Hosea 1
1
1 #
2 Abat 15:1-7; 2 Biha 26:1-23;
2 Abat 15:32-38; 2 Biha 27:1-8;
2 Abat 16:1-20; 2 Biha 28:1-27;
2 Abat 18:1—20:21; 2 Biha 29:1—32:33;
2 Abat 14:23-29. Chino nichio emboosi chi Omwaami yaberesa Hosea omwaana na wa Bbeeri, mu biha bi Wusia, Yotamu, Ahasi, neende Hesekia bali nibali abatuki ba Yuda, neende Yerobboamu omwaana wa Yehoasi niyali naali omutuki wa Yisiraeli.
Omuhasi wa Hosea neende abaana bae
2Omwaami niyalomaloma eyiri Yisiraeli ehabi litaangira ohubitira mu Hosea, yaboolera Hosea ati, “Ewe chia mani odeehye; omuhasi wao yoochia ohudeeya oyo achia ohuba otaali omweesikwa, nihaandi abaana bosi bachia ohuba sa koti ng'inaabwe. Mu ngeri nasilala eyo yityo, nilwo lu baandu baange boola baandeha mani beehola abataali abeesikwa daawe.”
3Olwoola, Hosea yeecha mani yadeehya omuhasi olaangwa mbwe Gomeri, owali omuhaana wa Dibbulaimu. Nibamala ohwiibula omwaana waabwe waamberi, owali omusyaani, 4#2 Abat 10:11.Omwaami yaboolera Hosea ati, “Ewe mukulihe oti, ‘Yesireeli,’ olwohuba haba sibichia ohuhiinda, ese nitasaandya omutuki wa Yisiraeli hulw'obwiiti bu Yehu kuukaang'ene yaholera mu Yesireeli. Ese njia ohwaakamia obwaami bwa Yehu. 5Mani haandi male mu Hooho lya Yesireeli, esiha syeene esyo sihirise amaani k'eye lya Yisiraeli.”
6Gomeri haandi yanyoola omwaana wa habiri nae hu luno yali naali omwaana muhaana. Bulaanu Omwaami yaboolera Hosea ati, “Ewe mukulihe oti, ‘Otaheerwa,’ olwohuba ese haba siinjia ohwemeeda ohweekesaanga obuheeri eyiri abaandu ba Yisiraeli daawe, kata sa ohubalehera hwoosi daawe. 7Nae eyiri abaandu ba Yuda, ese njia ohubeekesa obuheeri bweene. Ese, Omwaami Nasaae waabwe, njia ohubawonia, nae haba siinjia ohwehoonyera ebiita daawe oti neende engaanga, oba obuyiingo neende obusaale, oba neende efaraasi neende abeerusi bachio daawe.”
8Mani luunyuma lwa Gomeri ohusisa ohunuuna omwaana wae muhaana oyo, yeecha haandi yaayera enda yiindi mani yeebula omwaana wuundi. 9Omwaami haandi yeecha yaboolera Hosea ati, “Ewe mukulihe oti ‘Si baandu baange,’ olwohuba abaandu ba Yisiraeli bano haba bulaanu sibali abaandu baange daawe, haandi ese haba siindi Nasaae waabwe daawe.”
Yisiraeli yihoyeere ohukoboswao buyaaha
10 #
Rom 9:26. Abaandu ba Yisiraeli bachia ohuba koti omusenye kw'enyaanja, ohuhiraho okunyala ohubalwa, oba ohukerwa. Haandi Nasaae yababoolera ati, “Eng'we haba simuli abaandu baange daawe,” nae oludaalo luchia ohwiicha lwaachia ohubabooleraho ati, “Eng'we muli abaandu ba Nasaae mulamu!” 11Abaandu ba Yuda, alala neende abaandu ba Yisiraeli bachia ohwoola bakobolaneho. Bachia ohunyala ohwedoolera omwiimirisi mulala, mani haandi hu ehabi liindi banyale ohuhula-hulana mani bayiindirire mu syaalo syaabwe. Eee, oludaalo lwa Yesireeli luchia ohuba oludaalo luhunuufu!
Currently Selected:
Hosea 1: SAMIA
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019
