Números 3
3
Levitakunaj imachus ruwananku
1Sinaí orqopi Tata Dios Moisesman parlarqa chaypacha, Aaronpata, Moisespatawan mirayninku kaykuna karqanku. 2Aaronpa churinkuna karqanku: Kuraj kaj Nadab, sullk'ankunataj Abiú, Eleazar, chantá Itamar ima. 3Paykunaqa tawantinku Aaronpa ayllunmanta sacerdote kanankupaj ajllasqa karqanku, chantá aceitewan jawisqa ima. 4Nadabwan, Abiuwan imarí Tata Diospa ñawpaqenpi wañorqanku, Sinaí orqopi Tata Diosman inciensota mana kamachisqanman jina jaywasqankumanta.#Lv 10.1-2; Nm 26.61. Chantapis paykunajta mana wawanku karqachu. Chayrayku Eleazarwan, Itamarwan ima tatanku Aarón kawsashajtin, sacerdote jina imachus ruwanankuta ruwarqanku.
5Chantá Tata Diosqa Moisesta nerqa: 6Leví jatun ayllumanta kajkunata wajyay, sacerdote Aarón kamachisqanman jina imachus ruwanankuta ruwaspa, yanapanankupaj. 7Eleazarwan chantá Itamarwan ima Aaronta, jinallataj tukuy israelitakunata Dioswan Tinkukuna Toldopi yanapanankupaj kanqanku. Jinallataj Dioswan Tinkukuna Toldopi imachus ruwanankuta ruwanqanku. 8Jinallataj Dioswan Tinkukuna Toldopi imachus kajta qhawanqanku. Chantá Dioswan Tinkukuna Toldopi imachus ruwanapi israelitakunata yanapanqanku. 9Tukuynin israelitakunamanta levitakunata t'aqay, paykuna Aaronta, miraynintawan yapanankupaj.#3.9 Leví jatun ayllu ukhupi iskay t'aqa karqa: Levitakuna nisqa, chantá Aaronpa miraynin ima. Aaronwan, churinkunawan ima sacerdotekuna kanankupaj t'aqasqa karqanku. Wakin levitakunataj Aaronta, chantá churinkunatawan ima yanapanankupaj churasqa karqanku. Nm 8.19. 10Aaronta, miraynintawan ima sacerdote ruwanata ruwanankupaj churanki. Sichus waj runa, mana sacerdote kaspalla sacerdote jina ruwanman chayqa, wañuchisqa kanqa, nispa.
Levitakuna Diospata kanku
11Chantá Tata Dios Moisesta nillarqataj: 12Tukuy israelitakunamanta levitakunata ajllakorqani. Paykunata sapa ayllupi kuraj kaj churikunaj cuentanmanta ajllakuni. Chayrayku paykunaqa noqajta kanku. 13Tukuy kuraj kaj qhari wawakunaqa noqajtamin kanku. Maypachachus Egipto llajtayojkunaj kuraj kaj churinkukunata wañuracherqani chaypacha, israelitakunaj kuraj kaj churinkukunata, jinallataj uywakunaj phiwi uñankutapis noqapaj ajllakorqani. Chayrayku chaykunaqa noqajta kanku.#Ex 13.2,11-16. Noqamin Tata Diosqa kani, nispa.
Levitakunata yupanku
14Tata Dios Sinaí ch'innejpi Moisesman nillarqataj: 15Tukuy Leví jatun ayllumanta kajkunata tatankoj sutinkuman jina yupay. Chantá sapa wasi ayllupi tukuynin qharikunata uj killayojmanta pataman listanki, nispa.#3.15 Sapa ayllupi qharikunata uj killayojmanta pataman yupaspa, mana maqanakupaj wakichinapi yuyaspachu yuparqa (Nm 1.2-46). Yuparqa kuraj kaj qhari wawakunaj cuentankumanta kanankupaj. 16Moisestaj Tata Diospa kamachisqanman jina levitakunata yuparqa.
