Danieli 12

Ebiha by'enjakamo

1 # Hubwi 12:7; Mat 24:21; Mrk 13:19; Hubwi 7:14; 12:7. Mani malaika niyemeeda ohumboolera ati: “Mu ndaalo echo, Mikaeli, malaika muhuluundu, omuliindi w'abaandu, aliboneha. Mani wahabeeo ebiha by'ohusaanda hutabechaangao ohuli hutyo otula ebyaalo lu bibechaangao. Nae mu biha ebyo, abaandu boosi ba meeta kaabwe kahanyoolwe nikandiikwa mu sitabo, bahaonisibwe. 2#Yis 26:19; Mat 25:46; Yow 5:29.Mani abaangi hu baandu baafwa, bahasyuuhe. Abaandi bahasyuuhe mu hwesiima hw'obulamu butaakama, nae abaandi bahasyuuhe mu husaanda hw'esoni neende ohulekeereswa hw'endaalo choosi pe. 3Nae abakesi, bahaaduhe koti ohwaaduha hwomu kulu, haandi abo abeekesaanga abaandu baangi ohuhola ebiindu by'obuluungifu, bahamesa-mesane koti eng'ining'ini endaalo choosi pe. 4#Hubwi 22:10.Nae ewe Danieli, liinda omulaanga kuno mu bweekisi, haandi geeng'a esifuundiho hu sitabo sino, ohwoola hu biha by'enjakamo. Abaandu baangi baheeruhe nibachia eno neende era, haandi ohumanya ebiholehana hwahemeede.”

5Ese Danieli, mani nitingaala, mani bone, ndabona abaandu baandi babiri nibeemere hu genya ly'omwaalo, mulala hu genya ly'eno, nae owuundi hu genya ly'era. 6ndateeba omusaacha wali niyefwaalire engubo ndafu, haandi niyeemere aakulu w'amaachi k'omwaalo endi: “Eby'amayia ebyo, byahayire mbaka siina nibisisiiri ohuwaao?” 7#Hubwi 10:5; Hubwi 12:14.Ao mani omusaacha oyo owefwaalire engubo ndafu, haandi owali niyeemere aakulu w'amaachi k'omwaalo, n'asiingisa aakulu amahono kae koombi, ndawulira niyeechuba eyiri Oyo Oluwo endaalo choosi. Mani nimbulira n'aboola ati, chiriba emyaaka kidatu neende esituundu. Ohwiitwa hw'abaandu ba Nasaae nihwahawe, mani ebiindu bino byoosi nibyaakama. 8Ndawulira ebiindu bi yalomaloma, nae haba sindamanya amahuluundu kabyo daawe. Mani niteeba endi: “Ewe Omwaami waange, siina syeene esyahatule mu biindu bino?” 9Nae yangobolamo ati: “Ewe Danieli, ndiira engira yao mani oweeo, olwohuba amahuwa ako k'ohuliindwa mu bweekisi, haandi kateerweho esifuundiho, ohwoola hu biha by'enjakamo.” 10#Hubwi 22:11.Abaandu baangi bahooswe abeene mani nibalafuya, mani nibakobola abayaaha. Nae abonooni, bahemeede sa ohwonoona, haandi abulao owahamanye; nae abahabe neende amakesi, bahamanye. 11#Dan 9:27; 11:31; Mat 24:15; Mrk 13:14.Mani ohutula lu siyaanwa sisaambwa sya buli ludaalo lu syatuswao, mani nibataao eby'omusiro byebwaabwa, wahabiteo endaalo elifu ndala neende emia chiri neende amahumi kataanu-na-kane (1,290). 12W'ehabi, oyo oliinda ohwoola lu ndaalo elifu ndala neende emia chidatu neende amahumi kadatu neende chitaanu (1,335), lu chahaweereho. 13“Nae ewe Danieli, ba omweesikwa, ohwoola hu njakamo. Ohufwa, nahwo ochia ohufwa, nae wahasyuuhe, mani nonyoola omukabo kwao, mu biha by'enjakamo.”

Currently Selected:

Danieli 12: SAMIA

Highlight

Copy

Compare