohuhoonya;
22sakira leha oluliho lwaakuhe lukwe ohutula hu mabeka kaange,
haandi leha omuhono kwaange kufunihire mu nyiingo yakwo.
23Olwohuba ndatichaanga endi Nasaae achia ohusaandya,
mani haba sindahanyalire ohuhola esiindu siri sityo.
24“Niimba ndahola esaabbu esuubi lyaange,
oba ndalaanga esaabbu ndai endi niiwe obweesikwa bwaange;
25niimba ndasaangaala olwohuba obuyiinda bwaange bwali obuungi,
oba olwohuba omuhono kwaange kwali nikunyoolere ebiindu biingi;
26niimba nindatingaala hu lyuuba nilyaaduha,
oba omwoosi nikung'enaang'ena,
27mani omwooyo kwaange kwekoomba mu bweekisi,
haandi ndaachunjuuna esyaaba syaange;
28sino syoosi syahabeere esyonoono sy'ohufwa si baheengi b'emisaango baheenga,
olwohuba mba ndebachirisa eyiri Nasaae oli aakulu.
29“Niimba nindaasaangaalire mu husihiriswa hw'omusuku waange,
oba ndeniinia naakwiire mu sidinyu;
30(Haba sindafukiirira omunwa kwaange kwaahola esyonoono
nimuchuba yaafwa);
31liina lu bahalaabani bomu daala lyaange bateeba bati,
‘Wiina oteekuute enyama yi Yobbu akabuule?’
32(Walukeenda haba siyeyalisaanga mu ngira chomu siko;
ndaakaniraanga bawalukeenda mu daala lyaange);
33haba siingisaanga ebyonoono byaange,
koti lu baandu bakisa ebyonoono byaabwe mu mwooyo,
34olwohuba esidiiyiha sy'abaandu syandiisa,
sakira ndabuleera mani ndaahaya ohutula erwaanyi
35Eee, aba naaliwo omuundu wumbulira!
(Kuno nikwo omuhono kwaange! leha ow'Obunyala bwoosi yangobolemo!)
Eee, omuhono kuno kuba nikwandiikwa neende omusuku waange! 36Mubwadyeeri ndahakukingiire hu mabeka kaange;
ndahakwebandiihire hu mutwe koti ekofia y'obutuki;
37ndahaboleere Nasaae buli siindu;
si ndahamusudireho ataali ohutya esiindu syoosi.
38“Niimba nindeeba eloba li nima,
mani ndaalitusa hu beeneelyo beene;
39niimba nindalya ebyaamo byalyo nitaatuungire,
mani ndaakera abeenelyo baafwa;
40leha amawa kamere mu ndalo yaange mu bweyaango bw'engaano,
haandi oluyoongo mu bweyaango bw'amabere masuungu.”
Emboosi cha Yobbu chaakamiire ao.
Currently Selected:
Yobbu 31: SAMIA
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019
Yobbu 31
31
1“Ndahola endagaano neende emoni chaange;
ohutatingaalaho hu muhasi otaali owaange neende obwekoombi.
2Omukabo kwaange ohutula aakulu eyiri Nasaae kwahabeere siina?
Neende obusiha bwaange ohutula eyiri ow'Obunyala bwoosi?
3Ebidinyu haba sibichiraanga abaandu bataali abaluungifu,
mani esaando yikwiira abonooni?
4Nasaae amanyire buli siindu si hola,
haandi abona yi ngeendera.
5“Niimba ndakeendera mu bulamu butaali obwadyeeri,
oba amakulu kaange kaanjira mu bubacha;
6(Leha ngererwe hu sikero syadyeeri,
haandi leha Nasaae amanye ati mbulaho omusaango!)
7niimba nindatula hu ngira ndai,
mani omwooyo kwaange kwaabachiriswa neende ebiindu bi ndabona,
mani yabaa hoo ekoondo lyaanda hu mahono kaange;
8mani leha ese ndaake, nae abaandi balye;
leha ebyohulya bi ndaakire biiywe haandi bisukunwe.
9“Niwiichuhana omwooyo kwaange kwekoombaho omuhasi w'omuundu wuundi,
mani ndeboondeerera omuhasi chana oyo nindeekisire amulyango w'enyuumba yae;
10leha omuhasi waange asyeere haandi afukire omusaacha wuundi obusuma,
haandi leha omusaacha wuundi yesi akone nae.