17Levíj churinkunaqa karqanku: Gersón, Coat, chantá Merari ima.
18Gersonpa churinkunataj mirasqankuman jina karqanku: Libni, chantá Simey ima.
19Coatpata churinkunaqa mirasqankuman jina karqanku: Amirán, Isar, Hebrón, chantá Uziel ima.
20Merarij churinkunataj mirasqankuman jina karqanku: Mali, chantá Musi ima. Chaykuna Levíj churinkuna mirasqankuman jina karqanku, sapa ayllupi tatankoj sutinkuman jina yupasqa.
21Libnij ayllun, jinataj Simeypa ayllun ima Gersonpa mirayninmanta karqanku.
22Gersonpa ayllunmanta qharikuna uj killayojmanta pataman yupasqa, tukuyninpi 7.500 karqanku.
23Gersonpa ayllonqa Dioswan Tinkukuna Toldo wasapi, inti yaykuynejpi jarakorqanku. 24Gersonpa ayllunta kamachejqa Laelpa churin Eliasaf karqa. 25Paykunaqa Dioswan Tinkukuna Toldota qhawananku karqa. Jinallataj qaramanta toldo qhatanata, chantá toldoman yaykuna cortinanta ima qhawanallankutaj karqa. 26Chantá patiopi cortinakunata, Dioswan Tinkukuna Toldoj muyuyninpi patioman yaykunaj cortinanta, altarta, chantá waskhakunatawan ima qhawanallankutaj karqa.
27Coatpa miraymanta kajkuna karqanku: Amiranpa ayllun, Izharpa ayllun, Hebronpa ayllun, chantá Uzielpa ayllun ima. 28Paykuna uj killayojmanta pataman yupasqa 8.600 qharikuna karqanku. Paykunaqa Dioswan Tinkukuna Toldoj imankunata qhawanankupaj churasqa karqanku. 29Coatpa ayllunmanta kajkunaqa Dioswan Tinkukuna Toldoj urannejpi jarakorqanku. 30Paykunaj kamachejninkutaj Uzielpa churin Elisafán karqa. 31Paykuna qhawananku karqa: Arcata, mesata, candelerota, chantá altarkunata ima. Jinallataj Diosta yupaychanapaj imakunachus karqa chaykunata, velota jinataj tukuy imachus karqa chaykunatawan qhawanallankutaj karqa.
32Levitakunaj kuraj kaj kamachejninkoqa sacerdote Aaronpa churin Eleazar karqa. Payqa Dioswan Tinkukuna Toldota qhawajkunata qhawananpaj churasqa karqa.
33Merarij mirayninmanta karqanku: Malij ayllun, chantá Musij ayllun ima. 34Paykuna tukuyninpi uj killayojmanta pataman 6.200 qharikuna karqanku. 35Paykunata kamachejqa Abijailpa churin Suriel karqa. Jinataj paykunaqa Dioswan Tinkukuna Toldomanta patanejpi jarakorqanku. 36Merarij ayllunmanta kajkunaqa qhawananku karqa: Dioswan Tinkukuna Toldoj tablankunata, wajtera k'aspikunata, sayantakunata, chukukunata, chantá imachá tiyarqa, chaytawan ima. 37Jinallataj qhawananku karqa patiota muyuykushan chay k'aspikunata, chukukunata, estacakunata, chantá watana waskhakunata ima.
38Dioswan Tinkukuna Toldoj ñawpaqenpi, inti llojsimuynejpi jarakorqanku Moiseswan, Aaronwan, chantá paypa churinkuna ima. Paykunaqa israelitakunaj sutinkupi Diospa tiyakunan cheqata qhawarqanku. Sichus pipis mana sacerdote kaspalla, sacerdotej ruwananta ruwanman karqa chayqa, wañuchisqa kanan karqa.
39Ajinata Moiseswan, chantá Aaronwan ima Tata Diospa kamachisqanman jina ruwarqanku. Paykunaqa levitakunaj ayllunkuta mashkhachus kasqankuman jina yuparqanku. Tukuyninpi uj killayojmanta pataman, 22.000 qharikuna karqanku.
