Amosi EMANYISA
EMANYISA
Amosi niye omunabbi otaangira mu Sitabo Syoolerefu, yi mboosi chae chandiikwa muno. Kata Amosi yali naatula mu situundu syomu Buyudaaya, nae naaholera mu butuki bw'emukulu bwa Yisiraeli. Amosi yaliwo mu myaaka emia chitaanu-na-chidatu #1:0 Esekari: Esekari niyo emyaaka emia ndala. Kristo N'ateebulwa (800 KN). Byali ebiha bilai, ebirimo obuyiinda buungi, omuleembe, neende ohudaha ediini muno. Nae Amosi naabona ati, obuyiinda bwali mu bayiinda boong'ene, haandi koti lu bayiinda bali nibayira bubi abamanani, haandi nibabafwiinyirira muno. Amosi yabona ati abaandu bali nibeebachirisa muno mu bulamu bw'ediini, haandi obwadyeeri haba sibwali obw'elalira daawe. Amosi yatulayo neende esinani mani n'ayaalira abaandu ati Nasaae achia ohusaandya esyaalo syaabwe. Yabalagira n'aboola ati, “Lehe obwadyeeri buhulukuse koti omwaalo,” (5:24) haandi n'aboola ati, “Awuundi Omwaami anyala ohukwiira abaandu abo esisa mani badoong'ao nibali abalamu.” (5:15).
Ebiri mu sitabo sino mu bwiimbikiti
Ohuheengera abaandu bamenya aambi neende Yisiraeli omusaango (1:1—2:5)
Ohuheengera Yisiraeli omusaango (2:6—6:14)
Ohuboneherwa amahabi kataanu (7:1—9:15)
Currently Selected:
Amosi EMANYISA: SAMIA
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019