Yobbu 21
21
Yobbu
1Yobbu nae yakobolamo ati,
2“Tekeerese bulai muwulire emboosi chaange,
mani mulehe sino siinemye omwooyo.
3Mundesimiirise, njia ohulomaloma,
mani nimala ohulomaloma, hu mweemeo mwemeede ohunduulira.
4Nae hulwaange, mubaasa muti ndi ohwekanyiirisira omuundu?
Lwasiina haba sindesimiirisa?
5Mutingaale mubone koti lu ndi, esyo sibawukise,
mani mwaakame ohuunomanomaho bubi.
6Buli lu mbaasa hu kangwaaho,
njaakaanga sa ohuteengereha omubiri kwoosi.
7Lwasiina abonooni bayiindira,
mani bakofula, haandi baba neende obunyala bw'amaani?
8Abaana baabwe bahula nibabona,
haandi babona abeechuhulu baabwe nibahula.
9Sibulao esiindu sinyaasa amadaala kaabwe,
haandi Nasaae haba sabasaandya daawe.
10Esurusi chaabwe chiwoocha obutaakama;
edwaasi chaabwe chiibula, haandi emoosi chaabwe haba sichifwa.
11Beebulana koti ebisolo,
mani abaana baabwe bahina.
12Beemba nibawulira embayire neende ebiriri nibyuubbwa,
haandi basaangaala nibawulira olwiika niluubbwa.
13Banyolaanga ebiindu bilai mu bulamu bwaabwe,
mani bafwiira mu muleembe.
14Baboolera Nasaae bati, ‘Tulehe hube!
Haba sihwekoomba ohumanya engira chao.
15Ow'Obunyala bwoosi niye siina yi huli, hu humuhalaabanire?
Haandi ngaanga siina yi hunyoola mu husaba esaala yaali?’
16Bone, obuyiinda bwaabwe buli mu mahono kaabwe!
Ohukeraka hw'abonooni huli eyale naange.
17“Amahabi kaanga ka mwali nimubweene etaara ly'omuhola-mbi nilisima?
Oba esibi syaabwe nisibakwiireho?
Oba liina lu mwaboneraho Nasaae mu tima lyae n'abasaandya?
18Mani baaba koti ebikoha bi muyaka kuwuucha,
oba koti omuhuuchi ku muyaka kw'amaani kukiinga kwaasukuna eyale?
19Muboola muti, ‘Nasaae asaandya abaana baabwe hulw'ebyonoono by'abeebusi.’
Leha Nasaae asaandye abahola-mbi beene, mani banyale ohusimanya.
20Lehe abeene beebonereho neende emoni ohusihirira hwaabwe,
mani lehe abeene bawulire obwaalaba bwa Nasaae Omunyala w'ebiindu byoosi.
21Olwohuba abaandu nibamala ohufwa, haba sibadeebayo esikwa hu madaala kaabwe,
endaalo chaabwe nichimalire ohuwa hu syaalo.
22Mani aliwo omuundu onyala ohweekesa Nasaae amakesi,
naabona ati Nasaae niye oheengera abaandu bali mu bunyala bw'aakulu omusaango?
23Aliwo omuundu ofwa naali n'emyaandu miingi,
naali bulai muno haandi naabulao esiindu sy'atya,
24omubiri kwae nikwahomera
haandi n'asisiiri omuraaga.
25Nae owuundi afwa neende etima mu mwooyo,
nataanyolaho esangaalo mu mwooyo kwae.
26Boombi nasilala bakona mu loba,
mani enyeende chaabebuungaho.
27“Bone, ese manyire ebibaaso byeeng'we,
neende ebyonoono byeeng'we bi mubaasa ohuuhola.
28Olwohuba muboola muti, ‘Enyuumba y'omwaana w'omutuki yiri yeena?
Enyuumba yi muholi w'ebyonoono yali niyamenyamo yiri yeena?’
29Eng'we haba simuteebangaho abaandu bakeenda hu ngira,
mani simuwulirangaho emboosi chaabwe
30mbwe omuhola-mbi niye owona esyonoono nisikwiireo,
haandi hu ludaalo lw'etima Nasaae yaabina omuhola-mbi?
31Nae wiina mweene oweyaanayo ohumweemerera,
haandi wiina oboola ati abulaho omusaango ohweema hu biindu bi yahola?
32Nibamusiiha mu ng'ani,
esiriindwa syae basiliinda.
33Eloba lyomu hooho limunyunyuulira;
abaandu boosi bamuloondaho,
haandi abo abamwiimiriramo haba sibabaliha.
34Nae eng'we munaanyale mutye ohuunemya omwooyo neende ebiindu bibulamo obuhoonyi?
Sibulao simudoong'ere nasyo ohungobolamo, ohutusaho obusiru bwoong'ene.”
