Números 4
4
Levitakunaj ruwananku
1Tata Dios Moiseswan, Aaronwan ima parlaspa, nillarqataj: 2Levitakuna jatun ayllumanta Coatpa mirayninta sapa wasi aylluta ñawpa tatankoj sutinkuman jina yupaychej. 3Listankichej kinsa chunka watayojmanta phishqa chunka watayojkama qharikunata, pikunachus Dioswan Tinkukuna Toldopi imachus ruwanata ruwanankupaj jina kajkunata.
4Coatpa mirayninpata Dioswan Tinkukuna Toldopi ruwanankoqa Diospaj t'aqasqa imakunata qhawananku kashan. 5Israelitakuna puririnankupaj toldonkuta oqharejtinku, Aaronwan chantá churinkunawan ima Dioswan Tinkukuna Toldopi velota oqharenqanku. Chay veloqa Diosllapaj T'aqasqa Cheqaman yaykunapi kashan, chaywantaj Dioswan trato ruwasqa arcata qhataykonqanku. 6Chaypa patanmantaj tejón qaramanta ruwasqa qhatanawan qhataykonqanku. Chaypa patanmantaj anqa bayetawan qhataykullanqankutaj. Chaymantaj arcata wantunapaj k'aspita ninrinta pasachenqanku.
7Chaymantataj Diosman jaywasqa t'antata churanapaj chay mesata anqa bayetawan qhataykonqanku. Chaypa patanmantaj chuwakunata, wisllakunata, copakunata, vino ofrendata jaywanapaj yurukunata ima churanqanku. Jinallataj mesaman Diosman jaywasqa t'antata sapa p'unchay churallanqankutaj. 8Chaykunaj patanmantaj puka bayetawan qhataykonqanku. Chay patanmantaj tejón qaramanta ruwasqa qhatanawan qhataykullanqankutaj. Chaymantataj chay mesaj ninrinman k'aspita pasachenqanku.
9Chantá candelerota, lamparakunata, pábilo k'utunata, ushpha tantana chuwitakunata, jinataj candeleroman aceite jich'anata ima anqa bayetawan qhataykullanqankutaj. 10Chay tukuyninta tejón qaramanta ruwasqa qhatanawan mayt'uykonqanku. Jinaspataj, kallapu pataman wantunapaj churaykonqanku.
11Chaymantaqa qorimanta ruwasqa altartañataj anqa bayetawan qhataykonqanku. Chaymantataj tejón qaramanta ruwasqa qhatanawan mayt'uykonqanku. Chantá wantuspa, apanapaj k'aspita pasachenqanku. 12Chaymantataj Dioswan Tinkukuna Toldopi Diosta yupaychanapaj imakunachus kajta anqa bayetaman churanqanku. Chaytataj tejón qaramanta ruwasqa qhatanawan mayt'uykonqanku. Jinaspataj, wantunapaj kallapu pataman churanqanku.
13Chantá altarmanta ushphata pichanqanku, jinaytawantaj, puka panti bayetawan altarta qhataykonqanku. 14Chay patanmantaj Diosman jaywanapaj imakunata churanqanku: Nina k'ajata oqharinata, trinchekunata, lampakunata, chuwakunata, chantá altarpata imanchá tiyan, chaykunatawan ima. Chaymantataj patanman tejón qaramanta ruwasqa qhatanatawan qhataykonqanku. Chantá oqharispa, wantunapaj k'aspita altarpa ninrinnejta pasachenqanku. 15Maypachachus Aaronwan, churinkunawan ima tukuy chaykunata q'epichayta tukojtinku, jinataj puririnapaj jinaña kashajtinku, Coatpa churinkuna tukuy chaykunata apanankupaj jamonqanku. Chaywanpis paykunaqa Diospaj t'aqasqa imakunata ama llankhanqankuchu. Sichus llankhanqanku chayqa, wañonqanku.#4.15 Ama llankhanqankuchu: Dioswan Tinkukuna Toldopi kaj imakunataqa sacerdotekunalla qhawayta chantá llojchiyta aterqanku Diospaj t'aqasqa kasqankurayku. 1 S 5.6-11; 6.19-20; 2 S 6.6-11. Ajinata Dioswan Tinkukuna Toldoj imankunata Coatpa churinkuna apanqanku.