11Olwohuba sino siba esyonoono sihoyera ohufwa;
haandi okwo kuba omusaango kuleetwa eyiri abakayi b'emisaango.
12Olwohuba kuba omuliro kusihirisa ohwoola hu Abbudoni,
mani kwaasaamba buli siindu si ndi nasyo.
13“Niimba ndahaya ohuwulira omuhalaabani waange musaacha oba omuhasi,
nibeecha ohundekanyiirisira;
14mani ndahahole siina Nasaae naasiingira?
Niyahandeebe, ndahamukobolemo siina syeene?
15Nasaae wanoonga yaanda mu nda, haba siniye oyo owamuloonga?
Haba siniye omweene oyo owatuloonga mu nda?
16“Teemaho omumanani esiindu syoosi si yekoomba ohutula yi ndi,
oba ndeetaho esuubi ly'omuhasi mufwiirwe,
17oba kata ndeemaho abaana bafwiirwe ebyohulya.
18Ohutula mubuyere bwaange ndabahusaanga koti laata yaabwe,
haandi ohutula ninjibulwa, ndabahoonyaanga.
19Nindabonaanga omuundu ofwa esyekeenye,
oba omumanani obula esy'ohwebwiiha;
20ndamuberesaanga engubo ch'obwooya
bwatulaanga hu makoondi k'omusidwooli syaange.
Mani yaafumia neende omwooyo kwae kwoosi.
21Taabaaho omulyaanga hu mwaana mufwiirwe,
olwohuba ndamanyaanga endi abakayi b'emisaango bachia ohuhoonya;
22sakira leha oluliho lwaakuhe lukwe ohutula hu mabeka kaange,
haandi leha omuhono kwaange kufunihire mu nyiingo yakwo.
23Olwohuba ndatichaanga endi Nasaae achia ohusaandya,
mani haba sindahanyalire ohuhola esiindu siri sityo.
24“Niimba ndahola esaabbu esuubi lyaange,
oba ndalaanga esaabbu ndai endi niiwe obweesikwa bwaange;
25niimba ndasaangaala olwohuba obuyiinda bwaange bwali obuungi,
oba olwohuba omuhono kwaange kwali nikunyoolere ebiindu biingi;
26niimba nindatingaala hu lyuuba nilyaaduha,
oba omwoosi nikung'enaang'ena,
27mani omwooyo kwaange kwekoomba mu bweekisi,
haandi ndaachunjuuna esyaaba syaange;
28sino syoosi syahabeere esyonoono sy'ohufwa si baheengi b'emisaango baheenga,
olwohuba mba ndebachirisa eyiri Nasaae oli aakulu.
29“Niimba nindaasaangaalire mu husihiriswa hw'omusuku waange,
oba ndeniinia naakwiire mu sidinyu;
30(Haba sindafukiirira omunwa kwaange kwaahola esyonoono
nimuchuba yaafwa);
31liina lu bahalaabani bomu daala lyaange bateeba bati,
‘Wiina oteekuute enyama yi Yobbu akabuule?’
32(Walukeenda haba siyeyalisaanga mu ngira chomu siko;
ndaakaniraanga bawalukeenda mu daala lyaange);
33haba siingisaanga ebyonoono byaange,
koti lu baandu bakisa ebyonoono byaabwe mu mwooyo,
34olwohuba esidiiyiha sy'abaandu syandiisa,
sakira ndabuleera mani ndaahaya ohutula erwaanyi
35Eee, aba naaliwo omuundu wumbulira!
(Kuno nikwo omuhono kwaange! leha ow'Obunyala bwoosi yangobolemo!)
Eee, omuhono kuno kuba nikwandiikwa neende omusuku waange! 36Mubwadyeeri ndahakukingiire hu mabeka kaange;
ndahakwebandiihire hu mutwe koti ekofia y'obutuki;
37ndahaboleere Nasaae buli siindu;
si ndahamusudireho ataali ohutya esiindu syoosi.
38“Niimba nindeeba eloba li nima,
mani ndaalitusa hu beeneelyo beene;
39niimba nindalya ebyaamo byalyo nitaatuungire,
mani ndaakera abeenelyo baafwa;
40leha amawa kamere mu ndalo yaange mu bweyaango bw'engaano,
haandi oluyoongo mu bweyaango bw'amabere masuungu.”
Emboosi cha Yobbu chaakamiire ao.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019