Yobbu 19
19
Yobbu
1Yobbu yakobolamo ati,
2“Mwahasaandye ohwoola liina?
Haandi mwahaanjite omwooyo neende emboosi cheeng'we ohwoola liina? 3Amahabi ehumi kano mubeere nimuundiho nimuunyeka;
eng'we haba esoni sichibadiiraho ohuunjira mutyo?
4Kata byahaba ebyadyeeri mbwe ndonoona,
esyonoono esyo syaange nisyo.
5Nikali mbwe muli ohundeniinisiryaho abeene mani mwasyuula,
mani mwalaanga ohutalomaloma hwaange muti ndi omubi,
6mumanye mani muti Nasaae yandeere mu bubi,
haandi yandekere neende omuteego kwae kwandeebodoohania.
7Bone, ese ndira endi, ‘Obutemo!’ nae abulao owungaluhamo;
huumula mu kono ly'aakulu, nae bubulao obwadyeeri.
8Nasaae amalire ohunjikalirao engira, haba siinyala ohubita,
mani amalire ohuta esiirima hu ngira chaange.
9Nasaae yandusireho oluyaali lwaange,
atusire ekofia y'obutuki hu mutwe kwaange.
10Nasaae yafunaake-funaake enyaande choosi, mani mbweeremo amaani,
yaniihe esuubi lyaange aakulu koti omusaala.
11Nasaae yasaangulusiireho etima lyae,
mani yaanjira koti omusuku wae.
12Amaye kae kebuusire alala;
ketekeehe ohuuseeta kaanwaanie,
mani kebodohaanie enyuumba yaange.
13“Nasaae yanjawuhaanie neende bamwaanaama,
haandi abasyaange boosi baandebwaabire.
14Abaluyia baange neende abeecha baange beene haba sibaahoonya;
15abaandu baangeniyaanga boosi baanjibiriire;
abahalaabani baange bahasi baanjira koti omuteende;
ndeholere koti omukulwa mu moni waabwe.
16Ninaanga omuhalaabani waange, haba siyangobolamo;
kata ndahamwekweeda endye.
17Esifuundu syaange siinjiruuseho omuhasi waange,
sikayiire kata bamwaanama beene ohusuda aambi naange.
18Kata abaana bayere bosi baandekeeresa;
nisiingiraho sa endi, nibachaaka ohuunomanomaho.
19Abali abeecha baange beene baandebwaabire,
haandi abo ba ndali nindaheerera elalira baandekaluuhaanieho.
20Ng'ayire muno, ndoong'ere amakuumba mahaya,
esisinini syoong'ene nisyo esidoong'ere.
21Mungwiire esisa, mungwiire esisa, eng'we abeecha baange,
olwohuba Nasaae yahuyire.
22Lwasiina eng'we mungiiya koti lu Nasaae yangiiya?
Lwasiina ohusaanda hwaange haba sihubamala?
23“Eee, emboosi chaange chiba nichandiikwa!
Eee, chiba nichandiikwa mu sitabo!
24Eee, chiba nichandiikwa neende ekalaamu y'esyuuma
mani chabaachwa mu lwaanda chaabaao endaalo choosi!
25Olwohuba ese manyire endi Omununuli waange aluwo,
haandi achia ohweema hu syaalo;
26nae esihoba syaange syahaba nisinyaasiihe siti,
njia ohubona Nasaae ni ndi neende omubiri kwaange abweene.
27Nasaae niye yi njia ohubona naali aambi naange,
haandi emoni chaange haba sichicha ohubona omuundu wuundi, nae chichia ohumubona.
Omwooyo kwaange kuumbwaamo!
28Nimuboola muti, ‘Hunamukiiye hutye!’
haandi muti, ‘Esifune sy'ebiindu bino sinyoolehana mu muundu oyo’;
29nae mutye olugaanga,
olwohuba etima lileeta ohusaanda hw'olupaanga,
hu munyale ohumanya muti aliwo ohuheenga omusaango.”