16Sacerdote Aaronpa churin Eleazar qhawanqa lamparakunapaj aceite ama pisinanmanta. Jinallataj sumaj q'apashaj inciensomanta, ch'aki mikhuy jaywanamanta, Diospaj t'aqanapaj jawina aceitemanta qhawallanqataj. Chantá Dioswan Tinkukuna Toldomanta chaypi tukuy ima kajmanta, chantá Diospaj t'aqasqa imakunatawan qhawallanqataj, nispa.
17Tata Diosqa Moiseswan, chantá Aaronwan ima parlaspa, nillarqataj: 18Qankunaqa Leví jatun ayllu ukhumanta Coatpa miraynin chinkapunanta ama saqenkichejchu. 19Paykuna Diosllapaj t'aqasqa kajman qayllasqankurayku ama wañunankupaj kay jinata ruwanaykichej tiyan: Aaronwan, chantá churinkunawan ima Coatpa mirayninmanta sapa ujman imatachus apanankuta, chantá imatachus ruwanankuta ninanku tiyan. 20Chaywanpis paykunaqa Diosllapaj t'aqasqa imakunata qhawaj mana yaykunankuchu tiyan, ama wañuchisqa kanankupaj, nispa.
21Chantá Tata Dios Moisesta nillarqataj: 22Jinallataj Gersonpa mirayninta yupallankitaj, sapa ujta tatankoj sutinkuman jina listaspa. 23Qharikunata kinsa chunka watayojmanta phishqa chunka watayojkama yupanki, Dioswan Tinkukuna Toldopi imachus ruwanata ruwanankupaj jina kajkunata.
24Gersonpa mirayninmanta kajkunaj ruwananqa kay kanqa: 25Paykunaqa Dioswan Tinkukuna Toldoj cortinankunata, tejón qaramanta ruwasqa qhatananta, chantá toldoman yaykunaj cortinanta ima apanqanku. 26Patioj cortinankunata, Dioswan Tinkukuna Toldopi patioman yaykuna cortinata Apallanqankutaj, chantá altartawan muyurishan, chayta. Jinallataj waskhankunata, watanapaj imakunata, chantá imachus ruwanapaj imakunatawan ima apallanqankutaj. Chaymin paykunaj ruwananku kanqa. 27Gersonpa ayllun imatachus ruwanankuta, chantá imatachus apanankutawan Aaronwan, churinkunawan ima kamachenqanku. Ajinata qankunaqa paykuna imatachus ruwanankuta sut'ita rikuchinkichej. 28Chaykuna Gersonpa ayllun Dioswan Tinkukuna Toldopi imachus ruwananku kanqa. Sacerdote Aaronpa churin Itamartaj paykunata kamachenqa.#Nm 3.25-26.
29Jinallataj Merarij mirayninta yupallankitaj, sapa ujta ñawpa tatankoj sutinkuman jina listaspa. 30Paykunamanta kinsa chunka watayojmanta phishqa chunka watayojkama qharikunata listanki, pikunachus Dioswan Tinkukuna Toldopi imachus ruwanata ruwanankupaj jina kajkunata. 31Dioswan Tinkukuna Toldopi paykunaj ruwanankoqa kay jina kanqa: Toldoj tablankunata, wajtera k'aspinkunata, sayantankunata, chantá chukukunata ima apanqanku. 32Jinallataj Dioswan Tinkukuna Toldoj pationta muyuykushan, chay sayantakunata, chukukunata, estacakunata, waskhakunata, watanapaj imachus kajkunata, chantá imachus ruwanapaj imakunatawan ima apallanqankutaj. Sapa ujman imatachus apanankuta qan sut'ita kamachinki. 33Merarij ayllun Dioswan Tinkukuna Toldopi imachus ruwanankoqa chaykuna kanku. Paykunatataj sacerdote Aaronpa churin Itamar kamachenqa, nispa.#Nm 3.36-37.
34Chantá Moiseswan, Aaronwan, jinataj sapa ayllu t'aqata kamachejkunapiwan ima, Coatpa mirayninmanta kajkunata ñawpa tatankoj sutinkuman jina yuparqanku. 35Qharikunata yuparqanku kinsa chunka watayojmanta phishqa chunka watayojkama, Dioswan Tinkukuna Toldopi ruwanankupaj jina kajkunata. 36Ayllunkuman jina yupasqa qharikunaqa tukuyninpi 2.750 karqanku. 37Chaykuna Coatpa mirayninmanta Dioswan Tinkukuna Toldopi imachus ruwanata ruwanankupaj jina karqanku. Ajinata Moiseswan, chantá Aaronwan ima Tata Dios Moisesnejta kamachisqanman jina listaspa, yuparqanku.
