Amosi 1
1
1 #
2 Abat 15:1-7; 2 Biha 26:1-23;
2 Abat 14:23-29. Chino nicho emboosi chia Amosi, mulala hu baayi ba Tekoa. Bino byoosi bidiira hu Yisiraeli bi Nasaae yeekesa Amosi, Wusia naali omutuki wa Buyudaaya, neende Yerobboamu, omwaana wa Yoasi, naali omutuki wa Yisiraeli, emyaaka kibiri musisi niyisisiiri ohuba hu syaalo. 2#Yoel 3:16.Mani Amosi n'aboola ati:
“Omwaami abuluula naali hu Lugulu lwa Siyooni,
ekono lyae libuliirihana nilitula mu Yerusalemu.
Obwaayiro bw'abaayi bwooma,
haandi aakulu w'olugulu lwa Karimeeli huhooha.”
Nasaae aheengera ebyaalo Byebodoohania Yisiraeli omusaango
Siria
3 #
Yis 17:1-3; Yer 49:23-27; Sak 9:1. Omwaami aboola ati:
“Abaandu bomu Damasiko baholere ebyonoono amahabi-na-mahabi.
Mani sakira njia ohubasaandya
olwohuba basaandya abaandu bomu Gileadi
n'obwaalaba buungi muno.
4Mani njia otubula omuliro hu dooho ly'omutuki Hasaeli,
haandi saambe ebiko by'omutuki Bbenihadadi.
5Njia ohufunaka ebiruwa by'esiko sya Damasiko,
mani sihirise abaandu bomu hooho lya Afeeni,
neende omutuki wa Bbetedeni;
mani abaandu bomu Asiria bahachie mu jeela Kiiri.”
Filisitia
6 #
Yis 14:29-31; Yer 47:1-7; Esek 25:15-17; Yoel 3:4-8; Sefa 2:4-7; Sak 9:5-7. Omwaami aboola ati: “Abaandu bomu Gasa baholere ebyonoono amahabi neende amahabi.
Mani sakira njia ohubasaandya.
Olwohuba baayira abaandu bomu syaalo syoosi mu jeela
mani nibabakusa mu Edomu.
7Sakira njia otubula omuliro hu sida sy'esiko sya Gasa,
mani saambe ebiko byasyo.
8Njia ohusihirisa abaandu bomu siko sya Asudoodi,
neende omutuki wa Asukelooni.
Njia ohusaandya esiko sya Ekironi;
haandi Abafilisiti badoong'ao bachia ohusihirira.”
Tiiro
9 #
Yis 23:1-18; Esek 26:1—28:19; Yoel 3:4-8; Sak 9:1-4; Mat 11:21,22; Luk 10:13,14. Omwaami aboola ati:
“Abaandu bomu Tiiro bahola ebyonoono amahabi-na-mahabi.
Mani sakira njia ohubasaandya,
olwohuba bayira abaandu bomu syaalo boosi mu jeela, mu Edomu,
mani nibataliinda endagaano y'obwiicha liindahola nabo.
10Mani njia otubula omuliro hu sida sy'esiko sya Tiiro,
mani saambe ebiko byasyo.”
Edomu
11 #
Yis 34:5-17; 63:1-6; Yer 49:7-22; Esek 25:12-14; 35:1-15; Oba 1:1-14; Mal 1:2-5. Omwaami aboola ati:
“Abaandu bomu Edomu bahola ebyonoono amahabi-na-mahabi.
Mani sakira njia ohubasaandya,
olwohuba bakiiya abasyaabwe neende olugaanga,
mani nibabeeta ataali ohubakwiira esisa kata nabudiidi.
Mani etima lyaabwe nilitahendeera,
nae nibadoong'a nalyo endaalo choosi.
12Mani njia ohubula omuliro hu siko sya Temani,
haandi sihirise ebiko byomu Bbosura.”
Abaamooni
13 #
Yer 49:1-6; Esek 21:28-32; 25:1-7; Sefa 2:8-11. Omwaami aboola ati:
“Abaandu bomu Abaamooni bahola ebyonoono amahabi-na-mahabi.
Mani sakira njia ohubasaandya,
olwohuba mu biita bi balwaana ohutakalasa enjaho chaabwe,
baata enda ch'abahasi bali nibali aasito.
14Mani njia otubula omuliro hu sida sy'esiko sya Rabba,
mani sihirise ebiko byasyo.
Wahabeeo ohuyokera hu ludaalo lw'ebiita,
mani ebiita byahawuume koti esifuusye.
15Omutuki waabwe yahayiingirwe mani ayirwe mu jeela,
alala neende abahunuufu bae.”
Currently Selected:
Amosi 1: SAMIA
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019