Kuraj kaj churikunamanta pagana
40Chantá Tata Dios Moisesta nillarqataj: Israelitakunaj tukuy kuraj kaj churinkukunata uj killayojmanta pataman listaspa, yupay. 41Chantá israelitakunaj kuraj kaj churinkukunaj cuentanmanta levitakunata ajllapuway. Noqamin Tata Diosqa kani. Kikillantataj israelitakunaj uywankukunamanta phiwi uñaj cuentanmanta levitakunaj uywankuta ajllapuway, nispa.
42Ajinata Moisés Tata Diospa kamachisqanman jina israelitakunaj kuraj kaj churinkukunata yuparqa. 43Tukuyninpi kuraj kaj qhari wawakunaqa uj killayojmanta pataman 22.273 karqanku.
44Chantá Tata Diosqa Moisesta nillarqataj: 45Israelitakunaj kuraj kaj churinkukunaj cuentanmanta Leví aylluta ajllay. Jinallataj israelitakunaj uywankoj phiwi uñankunaj cuentanmanta levitakunaj uywankuta ajllallaytaj, imajtinchus levitakunaqa noqajta kanku. Noqamin Tata Dios kani. 46Chaywanpis israelitakunaj kuraj kaj churinkukunaqa levitakunaj churinkukunamanta nisqaqa aswan ashkha kanku. Ajinaqa 273 qhari wawakunata orqhokapunankupaj, 47mañay sapa ujmanta phishqa qolqeta paganankuta, Dioswan Tinkukuna Toldopi mashkhachus tupu churasqa kasqanman jina. Chay qolqeqa chunka ujniyoj gramo kanqa. 48Chay kuraj kaj churikunaj cuentanmanta tantasqa qolqetataj Aaronman, churinkunamanwan ima jaywanki, nispa.
49Moisesqa israelitakunaj kuraj kaj churinkukunaj cuentanmanta, mayqenkunachus levitakunamanta puchorqanku, chaykunamanta qolqeta jap'erqa. 50Israelitakunaj kuraj kaj churinkukunaj cuentanmanta tukuyninpi 1.365 qolqeta jap'erqa, Dioswan Tinkukuna Toldopi tupu churasqa kasqanman jina. 51Chaymantataj Tata Dios kamachisqanman jina Moisés chay qolqeta Aaronman, churinkunamanwan ima jaywarqa.
Currently Selected:
Números 3: DQPC
Highlight
Copy
Compare
Share
Want to have your highlights saved across all your devices? Sign up or sign in
Revisión Biblia Quechua Boliviano © Sociedad Bíblica Boliviana, 2017.
Números 3
3
Levitakunaj imachus ruwananku
1Sinaí orqopi Tata Dios Moisesman parlarqa chaypacha, Aaronpata, Moisespatawan mirayninku kaykuna karqanku. 2Aaronpa churinkuna karqanku: Kuraj kaj Nadab, sullk'ankunataj Abiú, Eleazar, chantá Itamar ima. 3Paykunaqa tawantinku Aaronpa ayllunmanta sacerdote kanankupaj ajllasqa karqanku, chantá aceitewan jawisqa ima. 4Nadabwan, Abiuwan imarí Tata Diospa ñawpaqenpi wañorqanku, Sinaí orqopi Tata Diosman inciensota mana kamachisqanman jina jaywasqankumanta.#Lv 10.1-2; Nm 26.61. Chantapis paykunajta mana wawanku karqachu. Chayrayku Eleazarwan, Itamarwan ima tatanku Aarón kawsashajtin, sacerdote jina imachus ruwanankuta ruwarqanku.
