Yobbu 33
33
1“Mani bulaanu, ewe Yobbu, bulira enomanoma yaange,
haandi tekeeresa emboosi chaange choosi.
2Bona, ndi ohuchaaka ohulomaloma;
olulimi lwomu hanwa waange nilwo olulomaloma.
3Emboosi chaange cheekesa obuluungifu bwaange,
haandi bi nomanoma byadyeeri.
4Mwooyo wa Nasaae niye owanoonga,
haandi omuuya kw'Obunyala bwoosi nikwo okuumberesa obulamu.
5Ewe noonyala, mani ngobolemo;
tekeha bulai emboosi chao, mani weeme mu moni waange weeoseho.
6Bona, ewe naange mu moni wa Nasaae huli nasilala;
ese syesi ndaloongwa ohutula mu loba.
7Bona, abulao esiindu syoosi esikera waandya;
haba siinja ohuhusidoera.
8“Mubyadyeeri, mbao olomaloome nimbulira,
haandi mbuliire ekono ly'emboosi chao.
9Oboola oti, ‘Mbulaho omusaango, abulao esyonoono si ndahola;
ndi omwoleerefu, mbulaho esyonoono.
10Nae bona, Nasaae anyoola esifune syohunjolobya,
yaanjira koti omusuku wae.
11 #
Yob 13:27. Nasaae aboya eminyororo hu makulu kaange,
haandi atingaala buli siindu si hola.’
12“Bona, mu sino haba sooli owadyeeri. Njia ohuhukobolamo.
Nasaae ahira omuundu yeesi.
13Lwasiina wekanyiirisa Nasaae,
noboola oti, ‘Haba saakobola mu mboosi chaange’?
14Olwohuba Nasaae alomaloma mu ngira ndala,
haandi mu yiindi, nae omuundu haba sasideebaho.
15 #
Yob 4:13. Nasaae alomalomera mu bilooto, neende muhuboneherwa,
abaandu nibakona endoolo ch'amaani,
nibali ohuyiriitira hu bitaanda byaabwe,
16niyeekula amatwi k'abaandu,
mani yabatiisa neende ohulagira hwae.
17Nasaae alomaloma nabo hu banyale ohulehana neende ebiholwa byaabwe bibi,
mani abaakamye ohweefumya;
18abawonia ohuchia emakoombe,
haandi yaawonia obulamu bwaabwe ohusihiriswa neende olugaanga.
19“Omuundu nalwaalira hu sitaanda syae,
haandi yemeeda neende obuchuuni mu makuumba kae, ao Nasaae aba amukolola;
20mani omuundu mulwaae omwooyo kumutule huhulya,
haandi omwooyo kuhaye ohwekoomba kata ebyohulya bilai.
21Omubiri kwae kwang'aya muno mani kwaahaya ohumanyihana;
mani amakuumba katula erwaanyi koti esaala.
22Mubwadyeeri bweene, asudire aambi neende emakoombe,
mani obulamu bwae bwaachia eyiri abo abaleeta ohufwa.
23Niwiichuhana yaaba neende malaika wae,
oyo omuwosera, mulala hu bamalaika ba Nasaae elifu,
ohoonya abaandu ohumanya esiindu simuhoyera;
24mani namukwiira esisa, n'aboola ati,
‘Muwonie ahaye ohwiiha emakoombe,
munyoolere esiindu syohumuwonia;
25leha omubiri kwae kukobolemo amaani koti ak'abaraaga;
haandi omweene akobolemo amaani k'oburaaga’;
26ao omuundu achia ohwiinamira Nasaae, mani Nasaae amukwiire esisa,
mani yeeche mu moni wae neende esangaalo.
Nasaae achia ohumutereesera ebiindu haandi.
27Mani buli muundu achia ohuboolaanga mu lwichuule ati,
‘Ndahola esyonoono, mani ndaahola ebitahoyera,
mani ndahaywa ohusaandisibwa koti lu hoyerwa.
28Nasaae yanunuule ndaahaya ohuchia aasi emakoombe,
mani obulamu bwaange bucha ohubona obulafu.’
29“Bona, Nasaae niye ohola ebiindu bino byoosi,
abiholera omuundu amahabi maangi,
30ohuwonia omwooyo kwae kutacha emakoombe,
hu anyale ohubona obulafu bw'obulamu.
31Bulaanu ewe Yobbu, tekeeresa ebiindu bi mboola,
buleera, mani olehe nomanome.
32Nooli neende esiindu syohuboola, mani wungobolemo;
lomaloma, olwohuba ndeekoomba ohusibulira.
33Ataali ao, tekeerese;
buleera mani njia ohuhweekesa eby'amakesi.”