Currently Selected:
Yobbu 19: SAMIA
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019
Yobbu 19
19
Yobbu
1Yobbu yakobolamo ati,
2“Mwahasaandye ohwoola liina?
Haandi mwahaanjite omwooyo neende emboosi cheeng'we ohwoola liina? 3Amahabi ehumi kano mubeere nimuundiho nimuunyeka;
eng'we haba esoni sichibadiiraho ohuunjira mutyo?
4Kata byahaba ebyadyeeri mbwe ndonoona,
esyonoono esyo syaange nisyo.
5Nikali mbwe muli ohundeniinisiryaho abeene mani mwasyuula,
mani mwalaanga ohutalomaloma hwaange muti ndi omubi,
6mumanye mani muti Nasaae yandeere mu bubi,
haandi yandekere neende omuteego kwae kwandeebodoohania.
7Bone, ese ndira endi, ‘Obutemo!’ nae abulao owungaluhamo;
huumula mu kono ly'aakulu, nae bubulao obwadyeeri.
8Nasaae amalire ohunjikalirao engira, haba siinyala ohubita,
mani amalire ohuta esiirima hu ngira chaange.
9Nasaae yandusireho oluyaali lwaange,
atusire ekofia y'obutuki hu mutwe kwaange.
10Nasaae yafunaake-funaake enyaande choosi, mani mbweeremo amaani,
yaniihe esuubi lyaange aakulu koti omusaala.
11Nasaae yasaangulusiireho etima lyae,
mani yaanjira koti omusuku wae.
12Amaye kae kebuusire alala;
ketekeehe ohuuseeta kaanwaanie,
mani kebodohaanie enyuumba yaange.
13“Nasaae yanjawuhaanie neende bamwaanaama,
haandi abasyaange boosi baandebwaabire.
14Abaluyia baange neende abeecha baange beene haba sibaahoonya;
15abaandu baangeniyaanga boosi baanjibiriire;
abahalaabani baange bahasi baanjira koti omuteende;
ndeholere koti omukulwa mu moni waabwe.
16Ninaanga omuhalaabani waange, haba siyangobolamo;
kata ndahamwekweeda endye.
17Esifuundu syaange siinjiruuseho omuhasi waange,
sikayiire kata bamwaanama beene ohusuda aambi naange.
18Kata abaana bayere bosi baandekeeresa;
nisiingiraho sa endi, nibachaaka ohuunomanomaho.
19Abali abeecha baange beene baandebwaabire,
haandi abo ba ndali nindaheerera elalira baandekaluuhaanieho.
20Ng'ayire muno, ndoong'ere amakuumba mahaya,
esisinini syoong'ene nisyo esidoong'ere.
21Mungwiire esisa, mungwiire esisa, eng'we abeecha baange,
olwohuba Nasaae yahuyire.
22Lwasiina eng'we mungiiya koti lu Nasaae yangiiya?
Lwasiina ohusaanda hwaange haba sihubamala?
23“Eee, emboosi chaange chiba nichandiikwa!
Eee, chiba nichandiikwa mu sitabo!
24Eee, chiba nichandiikwa neende ekalaamu y'esyuuma
mani chabaachwa mu lwaanda chaabaao endaalo choosi!
25Olwohuba ese manyire endi Omununuli waange aluwo,
haandi achia ohweema hu syaalo;
26nae esihoba syaange syahaba nisinyaasiihe siti,
njia ohubona Nasaae ni ndi neende omubiri kwaange abweene.
27Nasaae niye yi njia ohubona naali aambi naange,
haandi emoni chaange haba sichicha ohubona omuundu wuundi, nae chichia ohumubona.
Omwooyo kwaange kuumbwaamo!
28Nimuboola muti, ‘Hunamukiiye hutye!’
haandi muti, ‘Esifune sy'ebiindu bino sinyoolehana mu muundu oyo’;
29nae mutye olugaanga,
olwohuba etima lileeta ohusaanda hw'olupaanga,
hu munyale ohumanya muti aliwo ohuheenga omusaango.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019