5Chantá Tata Diosqa Moisesta nerqa: 6Leví jatun ayllumanta kajkunata wajyay, sacerdote Aarón kamachisqanman jina imachus ruwanankuta ruwaspa, yanapanankupaj. 7Eleazarwan chantá Itamarwan ima Aaronta, jinallataj tukuy israelitakunata Dioswan Tinkukuna Toldopi yanapanankupaj kanqanku. Jinallataj Dioswan Tinkukuna Toldopi imachus ruwanankuta ruwanqanku. 8Jinallataj Dioswan Tinkukuna Toldopi imachus kajta qhawanqanku. Chantá Dioswan Tinkukuna Toldopi imachus ruwanapi israelitakunata yanapanqanku. 9Tukuynin israelitakunamanta levitakunata t'aqay, paykuna Aaronta, miraynintawan yapanankupaj.#3.9 Leví jatun ayllu ukhupi iskay t'aqa karqa: Levitakuna nisqa, chantá Aaronpa miraynin ima. Aaronwan, churinkunawan ima sacerdotekuna kanankupaj t'aqasqa karqanku. Wakin levitakunataj Aaronta, chantá churinkunatawan ima yanapanankupaj churasqa karqanku. Nm 8.19. 10Aaronta, miraynintawan ima sacerdote ruwanata ruwanankupaj churanki. Sichus waj runa, mana sacerdote kaspalla sacerdote jina ruwanman chayqa, wañuchisqa kanqa, nispa.
Levitakuna Diospata kanku
11Chantá Tata Dios Moisesta nillarqataj: 12Tukuy israelitakunamanta levitakunata ajllakorqani. Paykunata sapa ayllupi kuraj kaj churikunaj cuentanmanta ajllakuni. Chayrayku paykunaqa noqajta kanku. 13Tukuy kuraj kaj qhari wawakunaqa noqajtamin kanku. Maypachachus Egipto llajtayojkunaj kuraj kaj churinkukunata wañuracherqani chaypacha, israelitakunaj kuraj kaj churinkukunata, jinallataj uywakunaj phiwi uñankutapis noqapaj ajllakorqani. Chayrayku chaykunaqa noqajta kanku.#Ex 13.2,11-16. Noqamin Tata Diosqa kani, nispa.
Levitakunata yupanku
14Tata Dios Sinaí ch'innejpi Moisesman nillarqataj: 15Tukuy Leví jatun ayllumanta kajkunata tatankoj sutinkuman jina yupay. Chantá sapa wasi ayllupi tukuynin qharikunata uj killayojmanta pataman listanki, nispa.#3.15 Sapa ayllupi qharikunata uj killayojmanta pataman yupaspa, mana maqanakupaj wakichinapi yuyaspachu yuparqa (Nm 1.2-46). Yuparqa kuraj kaj qhari wawakunaj cuentankumanta kanankupaj. 16Moisestaj Tata Diospa kamachisqanman jina levitakunata yuparqa.
17Levíj churinkunaqa karqanku: Gersón, Coat, chantá Merari ima.
18Gersonpa churinkunataj mirasqankuman jina karqanku: Libni, chantá Simey ima.
19Coatpata churinkunaqa mirasqankuman jina karqanku: Amirán, Isar, Hebrón, chantá Uziel ima.
20Merarij churinkunataj mirasqankuman jina karqanku: Mali, chantá Musi ima. Chaykuna Levíj churinkuna mirasqankuman jina karqanku, sapa ayllupi tatankoj sutinkuman jina yupasqa.
21Libnij ayllun, jinataj Simeypa ayllun ima Gersonpa mirayninmanta karqanku.
22Gersonpa ayllunmanta qharikuna uj killayojmanta pataman yupasqa, tukuyninpi 7.500 karqanku.
23Gersonpa ayllonqa Dioswan Tinkukuna Toldo wasapi, inti yaykuynejpi jarakorqanku. 24Gersonpa ayllunta kamachejqa Laelpa churin Eliasaf karqa. 25Paykunaqa Dioswan Tinkukuna Toldota qhawananku karqa. Jinallataj qaramanta toldo qhatanata, chantá toldoman yaykuna cortinanta ima qhawanallankutaj karqa. 26Chantá patiopi cortinakunata, Dioswan Tinkukuna Toldoj muyuyninpi patioman yaykunaj cortinanta, altarta, chantá waskhakunatawan ima qhawanallankutaj karqa.
