Yisaaya 9
9
1 #
Mat 4:15. Nae haba siyahabeeo engeri y'ohweewonia ohusaandisibwa.
Omutuki womu ndaalo chiichayo
Hale bali nibalekeeresa esyaalo sya Sebbulooni neende esyaalo sya Nafutaali, nae mu ndaalo chiichayo, esituundu esyo siliba esy'oluyaali, ohutula hu nyaanja Mediterania noochiira ebukwe niwambuuhe omwaalo kwa Yorodaani, ohwoola Galili esyaalo sy'abateende.
2 #
Mat 4:16; Luk 1:79. Abaandu abakeenderaanga mu siirima
babweene obulafu buungi;
abo abakeenderaanga mu siirima sya titititi,
obulafu bubaaduhiire.
3Omeedere obuungi bw'abateende,
obameedere esangaalo lyaabwe.
Beehoyera mu moni wao
koti lu baandu basangaala mu kesa,
koti lu baandu basangaala nibakabana ebiindu bibayaayire.
4Olwohuba ekoombo lyali nilibasidoyeere,
neende endawusi eyabahuyaanga hu mabeka,
omukwaajo kw'abaandu babasaandyaanga,
ewe obifunaake-funaake koti hale lu wafunaka-funaka eye ly'Abamidia.
5Olwohuba ebiraato byoosi eby'abasikaari abatuseeta
neende buli ngubo yeenihwa mu mabaanga
byaheehole eehwi mani byaasihirisirwa mu muliro.
6Olwohuba batwibuliire omwaana,
batubereese omwaana w'obusyaani;
obutuki buchia ohuba mu mahono kae,
eliita lyae lichia ohulaangwa liti,
“Omukabi w'Amakesi Owukisa, Nasaae w'Amaani,
Seefwe w'Endaalo Chitaakama, Omuleeti w'Omuleembe.”
7 #
Luk 1:32,33. Ohwemeeda hw'obutuki bwae neende omuleembe ku yahaleete
haba sibyahabeeho enjakamo.
Yaheehale hu sisaala sy'obutuki sya Daudi, haandi yaatuka obwaami bwae,
ohubutaao, neende ohubwomiisa
hu bwadyeeri neende obuluungifu
ohutula lu yahachaake ohutuka endaalo choosi.
Omwaami w'Obunyala niye ochia ohuhola bino byoosi.
Omwaami achia ohusaandya Yisiraeli
8bi Omwaami yalabula abeechuhulu ba Yakobbo,
mani byahakwe hu syaalo sya Yisiraeli.
9Mani abaandu boosi bahamanye,
Yisiraeli neende abaandu bamenya mu Samaria bahamanye,
abalomaloma nibesuunga neende aboomeranu emyooyo, nibaboola bati:
10“Ebyoombahe by'amatafwaali bikwiire,
mani huchia ohwombahira amakina mabaache.
Emisaala misikamoore kitemerwe kyaakwa aasi,
nae abuundu wakio huchia ohutaakao emituumba.”
11Sakira Omwaami asingiise abasuku ba Resini ohubalwania,
haandi yasiingisa abasuku baabwe ohubaseeta.
12Abasiria ohutula ebukwe neende Abafilisiti ohutula emuumbo,
bahaasame eminwa kyaabwe ohumira Yisiraeli.
Olwohuba bino nibimalire ohukwaao, etima ly'Omwaami haba siryahaakame
haandi yahabe nasikoloole omuhono kwae ohubasaandya.
13Nae Abaisiraeli haba sibefunaka baakaluha eyiri Omwaami kata ayahaba niyabasaandya,
kata bakoonya Omwaami w'Obunyala.
14Mani Omwaami yaheenga hu Yisiraeli omutwe neende omuhira,
amasaga k'esaasa neende amakada mu ludaalo lulala.
15Abasaacha bahuluundu neende abahunuufu nibo omutwe,
nae abanabbi abeekesa eby'obubacha nibo omuhira;
16olwohuba abeemirira abaandu bano babakosa,
haandi abo abeemirirwa neende abaandu abo bamala ohukoswa.
17Sakira Omwaami haba saachia ohuleha abaraaga baabwe ohuba neende obuwonero,
haandi saachia hukwiira esisa abaana baabwe bafwiirwe neende abahasi baabwe bafwiirwe,
olwohuba buli muundu siyeesa oluyaali mu Nasaae haandi mwonooni sa,
haandi buli muundu alomaloma eby'obusiru.
Olwohuba bino nibimalire ohukwaao, etima ly'Omwaami haba siryahaakame
haandi yahabe nasikoloole omuhono kwae ohubasaandya.
18Olwohuba ebyonoono by'abaandu byahasaambwe koti omuliro,
kusihirisa olunani neende amawa;
kwawaambya esichaha syaaya,
mani omwoosi kudiiraane nikuniooha nikuniina aakulu.
19Olwohuba obwaalaba bw'Omwaami w'Obunyala,
esyaalo siyambiisweho omuliro,
mani abaandu baaba koti eehwi chaaduha;
mani abulao omuundu owonia owaasye.
20Abaandu beebera hu muhono muluungi, nae bang'iidira hu muhono mukaada nihaandi badoong'a sa enjala niyisiibaluma,
haandi banyaka hu muhono mukooda, nae badoong'a nibatekuute;
buli muundu anyaka hu waasye; bahoole neende ohulya abaana baabwe beene.
21Abamanase bahaseete Abefuraimu, haandi Abefuraimu nibaseeta Abamanase,
mani boombi baheeyambaanie alala mani baseete ab'enono ya Yuda.
Olwohuba bino nibimalire ohukwaao, etima ly'Omwaami haba siryahakame
haandi yahabe nasikoloole omuhono kwae ohubasaandya.
©Bible Society of Kenya, 2019
©Bible Society of Uganda, 2019