Números 5
5
Ch'ichipaj qhawasqa runata jawaman wijch'una
1Tata Dios Moiseswan parlaspa, nillarqataj: 2Israelitakunata kamachiy tukuy llejti onqoyniyojkunata, q'eyata jisp'ajkunata chantá wañusqata llankhajkunata ima jaramanta jawaman orqhonankuta. 3Qharipis warmipis kachun, jaramanta jawaman orqhochunku. Ajinamanta jaraqa llimphupaj qhawasqa kanqa, imaraykuchus noqa paykunaj chawpinkupi kashani, nispa.
4Chantá israelitakuna mana llimphupaj qhawasqa runakunata jaramanta jawaman orqhorqanku, Tata Dios Moisesman imatachus kamachisqanta kasuspa.
Kutichinamanta kamachisqakuna
5Tata Dios Moisesta nillarqataj: 6Israelitakunata niy: Sichus qharipis, chayrí warmipis runa masinpa contranta juchallin chayqa, Tata Diospa contranpi ruwan. Chay runaqa juchayoj kanqa. 7Payqa juchanta rimarinan tiyan, chantá runa masinta mana allinta ruwasqanmanta tukuyninta kutichipunan tiyan. Chaymantaj phishqaman rak'ispa, ujnintawan yapaykuspa pagapunan tiyan. 8Sichus pimanchus pagapunan karqa chay runa wañupunmanña, nitaj pagapunanpaj pininpis kanmanchu chayqa, mashkhatachus pagapunan karqa, chayta Tata Diosman qopuspa sacerdoteman jaywanqa. Chay jawa juchan pampachasqa kananpaj, uj carnerotawan qonqa, sacerdote chayta Tata Diosman jaywananpaj.
9Israelitakuna Tata Diosman qonankupaj tukuy imatachus t'aqasqankutaqa sacerdoteman apanqanku. Chaykunataj sacerdotekunapaj kanqa. 10Imatachus Tata Diospaj t'aqaspa sacerdoteman apanku chaykunaqa, sacerdotekunapaj kanqa, nispa.
Celosanakuy kajtin imatachus ruwana
11Tata Dios Moisesta kay jinata nillarqataj: 12Israelitakunata ajinata ninki: Ichapis uj warmi mana allinta purispa, qosanta wasanchanman, 13chantá pay qosanpa mana yachasqallan waj qhariwan puñuykuspa khuchichakunman, manataj pipis rikoj kanmanchu, nitaj pipis taripanmanchu chayqa, warminta sacerdoteman pusanqa. 14Jinallataj sichus qosan mayta celosakuspa warminta tumpanman, warmin wajwan wasanchasqanrayku, chayrí warmin mana wajwan wasanchashajtillan, warminmanta anchata celosakunman chayqa, 15warminta sacerdoteman pusanqa. Chantá warminpa cuentanmanta iskay kilo cebada jak'uta Diosman jaywanqa. Chay jak'umanqa mana aceiteta, nitaj inciensota jich'anqachu, imaraykuchus chay jaywanaqa celosakunamanta jaywana kashan, chayrayku. Chayqa juchata sut'inchanapaj jaywanamin.
16Chantá sacerdoteqa chay warmita qayllachispa, Tata Diospa altarnin ñawpaqenpi sayachenqa. 17Chaymantataj Tata Diosman jaywasqa yakuta t'urumanta ruwasqa qeruwan wisenqa. Chaymantaj Dioswan Tinkukuna Toldoj pampanmanta uj chhika jallp'ata jich'aykonqa. 18Chantá chay warmita Tata Diospa ñawpaqenman sayachispa, warmej simp'asqa chujchanta kacharparenqa. Jinaspataj juchata sut'inchanapaj apamusqa jaywanata, warmiman jaywanqa. Chay celosakuy jaywanata warmi jap'ishajtintaj, sacerdotetaqa onqochej jaya yakuta jap'enqa. 19Chaymantaqa warmita kay jinata tiluchenqa: Sichus waj qhariwan mana puñuykorqankichu, manataj qosaykita wasanchaspa khuchichakorqankichu chayqa, onqochej jaya yakuta ujyajtiyki, mana imanasonqachu. 20Sitajchus qosaykita wasanchaspa, waj qhariwan puñuykuspa ch'ichichakorqanki chayrí, 21Tata Diosmanta mañakuni kay yakuta ujyajtiyki ukhuykita onqochinanta, wijsayki punkinanta, chantá mana wawa rejsiyta atejtataj ruwasunanta. 22Tata Diosnejta ñak'arichisqa kasqaykita rikuspataj, llajta masiykikuna wananqanku, nispa. Chayta sacerdote nejtintaj, warmi kutichenqa: Ajina kachun, nispa.
