Yobbu 20
20
Sofaari
1Nae Sofaari Omunama yakobolamo ati,
2“Sakira ebibaaso byaange binyasiihe,
bikera ninyanguya ohuhukobolamo.
3Mbulira ohwoolobiswa hu tahesimiirisira ohutula mu mboosi chimuboolere,
nae manyire nga luhoyeere ohubakobolamo.
4Ewe haba siwamanyaho sino ohutula hale,
ohutula omuundu n'achaaka ohuba hu syaalo,
5oti ohweniinia hw'omuhola-mbi haba sihuyiindiraanga,
haandi esangaalo ly'omuundu otamanyire Nasaae libechaanga ely'esiha sidiidi sa?
6Kata yahaleeya ohwoola muukulu,
haandi omutwe kwae kwoola hu bireesi,
7achia ohusihirira endaalo choosi koti obunyaka bwae bweene;
abo abali nibamubonaho bachia ohweteebaanga nibaboola bati, ‘Ali yeena?’
8Achia ohukotao koti esilooto, mani ahaye ohubonehana;
achia ohukotao koti ohuboneherwa hwomu siro.
9Emoni chamubonaanga haandi haba sichicha ohumubonaho,
oba kata obwiihalo bwae ohwiichulisibwaho haandi.
10Abaana bae bachia ohukoonya obuhoonyi bw'abamanani,
haandi amahono kae omweene niko akachia ohukalusaangayo obuyiinda bwae bwoosi.
11Kata yaheebona ati amakuumba kae kalimo amaani k'oburaaga amaangi muno,
kachia ohufwa kata katyo mani kasiihwe nae mu loba.
12“Kata ebiholwa bibi byahanyunyuulira muhanwa wae,
kata yahabikisa aasi w'olulimi lwae,
13kata yahabyomiiriraho byahaya ohuwaao,
haandi yaabihayisira muhanwa wae,
14nae ebyohulya byae ebyo biba bicha ohumuhahaatira mu nda wae;
mani byaalula byaaba koti endusye mu nda wae.
15Asala haandi obuyiinda bu yamira;
Nasaae abutusaanga kata neende mu nda chaabwe.
16Achia ohunuuna esiri koti obutwa;
obusiba bw'endemo (enjuha mbi muno) bucha ohumwiita.
17Haba saacha hutingaalaho hu myaalo,
emyaalo kihulukusa obuuhi alala neende amabeere.
18Achia ohukalusayo ebiindu bi yahalaabanira byoosi,
haandi haba saacha ohubilya bimukwe mu nda;
engaanga yanyoolere mu huchurusa hwae
haba saacha huyinyoolamo obuhoonyi bwoosi.
19Olwohuba yafwiinyirira haandi yaahaya ohudeeba hu bamanani,
haandi yaanyuula enyuumba yatoombaha.
20“Olwohuba okuliira kwae haba sikwiikuta,
haba saacha ohuwoniaho esiindu syoosi-syoosi si yeesika.
21Sibulao esiindu si yalya mani syadoong'ao;
sakira obuyiinda bwae haba sibucha ohuyiindira.
22Lu yahabeere neende ebiindu biingi bimumala, nilwo lu yaheeholere elalira omumanani ohiramo;
obusito bw'engisa bwoosi bwahamwebuusireho.
23Leha alye mani yeekute!
Nasaae achia ohumusiindihangamo etima lyae liingi,
mani limukweeho koti ebyohulya byae.
24Achia ohwiiruha esilwaaniso sy'esichuma;
nae oluyiingo lw'omugasa luchia ohumufumita lumubitemo.
25Luchia ohubachuha mani lubite mu mubiri kwae,
omutwe kwalwo kumesamesa kuchia ohubita mu ndusye yae;
obuti bucha ohumudiira.
26Obuyiinda bwae bwoosi bucha ohusihirira bweehole esiirima;
omuliro ku muundu ataadusa kuchia ohumusaamba kumumaleo;
ebiindu bidoong'ere mu nyuumba yae bicha ohusihirira.
27Ekulu lichia ohubwiihula ebyonoono byae,
esyaalo sichia ohusiingira mani simukaluuhanire.
28Ebiindu byomu nyuumba yae bicha ohunyakwa,
mani biyirwe, hu ludaalo lw'etima lya Nasaae.
29Kuno nikwo omukabo kw'omuundu mubi okutula eyiri Nasaae,
nikwo omukabo ku Nasaae yamutekehera.”