38Gersonpa miraynenqa sapa aylluman jina, jinataj tatankoj sutinman jina yupasqa karqanku, 39kinsa chunka watayojmanta phishqa chunka watayojkama qharikuna, Dioswan Tinkukuna Toldopi imachus ruwanata ruwanankupaj jina kajkunata. 40Paykuna tukuyninpi 2.630 karqanku. 41Chaykuna Gersonpa mirayninmanta karqanku, pikunachus Dioswan Tinkukuna Toldopi ruwanayoj karqanku, chaykuna. Moiseswan, chantá Aaronwan ima, Tata Diospa kamachisqanman jina, paykunata yuparqanku.
42Merarij miraynenqa ayllunkuman jina yupasqa karqanku, 43ñawpa tatankoj sutinkuman jina. Kinsa chunka watayojmanta phishqa chunka watayojkama qharikuna listasqa karqanku, Dioswan Tinkukuna Toldopi ruwanankupaj jina kajkuna. 44Tukuyninkutaj 3.200 karqanku. 45Chaykuna Merarij mirayninmanta qharikuna karqanku. Paykunata Moiseswan, chantá Aaronwan ima Tata Dios, Moisesta kamachisqanman jina, yuparqanku.
46Ajinata Moiseswan, Aaronwan, chantá israelitakunata kamachejkunapiwan ima levitakunata tukuyninta yuparqanku, ayllunkuman jina, chantá tatankoj sutinman jina. 47Kinsa chunka watayojmanta, phishqa chunka watayojkama qharikuna yupasqa karqanku, Dioswan Tinkukuna Toldopi ruwanankupaj jina kajkuna. 48Leví ayllumanta tukuyninpi 8.580 karqanku. 49Ajinata Tata Dios Moisesman kamachisqanman jina levitakunata yuparqanku. Moisestaj Tata Dios kamachisqanman jina, sapa ujman imatachus ruwanankuta, chantá imatachus apanankuta nerqa.
Currently Selected:
Números 4: DQPC
Highlight
Copy
Compare
Share
Want to have your highlights saved across all your devices? Sign up or sign in
Revisión Biblia Quechua Boliviano © Sociedad Bíblica Boliviana, 2017.
Números 4
4
Levitakunaj ruwananku
1Tata Dios Moiseswan, Aaronwan ima parlaspa, nillarqataj: 2Levitakuna jatun ayllumanta Coatpa mirayninta sapa wasi aylluta ñawpa tatankoj sutinkuman jina yupaychej. 3Listankichej kinsa chunka watayojmanta phishqa chunka watayojkama qharikunata, pikunachus Dioswan Tinkukuna Toldopi imachus ruwanata ruwanankupaj jina kajkunata.
4Coatpa mirayninpata Dioswan Tinkukuna Toldopi ruwanankoqa Diospaj t'aqasqa imakunata qhawananku kashan. 5Israelitakuna puririnankupaj toldonkuta oqharejtinku, Aaronwan chantá churinkunawan ima Dioswan Tinkukuna Toldopi velota oqharenqanku. Chay veloqa Diosllapaj T'aqasqa Cheqaman yaykunapi kashan, chaywantaj Dioswan trato ruwasqa arcata qhataykonqanku. 6Chaypa patanmantaj tejón qaramanta ruwasqa qhatanawan qhataykonqanku. Chaypa patanmantaj anqa bayetawan qhataykullanqankutaj. Chaymantaj arcata wantunapaj k'aspita ninrinta pasachenqanku.
7Chaymantataj Diosman jaywasqa t'antata churanapaj chay mesata anqa bayetawan qhataykonqanku. Chaypa patanmantaj chuwakunata, wisllakunata, copakunata, vino ofrendata jaywanapaj yurukunata ima churanqanku. Jinallataj mesaman Diosman jaywasqa t'antata sapa p'unchay churallanqankutaj. 8Chaykunaj patanmantaj puka bayetawan qhataykonqanku. Chay patanmantaj tejón qaramanta ruwasqa qhatanawan qhataykullanqankutaj. Chaymantataj chay mesaj ninrinman k'aspita pasachenqanku.
9Chantá candelerota, lamparakunata, pábilo k'utunata, ushpha tantana chuwitakunata, jinataj candeleroman aceite jich'anata ima anqa bayetawan qhataykullanqankutaj. 10Chay tukuyninta tejón qaramanta ruwasqa qhatanawan mayt'uykonqanku. Jinaspataj, kallapu pataman wantunapaj churaykonqanku.