23Chantá sacerdoteqa imaynachus chay warmi maldicisqa kananta uj qarapi qhelqanqa. Chantá qhelqasqanta jaya yakuwan mayllaspa, chinkachenqa. 24Chaymantataj warmiman onqochej jaya yakuta ujyachenqa. Chay yakutaj sichus warmi juchayoj chayqa, sinch'i wijsa q'ewiyta oqharichenqa.
25Chantá sacerdoteqa celosakuy jaywanata warmej makinmanta jap'ispa, Tata Diosman ikhaspa, jaywanqa. Chaymantataj chay jaywanata altar pataman churanqa. 26Chaymantataj sacerdoteqa cebada jak'uta apamusqanmanta uj pojtuta oqharispa, warmej sutinpi altar patapi q'olachenqa. Chayqa yuyarikuna jaywana kanqa. Chaymantataj sacerdoteqa chay onqochej jaya yakuta warmiman ujyachenqa. 27Sichus chay warmi cheqapuni qosanta wasancharqa chayqa, onqochej jaya yakoqa wijsa q'ewiyta oqharichenqa. Wijsan punkenqa, chayraykutaj mana wawata rejsiyta atej kanqa. Warmej sutintaj israelitakuna ukhupi maldicinapaj kanqa. 28Jinapis sichus chay warmi mana qosanta wasancharqachu chayqa, chay warmipaj mana imapis kanqachu, astawanqa ashkha wawayoj kanqa.
29Kaymin celosanakuy kajtin imatachus ruwanamanta kamachisqakunaqa, maypachachus uj warmi qosayoj kashaspa wasanchaspa khuchichakun chaypacha. 30Chayrí maypachachus qosan warminta waj qharitawan tumpaspa celosakun chayqa, qhareqa warminta Tata Diosman pusanqa, sacerdotetaj kay kamachisqaman jina ruwanqa. 31Qosanqa mana juchayojchu kanqa. Warmitajrí wasancharqapuni chayqa, juchallisqanmanta ñak'arichisqa kanqa, nispa.
Currently Selected:
Números 5: DQPC
Highlight
Copy
Compare
Share
Want to have your highlights saved across all your devices? Sign up or sign in
Revisión Biblia Quechua Boliviano © Sociedad Bíblica Boliviana, 2017.
Números 5
5
Ch'ichipaj qhawasqa runata jawaman wijch'una
1Tata Dios Moiseswan parlaspa, nillarqataj: 2Israelitakunata kamachiy tukuy llejti onqoyniyojkunata, q'eyata jisp'ajkunata chantá wañusqata llankhajkunata ima jaramanta jawaman orqhonankuta. 3Qharipis warmipis kachun, jaramanta jawaman orqhochunku. Ajinamanta jaraqa llimphupaj qhawasqa kanqa, imaraykuchus noqa paykunaj chawpinkupi kashani, nispa.
4Chantá israelitakuna mana llimphupaj qhawasqa runakunata jaramanta jawaman orqhorqanku, Tata Dios Moisesman imatachus kamachisqanta kasuspa.
Kutichinamanta kamachisqakuna
5Tata Dios Moisesta nillarqataj: 6Israelitakunata niy: Sichus qharipis, chayrí warmipis runa masinpa contranta juchallin chayqa, Tata Diospa contranpi ruwan. Chay runaqa juchayoj kanqa. 7Payqa juchanta rimarinan tiyan, chantá runa masinta mana allinta ruwasqanmanta tukuyninta kutichipunan tiyan. Chaymantaj phishqaman rak'ispa, ujnintawan yapaykuspa pagapunan tiyan. 8Sichus pimanchus pagapunan karqa chay runa wañupunmanña, nitaj pagapunanpaj pininpis kanmanchu chayqa, mashkhatachus pagapunan karqa, chayta Tata Diosman qopuspa sacerdoteman jaywanqa. Chay jawa juchan pampachasqa kananpaj, uj carnerotawan qonqa, sacerdote chayta Tata Diosman jaywananpaj.
9Israelitakuna Tata Diosman qonankupaj tukuy imatachus t'aqasqankutaqa sacerdoteman apanqanku. Chaykunataj sacerdotekunapaj kanqa. 10Imatachus Tata Diospaj t'aqaspa sacerdoteman apanku chaykunaqa, sacerdotekunapaj kanqa, nispa.