Currently Selected:
Yobbu 20: SAMIA
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019
Yobbu 20
20
Sofaari
1Nae Sofaari Omunama yakobolamo ati,
2“Sakira ebibaaso byaange binyasiihe,
bikera ninyanguya ohuhukobolamo.
3Mbulira ohwoolobiswa hu tahesimiirisira ohutula mu mboosi chimuboolere,
nae manyire nga luhoyeere ohubakobolamo.
4Ewe haba siwamanyaho sino ohutula hale,
ohutula omuundu n'achaaka ohuba hu syaalo,
5oti ohweniinia hw'omuhola-mbi haba sihuyiindiraanga,
haandi esangaalo ly'omuundu otamanyire Nasaae libechaanga ely'esiha sidiidi sa?
6Kata yahaleeya ohwoola muukulu,
haandi omutwe kwae kwoola hu bireesi,
7achia ohusihirira endaalo choosi koti obunyaka bwae bweene;
abo abali nibamubonaho bachia ohweteebaanga nibaboola bati, ‘Ali yeena?’
8Achia ohukotao koti esilooto, mani ahaye ohubonehana;
achia ohukotao koti ohuboneherwa hwomu siro.
9Emoni chamubonaanga haandi haba sichicha ohumubonaho,
oba kata obwiihalo bwae ohwiichulisibwaho haandi.
10Abaana bae bachia ohukoonya obuhoonyi bw'abamanani,
haandi amahono kae omweene niko akachia ohukalusaangayo obuyiinda bwae bwoosi.
11Kata yaheebona ati amakuumba kae kalimo amaani k'oburaaga amaangi muno,
kachia ohufwa kata katyo mani kasiihwe nae mu loba.
12“Kata ebiholwa bibi byahanyunyuulira muhanwa wae,
kata yahabikisa aasi w'olulimi lwae,
13kata yahabyomiiriraho byahaya ohuwaao,
haandi yaabihayisira muhanwa wae,
14nae ebyohulya byae ebyo biba bicha ohumuhahaatira mu nda wae;
mani byaalula byaaba koti endusye mu nda wae.
15Asala haandi obuyiinda bu yamira;
Nasaae abutusaanga kata neende mu nda chaabwe.
16Achia ohunuuna esiri koti obutwa;
obusiba bw'endemo (enjuha mbi muno) bucha ohumwiita.
17Haba saacha hutingaalaho hu myaalo,
emyaalo kihulukusa obuuhi alala neende amabeere.
18Achia ohukalusayo ebiindu bi yahalaabanira byoosi,
haandi haba saacha ohubilya bimukwe mu nda;
engaanga yanyoolere mu huchurusa hwae
haba saacha huyinyoolamo obuhoonyi bwoosi.
19Olwohuba yafwiinyirira haandi yaahaya ohudeeba hu bamanani,
haandi yaanyuula enyuumba yatoombaha.
20“Olwohuba okuliira kwae haba sikwiikuta,
haba saacha ohuwoniaho esiindu syoosi-syoosi si yeesika.
21Sibulao esiindu si yalya mani syadoong'ao;
sakira obuyiinda bwae haba sibucha ohuyiindira.
22Lu yahabeere neende ebiindu biingi bimumala, nilwo lu yaheeholere elalira omumanani ohiramo;
obusito bw'engisa bwoosi bwahamwebuusireho.
23Leha alye mani yeekute!
Nasaae achia ohumusiindihangamo etima lyae liingi,
mani limukweeho koti ebyohulya byae.
24Achia ohwiiruha esilwaaniso sy'esichuma;
nae oluyiingo lw'omugasa luchia ohumufumita lumubitemo.
25Luchia ohubachuha mani lubite mu mubiri kwae,
omutwe kwalwo kumesamesa kuchia ohubita mu ndusye yae;
obuti bucha ohumudiira.
26Obuyiinda bwae bwoosi bucha ohusihirira bweehole esiirima;
omuliro ku muundu ataadusa kuchia ohumusaamba kumumaleo;
ebiindu bidoong'ere mu nyuumba yae bicha ohusihirira.
27Ekulu lichia ohubwiihula ebyonoono byae,
esyaalo sichia ohusiingira mani simukaluuhanire.
28Ebiindu byomu nyuumba yae bicha ohunyakwa,
mani biyirwe, hu ludaalo lw'etima lya Nasaae.
29Kuno nikwo omukabo kw'omuundu mubi okutula eyiri Nasaae,
nikwo omukabo ku Nasaae yamutekehera.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019