11Chaymantaqa qorimanta ruwasqa altartañataj anqa bayetawan qhataykonqanku. Chaymantataj tejón qaramanta ruwasqa qhatanawan mayt'uykonqanku. Chantá wantuspa, apanapaj k'aspita pasachenqanku. 12Chaymantataj Dioswan Tinkukuna Toldopi Diosta yupaychanapaj imakunachus kajta anqa bayetaman churanqanku. Chaytataj tejón qaramanta ruwasqa qhatanawan mayt'uykonqanku. Jinaspataj, wantunapaj kallapu pataman churanqanku.
13Chantá altarmanta ushphata pichanqanku, jinaytawantaj, puka panti bayetawan altarta qhataykonqanku. 14Chay patanmantaj Diosman jaywanapaj imakunata churanqanku: Nina k'ajata oqharinata, trinchekunata, lampakunata, chuwakunata, chantá altarpata imanchá tiyan, chaykunatawan ima. Chaymantataj patanman tejón qaramanta ruwasqa qhatanatawan qhataykonqanku. Chantá oqharispa, wantunapaj k'aspita altarpa ninrinnejta pasachenqanku. 15Maypachachus Aaronwan, churinkunawan ima tukuy chaykunata q'epichayta tukojtinku, jinataj puririnapaj jinaña kashajtinku, Coatpa churinkuna tukuy chaykunata apanankupaj jamonqanku. Chaywanpis paykunaqa Diospaj t'aqasqa imakunata ama llankhanqankuchu. Sichus llankhanqanku chayqa, wañonqanku.#4.15 Ama llankhanqankuchu: Dioswan Tinkukuna Toldopi kaj imakunataqa sacerdotekunalla qhawayta chantá llojchiyta aterqanku Diospaj t'aqasqa kasqankurayku. 1 S 5.6-11; 6.19-20; 2 S 6.6-11. Ajinata Dioswan Tinkukuna Toldoj imankunata Coatpa churinkuna apanqanku.
16Sacerdote Aaronpa churin Eleazar qhawanqa lamparakunapaj aceite ama pisinanmanta. Jinallataj sumaj q'apashaj inciensomanta, ch'aki mikhuy jaywanamanta, Diospaj t'aqanapaj jawina aceitemanta qhawallanqataj. Chantá Dioswan Tinkukuna Toldomanta chaypi tukuy ima kajmanta, chantá Diospaj t'aqasqa imakunatawan qhawallanqataj, nispa.
17Tata Diosqa Moiseswan, chantá Aaronwan ima parlaspa, nillarqataj: 18Qankunaqa Leví jatun ayllu ukhumanta Coatpa miraynin chinkapunanta ama saqenkichejchu. 19Paykuna Diosllapaj t'aqasqa kajman qayllasqankurayku ama wañunankupaj kay jinata ruwanaykichej tiyan: Aaronwan, chantá churinkunawan ima Coatpa mirayninmanta sapa ujman imatachus apanankuta, chantá imatachus ruwanankuta ninanku tiyan. 20Chaywanpis paykunaqa Diosllapaj t'aqasqa imakunata qhawaj mana yaykunankuchu tiyan, ama wañuchisqa kanankupaj, nispa.
21Chantá Tata Dios Moisesta nillarqataj: 22Jinallataj Gersonpa mirayninta yupallankitaj, sapa ujta tatankoj sutinkuman jina listaspa. 23Qharikunata kinsa chunka watayojmanta phishqa chunka watayojkama yupanki, Dioswan Tinkukuna Toldopi imachus ruwanata ruwanankupaj jina kajkunata.
24Gersonpa mirayninmanta kajkunaj ruwananqa kay kanqa: 25Paykunaqa Dioswan Tinkukuna Toldoj cortinankunata, tejón qaramanta ruwasqa qhatananta, chantá toldoman yaykunaj cortinanta ima apanqanku. 26Patioj cortinankunata, Dioswan Tinkukuna Toldopi patioman yaykuna cortinata Apallanqankutaj, chantá altartawan muyurishan, chayta. Jinallataj waskhankunata, watanapaj imakunata, chantá imachus ruwanapaj imakunatawan ima apallanqankutaj. Chaymin paykunaj ruwananku kanqa. 27Gersonpa ayllun imatachus ruwanankuta, chantá imatachus apanankutawan Aaronwan, churinkunawan ima kamachenqanku. Ajinata qankunaqa paykuna imatachus ruwanankuta sut'ita rikuchinkichej. 28Chaykuna Gersonpa ayllun Dioswan Tinkukuna Toldopi imachus ruwananku kanqa. Sacerdote Aaronpa churin Itamartaj paykunata kamachenqa.#Nm 3.25-26.