Currently Selected:
Yobbu 33: SAMIA
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019
Yobbu 33
33
1“Mani bulaanu, ewe Yobbu, bulira enomanoma yaange,
haandi tekeeresa emboosi chaange choosi.
2Bona, ndi ohuchaaka ohulomaloma;
olulimi lwomu hanwa waange nilwo olulomaloma.
3Emboosi chaange cheekesa obuluungifu bwaange,
haandi bi nomanoma byadyeeri.
4Mwooyo wa Nasaae niye owanoonga,
haandi omuuya kw'Obunyala bwoosi nikwo okuumberesa obulamu.
5Ewe noonyala, mani ngobolemo;
tekeha bulai emboosi chao, mani weeme mu moni waange weeoseho.
6Bona, ewe naange mu moni wa Nasaae huli nasilala;
ese syesi ndaloongwa ohutula mu loba.
7Bona, abulao esiindu syoosi esikera waandya;
haba siinja ohuhusidoera.
8“Mubyadyeeri, mbao olomaloome nimbulira,
haandi mbuliire ekono ly'emboosi chao.
9Oboola oti, ‘Mbulaho omusaango, abulao esyonoono si ndahola;
ndi omwoleerefu, mbulaho esyonoono.
10Nae bona, Nasaae anyoola esifune syohunjolobya,
yaanjira koti omusuku wae.
11 #
Yob 13:27. Nasaae aboya eminyororo hu makulu kaange,
haandi atingaala buli siindu si hola.’
12“Bona, mu sino haba sooli owadyeeri. Njia ohuhukobolamo.
Nasaae ahira omuundu yeesi.
13Lwasiina wekanyiirisa Nasaae,
noboola oti, ‘Haba saakobola mu mboosi chaange’?
14Olwohuba Nasaae alomaloma mu ngira ndala,
haandi mu yiindi, nae omuundu haba sasideebaho.
15 #
Yob 4:13. Nasaae alomalomera mu bilooto, neende muhuboneherwa,
abaandu nibakona endoolo ch'amaani,
nibali ohuyiriitira hu bitaanda byaabwe,
16niyeekula amatwi k'abaandu,
mani yabatiisa neende ohulagira hwae.
17Nasaae alomaloma nabo hu banyale ohulehana neende ebiholwa byaabwe bibi,
mani abaakamye ohweefumya;
18abawonia ohuchia emakoombe,
haandi yaawonia obulamu bwaabwe ohusihiriswa neende olugaanga.
19“Omuundu nalwaalira hu sitaanda syae,
haandi yemeeda neende obuchuuni mu makuumba kae, ao Nasaae aba amukolola;
20mani omuundu mulwaae omwooyo kumutule huhulya,
haandi omwooyo kuhaye ohwekoomba kata ebyohulya bilai.
21Omubiri kwae kwang'aya muno mani kwaahaya ohumanyihana;
mani amakuumba katula erwaanyi koti esaala.
22Mubwadyeeri bweene, asudire aambi neende emakoombe,
mani obulamu bwae bwaachia eyiri abo abaleeta ohufwa.
23Niwiichuhana yaaba neende malaika wae,
oyo omuwosera, mulala hu bamalaika ba Nasaae elifu,
ohoonya abaandu ohumanya esiindu simuhoyera;
24mani namukwiira esisa, n'aboola ati,
‘Muwonie ahaye ohwiiha emakoombe,
munyoolere esiindu syohumuwonia;
25leha omubiri kwae kukobolemo amaani koti ak'abaraaga;
haandi omweene akobolemo amaani k'oburaaga’;
26ao omuundu achia ohwiinamira Nasaae, mani Nasaae amukwiire esisa,
mani yeeche mu moni wae neende esangaalo.
Nasaae achia ohumutereesera ebiindu haandi.
27Mani buli muundu achia ohuboolaanga mu lwichuule ati,
‘Ndahola esyonoono, mani ndaahola ebitahoyera,
mani ndahaywa ohusaandisibwa koti lu hoyerwa.
28Nasaae yanunuule ndaahaya ohuchia aasi emakoombe,
mani obulamu bwaange bucha ohubona obulafu.’
29“Bona, Nasaae niye ohola ebiindu bino byoosi,
abiholera omuundu amahabi maangi,
30ohuwonia omwooyo kwae kutacha emakoombe,
hu anyale ohubona obulafu bw'obulamu.
31Bulaanu ewe Yobbu, tekeeresa ebiindu bi mboola,
buleera, mani olehe nomanome.
32Nooli neende esiindu syohuboola, mani wungobolemo;
lomaloma, olwohuba ndeekoomba ohusibulira.
33Ataali ao, tekeerese;
buleera mani njia ohuhweekesa eby'amakesi.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019