Yisaaya 64
64
1Aaa, oba noonyala ohutaandula ekulu mani weeha aasi,
engulu chahahubweene mani chateengereha obuti.
2Chahateengerehe koti omuliro kwaaduha hu bikoha
haandi kwaabasa amaachi kaatokota.
Yiicha mani weekese obunyala bwao abasuku bao babubone,
haandi leha ebyaalo biteengerehe mu moni wao!
3Niwahola ebiindu bitiisa bi hwali nihutasuubira,
weeha aasi, mani engulu nichiteengereha mu moni wao.
4 #
1 Kor 2:9. Ohutula hale-na-haandi, abaandu haba sibawuliraangaho
kata sa ohumanyaangaho
kata sa ohubonaangaho Nasaae wuundi, ohumalaho Ewe
oholeraanga eby'amayia abo abamusuubiriramo.
5Osangaaliraanga abo abasangaalira ohuholaanga ebiluungifu,
abo abeechulisa koti lw'odaha bamenye.
Bona, Ewe watunyoolerera, nae hwemeeda sa ohwonoona.
Hwadoong'a mu bibi byeefwe ebiha biingi muno. Mani ebyo byahatuwonie, kose?
6Efwe fweesi hweholere abataali aboolerefu,
haandi ebiholwa byeefwe biluungifu byoosi, biri koti ebyefwaalo biriho eehwe.
Fwesi-fweesi huli koti esaafu lihoohere,
haandi hulw'ebyonoono byeefwe, hwadumuulwa neende omuyaka hwasukunwa eyale muno.
7Abulao omuundu wiicha yooli ohwekongooya,
abulao owiiruhira yooli ohumuwonia.
Olwohuba ewe otwekisire
haandi otumalireo hulw'ebyonoono byeefwe.
8Nae, Ewe Omwaami, Niiwe Seefwe.
Efwe huli eloba sa, nae Ewe Niiwe omuloongi weefwe;
fwesi-fweesi, huli omulimo kw'emihono kyao.
9Mani Ewe Omwaami, otatunyoolerera muno daawe,
haandi otatwoolobya hulw'ebyonoono byeefwe endaalo choosi.
Efwe fweesi koti lu otubona, huli abaandu bao.
10Ebiko byao byoolerefu, byeholere esiparara,
Siyooni syeholere esiparara,
Yerusalemu syeholere ekuunda.
11Enyuumba yeefwe enjoolerefu haandi endai muno,
yi bakuuka yeefwe bahukinisiraangamo,
yisaambirwe neende omuliro,
neende abuundu weefwe asangaasa, asihiriiswe.
12Ewe Omwaami, haba soodeebayo kata ebyo byoosi nibikwaao?
Onabuleere sa buwuleera, mani watuleha hwasaanda muno hutyo?
Currently Selected:
Yisaaya 64: SAMIA
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019
