Yobbu 18
18
Bbiridaadi
1Bbiridaadi Omusuuhi yakobolamo ati,
2“Onaakoonyerese emboosi ohwoola liina?
Tangira obaase, mani huchia ohulomaloma.
3Lwasiina otubalira mu bisolo bitabaasa?
Lwasiina otuyira koti abaandu babulamo amakesi?
4Omweene niiwe owechuunia mu tima lyao,
obaasa oti esyaalo sinaalehwe hulwao,
oba olwaanda lwaatula mu bwiihalo bwalwo?
5 #
Yob 21:17. “Eee, obulafu bw'omuhola-mbi busimire,
haandi obulafu bwae bucha ohusimisibwa.
6Mu nyuumba yae, obulafu bweeholere esiirima,
haandi etaara lyae lisimire.
7Owali n'akeenda neende amaani, bulaanu yeendeherera sa
haandi endekeha chae cheene nicho echimukwiisa aasi.
8Olwohuba amakulu kae keene niko akamutekeere yakwa mu muteego,
mani akeendera sa hu buko.
9Omuteego kumudiirira hu bisiisiro,
mani olusya lwaamwomiiriraho.
10Bamutekere neende omukoye mu loba,
bateere omuteego hu ngira yae.
11Ebiindu bitiisa bimwebodohaanie hu buli mbeka,
mani bimuloondaho buli yachiira.
12Alumwa enjala mani yabwaamo amaani,
ebiindu bibi bi muliindiriire mu hudandaakira hwae.
13Obulwaae bumuliire omubiri kwawaaho,
amahono kae neende amakulu kae kadoong'ere amakuumba mahaya.
14Akakambulwe ohutula mu mubiri ku yali niyeesika,
mani ayirirwe eyiri ebiindu bitiisa muno.
15Bulaanu abaandu baatamanyire nibo abamenya mu nyuumba yae;
obuyiinda bwoomu nyuumba yae busaakuulirwe.
16Ali koti omusaala kwooma nikuchaakira hu misi,
mani amasaga kae kaahooha aakulu.
17Abulao ochia ohumwiichulisa hu syaalo,
haandi eliita lyae silicha ohwiichuliswa.
18Asukuunwe ohutula mu bulafu ohuchia mu siirima,
mani yaatuswa hu syaalo.
19Mu baandu bae, abulaho omwaana oba omwiichuhulu,
haandi yi yamenyaanga, abulao omuundu wadoong'ao.
20Abaandu batula emuumbo besiinduha nibawulira ebimukwiireho,
nae abatula ebukwe obuti bubadiira.
21Mubwadyeeri bweene, nilwo lu baandu batatya Nasaae baba,
buno nibwo obumenyo bw'omuundu otaamanyire Nasaae.”
Currently Selected:
Yobbu 18: SAMIA
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019
Yobbu 18
18
Bbiridaadi
1Bbiridaadi Omusuuhi yakobolamo ati,
2“Onaakoonyerese emboosi ohwoola liina?
Tangira obaase, mani huchia ohulomaloma.
3Lwasiina otubalira mu bisolo bitabaasa?
Lwasiina otuyira koti abaandu babulamo amakesi?
4Omweene niiwe owechuunia mu tima lyao,
obaasa oti esyaalo sinaalehwe hulwao,
oba olwaanda lwaatula mu bwiihalo bwalwo?
5 #
Yob 21:17. “Eee, obulafu bw'omuhola-mbi busimire,
haandi obulafu bwae bucha ohusimisibwa.
6Mu nyuumba yae, obulafu bweeholere esiirima,
haandi etaara lyae lisimire.
7Owali n'akeenda neende amaani, bulaanu yeendeherera sa
haandi endekeha chae cheene nicho echimukwiisa aasi.
8Olwohuba amakulu kae keene niko akamutekeere yakwa mu muteego,
mani akeendera sa hu buko.
9Omuteego kumudiirira hu bisiisiro,
mani olusya lwaamwomiiriraho.
10Bamutekere neende omukoye mu loba,
bateere omuteego hu ngira yae.
11Ebiindu bitiisa bimwebodohaanie hu buli mbeka,
mani bimuloondaho buli yachiira.
12Alumwa enjala mani yabwaamo amaani,
ebiindu bibi bi muliindiriire mu hudandaakira hwae.
13Obulwaae bumuliire omubiri kwawaaho,
amahono kae neende amakulu kae kadoong'ere amakuumba mahaya.
14Akakambulwe ohutula mu mubiri ku yali niyeesika,
mani ayirirwe eyiri ebiindu bitiisa muno.
15Bulaanu abaandu baatamanyire nibo abamenya mu nyuumba yae;
obuyiinda bwoomu nyuumba yae busaakuulirwe.
16Ali koti omusaala kwooma nikuchaakira hu misi,
mani amasaga kae kaahooha aakulu.
17Abulao ochia ohumwiichulisa hu syaalo,
haandi eliita lyae silicha ohwiichuliswa.
18Asukuunwe ohutula mu bulafu ohuchia mu siirima,
mani yaatuswa hu syaalo.
19Mu baandu bae, abulaho omwaana oba omwiichuhulu,
haandi yi yamenyaanga, abulao omuundu wadoong'ao.
20Abaandu batula emuumbo besiinduha nibawulira ebimukwiireho,
nae abatula ebukwe obuti bubadiira.
21Mubwadyeeri bweene, nilwo lu baandu batatya Nasaae baba,
buno nibwo obumenyo bw'omuundu otaamanyire Nasaae.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019