Celosanakuy kajtin imatachus ruwana
11Tata Dios Moisesta kay jinata nillarqataj: 12Israelitakunata ajinata ninki: Ichapis uj warmi mana allinta purispa, qosanta wasanchanman, 13chantá pay qosanpa mana yachasqallan waj qhariwan puñuykuspa khuchichakunman, manataj pipis rikoj kanmanchu, nitaj pipis taripanmanchu chayqa, warminta sacerdoteman pusanqa. 14Jinallataj sichus qosan mayta celosakuspa warminta tumpanman, warmin wajwan wasanchasqanrayku, chayrí warmin mana wajwan wasanchashajtillan, warminmanta anchata celosakunman chayqa, 15warminta sacerdoteman pusanqa. Chantá warminpa cuentanmanta iskay kilo cebada jak'uta Diosman jaywanqa. Chay jak'umanqa mana aceiteta, nitaj inciensota jich'anqachu, imaraykuchus chay jaywanaqa celosakunamanta jaywana kashan, chayrayku. Chayqa juchata sut'inchanapaj jaywanamin.
16Chantá sacerdoteqa chay warmita qayllachispa, Tata Diospa altarnin ñawpaqenpi sayachenqa. 17Chaymantataj Tata Diosman jaywasqa yakuta t'urumanta ruwasqa qeruwan wisenqa. Chaymantaj Dioswan Tinkukuna Toldoj pampanmanta uj chhika jallp'ata jich'aykonqa. 18Chantá chay warmita Tata Diospa ñawpaqenman sayachispa, warmej simp'asqa chujchanta kacharparenqa. Jinaspataj juchata sut'inchanapaj apamusqa jaywanata, warmiman jaywanqa. Chay celosakuy jaywanata warmi jap'ishajtintaj, sacerdotetaqa onqochej jaya yakuta jap'enqa. 19Chaymantaqa warmita kay jinata tiluchenqa: Sichus waj qhariwan mana puñuykorqankichu, manataj qosaykita wasanchaspa khuchichakorqankichu chayqa, onqochej jaya yakuta ujyajtiyki, mana imanasonqachu. 20Sitajchus qosaykita wasanchaspa, waj qhariwan puñuykuspa ch'ichichakorqanki chayrí, 21Tata Diosmanta mañakuni kay yakuta ujyajtiyki ukhuykita onqochinanta, wijsayki punkinanta, chantá mana wawa rejsiyta atejtataj ruwasunanta. 22Tata Diosnejta ñak'arichisqa kasqaykita rikuspataj, llajta masiykikuna wananqanku, nispa. Chayta sacerdote nejtintaj, warmi kutichenqa: Ajina kachun, nispa.
23Chantá sacerdoteqa imaynachus chay warmi maldicisqa kananta uj qarapi qhelqanqa. Chantá qhelqasqanta jaya yakuwan mayllaspa, chinkachenqa. 24Chaymantataj warmiman onqochej jaya yakuta ujyachenqa. Chay yakutaj sichus warmi juchayoj chayqa, sinch'i wijsa q'ewiyta oqharichenqa.
25Chantá sacerdoteqa celosakuy jaywanata warmej makinmanta jap'ispa, Tata Diosman ikhaspa, jaywanqa. Chaymantataj chay jaywanata altar pataman churanqa. 26Chaymantataj sacerdoteqa cebada jak'uta apamusqanmanta uj pojtuta oqharispa, warmej sutinpi altar patapi q'olachenqa. Chayqa yuyarikuna jaywana kanqa. Chaymantataj sacerdoteqa chay onqochej jaya yakuta warmiman ujyachenqa. 27Sichus chay warmi cheqapuni qosanta wasancharqa chayqa, onqochej jaya yakoqa wijsa q'ewiyta oqharichenqa. Wijsan punkenqa, chayraykutaj mana wawata rejsiyta atej kanqa. Warmej sutintaj israelitakuna ukhupi maldicinapaj kanqa. 28Jinapis sichus chay warmi mana qosanta wasancharqachu chayqa, chay warmipaj mana imapis kanqachu, astawanqa ashkha wawayoj kanqa.
29Kaymin celosanakuy kajtin imatachus ruwanamanta kamachisqakunaqa, maypachachus uj warmi qosayoj kashaspa wasanchaspa khuchichakun chaypacha. 30Chayrí maypachachus qosan warminta waj qharitawan tumpaspa celosakun chayqa, qhareqa warminta Tata Diosman pusanqa, sacerdotetaj kay kamachisqaman jina ruwanqa. 31Qosanqa mana juchayojchu kanqa. Warmitajrí wasancharqapuni chayqa, juchallisqanmanta ñak'arichisqa kanqa, nispa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Revisión Biblia Quechua Boliviano © Sociedad Bíblica Boliviana, 2017.