Currently Selected:
Yobbu 21: SAMIA
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019
Yobbu 21
21
Yobbu
1Yobbu nae yakobolamo ati,
2“Tekeerese bulai muwulire emboosi chaange,
mani mulehe sino siinemye omwooyo.
3Mundesimiirise, njia ohulomaloma,
mani nimala ohulomaloma, hu mweemeo mwemeede ohunduulira.
4Nae hulwaange, mubaasa muti ndi ohwekanyiirisira omuundu?
Lwasiina haba sindesimiirisa?
5Mutingaale mubone koti lu ndi, esyo sibawukise,
mani mwaakame ohuunomanomaho bubi.
6Buli lu mbaasa hu kangwaaho,
njaakaanga sa ohuteengereha omubiri kwoosi.
7Lwasiina abonooni bayiindira,
mani bakofula, haandi baba neende obunyala bw'amaani?
8Abaana baabwe bahula nibabona,
haandi babona abeechuhulu baabwe nibahula.
9Sibulao esiindu sinyaasa amadaala kaabwe,
haandi Nasaae haba sabasaandya daawe.
10Esurusi chaabwe chiwoocha obutaakama;
edwaasi chaabwe chiibula, haandi emoosi chaabwe haba sichifwa.
11Beebulana koti ebisolo,
mani abaana baabwe bahina.
12Beemba nibawulira embayire neende ebiriri nibyuubbwa,
haandi basaangaala nibawulira olwiika niluubbwa.
13Banyolaanga ebiindu bilai mu bulamu bwaabwe,
mani bafwiira mu muleembe.
14Baboolera Nasaae bati, ‘Tulehe hube!
Haba sihwekoomba ohumanya engira chao.
15Ow'Obunyala bwoosi niye siina yi huli, hu humuhalaabanire?
Haandi ngaanga siina yi hunyoola mu husaba esaala yaali?’
16Bone, obuyiinda bwaabwe buli mu mahono kaabwe!
Ohukeraka hw'abonooni huli eyale naange.
17“Amahabi kaanga ka mwali nimubweene etaara ly'omuhola-mbi nilisima?
Oba esibi syaabwe nisibakwiireho?
Oba liina lu mwaboneraho Nasaae mu tima lyae n'abasaandya?
18Mani baaba koti ebikoha bi muyaka kuwuucha,
oba koti omuhuuchi ku muyaka kw'amaani kukiinga kwaasukuna eyale?
19Muboola muti, ‘Nasaae asaandya abaana baabwe hulw'ebyonoono by'abeebusi.’
Leha Nasaae asaandye abahola-mbi beene, mani banyale ohusimanya.
20Lehe abeene beebonereho neende emoni ohusihirira hwaabwe,
mani lehe abeene bawulire obwaalaba bwa Nasaae Omunyala w'ebiindu byoosi.
21Olwohuba abaandu nibamala ohufwa, haba sibadeebayo esikwa hu madaala kaabwe,
endaalo chaabwe nichimalire ohuwa hu syaalo.
22Mani aliwo omuundu onyala ohweekesa Nasaae amakesi,
naabona ati Nasaae niye oheengera abaandu bali mu bunyala bw'aakulu omusaango?
23Aliwo omuundu ofwa naali n'emyaandu miingi,
naali bulai muno haandi naabulao esiindu sy'atya,
24omubiri kwae nikwahomera
haandi n'asisiiri omuraaga.
25Nae owuundi afwa neende etima mu mwooyo,
nataanyolaho esangaalo mu mwooyo kwae.
26Boombi nasilala bakona mu loba,
mani enyeende chaabebuungaho.
27“Bone, ese manyire ebibaaso byeeng'we,
neende ebyonoono byeeng'we bi mubaasa ohuuhola.
28Olwohuba muboola muti, ‘Enyuumba y'omwaana w'omutuki yiri yeena?
Enyuumba yi muholi w'ebyonoono yali niyamenyamo yiri yeena?’
29Eng'we haba simuteebangaho abaandu bakeenda hu ngira,
mani simuwulirangaho emboosi chaabwe
30mbwe omuhola-mbi niye owona esyonoono nisikwiireo,
haandi hu ludaalo lw'etima Nasaae yaabina omuhola-mbi?
31Nae wiina mweene oweyaanayo ohumweemerera,
haandi wiina oboola ati abulaho omusaango ohweema hu biindu bi yahola?
32Nibamusiiha mu ng'ani,
esiriindwa syae basiliinda.
33Eloba lyomu hooho limunyunyuulira;
abaandu boosi bamuloondaho,
haandi abo abamwiimiriramo haba sibabaliha.
34Nae eng'we munaanyale mutye ohuunemya omwooyo neende ebiindu bibulamo obuhoonyi?
Sibulao simudoong'ere nasyo ohungobolamo, ohutusaho obusiru bwoong'ene.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019