Esekeeli 15

Olukaado lw'omusabbiibbu

1Haandi Omwaami yalomaloma naange n'aboola ati: 2“Ewe omwaana w'omuundu, onyala ohukeraania omusabbiibbu neende omusaala kwoosi? Kuliwo omusaala kwomu sichaha kw'onyala ohukeraania neende esaga ly'omusabbiibbu? 3Omusabbiibbu kunyala kwatulamo embaao mani chabaachwamo esiindu syoosi? Oba banyala batusamo esihoondo bi bahaanihiraho esiindu syoosi? 4Bone, banyala ohukwaadusamo omuliro kwoong'ene. Nae nikumala ohuya olwaande neende olwaande, kwaadoong'a akatikaati, abulao obuhoonyi bu wahakunyoolamo daawe.” 5Bone, koti lu musabbiibbu kubula obuhoonyi nikusisiiri omulamu, nae omuliro nikumalire ohulisaamba mani lyaaya, lwosi haba silyahaba neende obuhoonyi. 6Mani sakira Omwaami Nasaae aboola ati; “Koti sibulao esiindu sy'onyala ohunyoola mu musabbiibbu mu misaala kyomu sichaha kyoosi, ohumalaho ohwaadusamo omuliro byoong'ene, nilwo lu ndahaweeyo abaandu bamenya mu Yerusalemu mani mbasaandye. 7Njia ohubasaandya, kata baheeruha ohweeyiba omuliro, nae omuliro kwahabasihirise. Ao niwo yimwahamanyire nimbasaandya, muti Niise Omwaami. 8Njia ohuhola esyaalo sibe ekuunda, olwohuba abaandu baamwo bahayire ohuba abeesikwa. Nilwo lu Omwaami Nasaae aboola.”

Currently Selected:

Esekeeli 15: SAMIA

Highlight

Copy

Compare