Danieli EMANYISA
EMANYISA
Esitabo sya Danieli syandiikwa mu biha bi Bayudaaya basaandiramo muno, nibafwiinyirirwa haandi nibeetwa neende omutuki owali n'atamanyire Nasaae. Omwandiiki w'esitabo sino yehoonyera engano neende ohuboneherwa bi akaniaaya ohugumya Abaisiraeli bomu biha byae, naali neende esuubi ati Nasaae achia ohuhuya aasi omutuki mwaalaba oyo mani akobosere abaandu bae obutuki.
Esitabo sino sirimo ebituundu bihuluundu bibiri: (1) Engano chidiira hu Danieli neende hu baasye baandi abali nae mu jeela. Danieli neende abaasye abo, olw'ohufukiirira mu Nasaae neende olwohuba abawulisi yaali, bayiingira abasuku baabwe. Engano chino chikaniaaya hu biindu byaliwo mu biha by'obutuki bw'Abbabbilooni neende mu biha by'obutuki bwa Perisia. (2) Ohuboneherwa huloondakana hu bi Danieli yabona, obwali obulolero bweekesa ohusiingira neende ohukwa hw'obutuki buungi, ohuchaakira hu butuki bwa Bbabbilooni, neende ohulaanga ohukwa hw'omutuki owali n'atamanyire Nasaae owali n'afwiinyirira Abayudaaya, haandi ohulaanga ohuyiingira hw'abaandu ba Nasaae.
Ebiri mu sitabo sino mu bwiimbikiti
Danieli neende abaasye 1:1—6:28.
Ohuboneherwa hwa Danieli 7:1—12:13
a. Ebisolo bine 7:1-28
b. Emiiku neende embusi 8:1—9:27
c. Wamwaanda ohutula muukulu 10:1—11:45
d. Ebiha by'enjakamo 12:1-13.
Currently Selected:
Danieli EMANYISA: SAMIA
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019