2 Ebyomubiha 4
4
Ebyehoonyerwa mu Nyuumba ya Nasaae
(1 Abat 7:23-51)
1 #
Hut 27:1,2. Solomooni yahola alutaari y'omugasa, eyali ey'emiita chitaanu-na-chine enyaande choosi, nae emiita chine neende otutoonyese tutaanu (4.5) ohuniina aakulu. 2Haandi yahola epipa lyeebodoohania ely'omugasa, eliri emiita chibiri neende otutoonyese tubiri (2.2) obwoloberefu, emiita chine neende otutoonyese tune (4.4) ohutaatabafu, haandi neende emiita ehumi-na-chidatu neende otutoonyese tubiri (emiita ehumi-na-chidatu neende otutoonyese tubiri) ohwebodoohania. 3Humukulu w'olunikaanika lw'epipa hwaliho enyiriri ch'obusaate chibiri, lulala niluli aakulu w'oluundi. Obusaate buno bwali nibufwaanana neende esurusi, nibwayambaanisibwa hu pipa elyo. 4Epipa elyo lyali nilyateengehwa hu mikoongo ky'esurusi ch'omugasa echatingaala erwaanyi, choosi chidatu nichitingaalire embeka chikabuhaane. 5Omubiri kw'epipa elyo kwali emilimiita amahumi kataanu-na-kabiri neende chitaanu obuhomefu. Olunikaanika lwalyo lwali nilufwaana koti olw'esikoombe, nilweekodera erwaanyi koti amatwi k'esimuli. Epipa elyo lyali nilinyala ohukiinga amaachi kaera elita elifu amahumi kasaasaba (60,000). 6#Hut 30:17-21.Haandi bahola ebbeseeni ehumi, chitaanu chateebwa emwaalo w'Enyuumba ya Nasaae, nae chitaanu chateebwa emukulu. Ebbeseeni chino chali ech'ohwehoonyerwa ohwoosaanga ebituundu by'ebisolo byasaambwaanga koti ebiyaanwa bisaambwe byoosi. Amaachi kalichiingi mu pipa ehoongo, kali ak'ohwehoonyeerwaanga neende abalaamisi ohweeyosa.
7 #
Hut 25:31-40. #Hut 25:23-30. Yahola ebiteeni by'amataara ehumi eby'esaabbu, mani baabita mu Nyuumba ya Nasaae, bitaanu hu lwaande lw'emwaalo, nae bitaanu biindi hu lwaande lw'emukulu. 8Haandi yahola emeesa ehumi, mani yaamala yaachita mu Nyuumba ya Nasaae, chitaanu hu lwaande lw'omuhono muluungi, nae echiindi chitaanu hu lwaande lw'omuhono mukaada. Haandi yahola ebbeseeni emia ndala ech'esaabbu.
9Haandi bahola olwaanyi lwomuukati bweene hulw'abalaamisi, haandi neende olwaanyi lw'erwaanyi. Enjiki chohu siruwa, akatikaati w'enyanyi chali nichawomwaho omugasa. 10Bata epipa aambi neende esoonda y'ebukwe emwaalo w'Enyuumba ya Nasaae.
11Haandi Huramu yahola endamu, ebitiiyo haandi neende ebbeseeni. Mani ao niwo yi Huramu yamalira omulimo ku yaholera Omutuki Solomooni hu nyuumba ya Nasaae: 12emisiiro kibiri, ebbakuli, neende emisiruunga ky'aakulu w'emisiiro; haandi neende ebifuuniho bibiri eby'ohufuunihaanga hu bbakuli chohu misiruunga kyali aakulu w'emisiiro; 13emoondolo emia chine echohu bifuuniho ebyo, ohufuunihaanga hu bbakuli chohu misiruunga ekyali hu misiiro. 14Yahola ebiteeni, ebbeseeni chohu biteeni, 15epipa lala, haandi neende eng'oombe eyeeyi ehumi-na-chibiri ech'omugasa echayikiha epipa elyomu lwaalo walyo. 16Endamu, ebitiiyo, ebitiiyo by'ewuma, haandi neende ebyehoonyerwa byoosi Huramu yabihola ohutula mu mugasa kwanyiriswa muno, koti sa lu Mutuki Solomooni yali n'alagiire, ohwehoonyerwaanga mu Nyuumba ya Nasaae y'Omwaami. 17Omutuki yalagira ebiindu byoosi byaaholerwa mu siroombe syali akatikaati wa Sukooti neende Seereda mu Hoondo lya Yorodaani. 18Ebiindu ebibitiirifu byaholwa bi abulao omuundu yeesi owanyala ohubaliirira obusito bwoosi obw'omugasa obwehoonyerwa.
19Omutuki Solomooni haandi yalagira ohunyirisa hw'esaabbu hwaaholwa hu Nyuumba ya Nasaae eyo: alutaari, haandi neende emeesa ch'emigaati kyayaanwa eyiri Nasaae; 20ebiteeni by'amataara, haandi neende amataara k'esaabbu enyirifu muno niko akaadusirwaanga mu moni w'Abuundu Ahiramo Obwoolerefu, ohuchianakana neende endekeha yaliwo; 21ebisaate by'ebimuli, amataara, haandi neende magalo; 22ebiyaambia amataara, ebbakuli, endiisi ch'obubbaani, haandi neende ebibbaati byakiingaanga amaanda kaaduha. Ebiindi bino byoosi byaholwaanga mu saabbu haya. Emilyaango ky'erwaanyi w'Enyuumba ya Nasaae, neende emilyaango kiingira Abuundu Ahiramo Obwoolerefu woosi yaomwaangaho esaabbu.
©Bible Society of Kenya, 2019
©Bible Society of Uganda, 2019