29Jinallataj Merarij mirayninta yupallankitaj, sapa ujta ñawpa tatankoj sutinkuman jina listaspa. 30Paykunamanta kinsa chunka watayojmanta phishqa chunka watayojkama qharikunata listanki, pikunachus Dioswan Tinkukuna Toldopi imachus ruwanata ruwanankupaj jina kajkunata. 31Dioswan Tinkukuna Toldopi paykunaj ruwanankoqa kay jina kanqa: Toldoj tablankunata, wajtera k'aspinkunata, sayantankunata, chantá chukukunata ima apanqanku. 32Jinallataj Dioswan Tinkukuna Toldoj pationta muyuykushan, chay sayantakunata, chukukunata, estacakunata, waskhakunata, watanapaj imachus kajkunata, chantá imachus ruwanapaj imakunatawan ima apallanqankutaj. Sapa ujman imatachus apanankuta qan sut'ita kamachinki. 33Merarij ayllun Dioswan Tinkukuna Toldopi imachus ruwanankoqa chaykuna kanku. Paykunatataj sacerdote Aaronpa churin Itamar kamachenqa, nispa.#Nm 3.36-37.
34Chantá Moiseswan, Aaronwan, jinataj sapa ayllu t'aqata kamachejkunapiwan ima, Coatpa mirayninmanta kajkunata ñawpa tatankoj sutinkuman jina yuparqanku. 35Qharikunata yuparqanku kinsa chunka watayojmanta phishqa chunka watayojkama, Dioswan Tinkukuna Toldopi ruwanankupaj jina kajkunata. 36Ayllunkuman jina yupasqa qharikunaqa tukuyninpi 2.750 karqanku. 37Chaykuna Coatpa mirayninmanta Dioswan Tinkukuna Toldopi imachus ruwanata ruwanankupaj jina karqanku. Ajinata Moiseswan, chantá Aaronwan ima Tata Dios Moisesnejta kamachisqanman jina listaspa, yuparqanku.
38Gersonpa miraynenqa sapa aylluman jina, jinataj tatankoj sutinman jina yupasqa karqanku, 39kinsa chunka watayojmanta phishqa chunka watayojkama qharikuna, Dioswan Tinkukuna Toldopi imachus ruwanata ruwanankupaj jina kajkunata. 40Paykuna tukuyninpi 2.630 karqanku. 41Chaykuna Gersonpa mirayninmanta karqanku, pikunachus Dioswan Tinkukuna Toldopi ruwanayoj karqanku, chaykuna. Moiseswan, chantá Aaronwan ima, Tata Diospa kamachisqanman jina, paykunata yuparqanku.
42Merarij miraynenqa ayllunkuman jina yupasqa karqanku, 43ñawpa tatankoj sutinkuman jina. Kinsa chunka watayojmanta phishqa chunka watayojkama qharikuna listasqa karqanku, Dioswan Tinkukuna Toldopi ruwanankupaj jina kajkuna. 44Tukuyninkutaj 3.200 karqanku. 45Chaykuna Merarij mirayninmanta qharikuna karqanku. Paykunata Moiseswan, chantá Aaronwan ima Tata Dios, Moisesta kamachisqanman jina, yuparqanku.
46Ajinata Moiseswan, Aaronwan, chantá israelitakunata kamachejkunapiwan ima levitakunata tukuyninta yuparqanku, ayllunkuman jina, chantá tatankoj sutinman jina. 47Kinsa chunka watayojmanta, phishqa chunka watayojkama qharikuna yupasqa karqanku, Dioswan Tinkukuna Toldopi ruwanankupaj jina kajkuna. 48Leví ayllumanta tukuyninpi 8.580 karqanku. 49Ajinata Tata Dios Moisesman kamachisqanman jina levitakunata yuparqanku. Moisestaj Tata Dios kamachisqanman jina, sapa ujman imatachus ruwanankuta, chantá imatachus apanankuta nerqa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Revisión Biblia Quechua Boliviano © Sociedad Bíblica Boliviana, 2017.