27Coatpa miraymanta kajkuna karqanku: Amiranpa ayllun, Izharpa ayllun, Hebronpa ayllun, chantá Uzielpa ayllun ima. 28Paykuna uj killayojmanta pataman yupasqa 8.600 qharikuna karqanku. Paykunaqa Dioswan Tinkukuna Toldoj imankunata qhawanankupaj churasqa karqanku. 29Coatpa ayllunmanta kajkunaqa Dioswan Tinkukuna Toldoj urannejpi jarakorqanku. 30Paykunaj kamachejninkutaj Uzielpa churin Elisafán karqa. 31Paykuna qhawananku karqa: Arcata, mesata, candelerota, chantá altarkunata ima. Jinallataj Diosta yupaychanapaj imakunachus karqa chaykunata, velota jinataj tukuy imachus karqa chaykunatawan qhawanallankutaj karqa.
32Levitakunaj kuraj kaj kamachejninkoqa sacerdote Aaronpa churin Eleazar karqa. Payqa Dioswan Tinkukuna Toldota qhawajkunata qhawananpaj churasqa karqa.
33Merarij mirayninmanta karqanku: Malij ayllun, chantá Musij ayllun ima. 34Paykuna tukuyninpi uj killayojmanta pataman 6.200 qharikuna karqanku. 35Paykunata kamachejqa Abijailpa churin Suriel karqa. Jinataj paykunaqa Dioswan Tinkukuna Toldomanta patanejpi jarakorqanku. 36Merarij ayllunmanta kajkunaqa qhawananku karqa: Dioswan Tinkukuna Toldoj tablankunata, wajtera k'aspikunata, sayantakunata, chukukunata, chantá imachá tiyarqa, chaytawan ima. 37Jinallataj qhawananku karqa patiota muyuykushan chay k'aspikunata, chukukunata, estacakunata, chantá watana waskhakunata ima.
38Dioswan Tinkukuna Toldoj ñawpaqenpi, inti llojsimuynejpi jarakorqanku Moiseswan, Aaronwan, chantá paypa churinkuna ima. Paykunaqa israelitakunaj sutinkupi Diospa tiyakunan cheqata qhawarqanku. Sichus pipis mana sacerdote kaspalla, sacerdotej ruwananta ruwanman karqa chayqa, wañuchisqa kanan karqa.
39Ajinata Moiseswan, chantá Aaronwan ima Tata Diospa kamachisqanman jina ruwarqanku. Paykunaqa levitakunaj ayllunkuta mashkhachus kasqankuman jina yuparqanku. Tukuyninpi uj killayojmanta pataman, 22.000 qharikuna karqanku.
Kuraj kaj churikunamanta pagana
40Chantá Tata Dios Moisesta nillarqataj: Israelitakunaj tukuy kuraj kaj churinkukunata uj killayojmanta pataman listaspa, yupay. 41Chantá israelitakunaj kuraj kaj churinkukunaj cuentanmanta levitakunata ajllapuway. Noqamin Tata Diosqa kani. Kikillantataj israelitakunaj uywankukunamanta phiwi uñaj cuentanmanta levitakunaj uywankuta ajllapuway, nispa.
42Ajinata Moisés Tata Diospa kamachisqanman jina israelitakunaj kuraj kaj churinkukunata yuparqa. 43Tukuyninpi kuraj kaj qhari wawakunaqa uj killayojmanta pataman 22.273 karqanku.
44Chantá Tata Diosqa Moisesta nillarqataj: 45Israelitakunaj kuraj kaj churinkukunaj cuentanmanta Leví aylluta ajllay. Jinallataj israelitakunaj uywankoj phiwi uñankunaj cuentanmanta levitakunaj uywankuta ajllallaytaj, imajtinchus levitakunaqa noqajta kanku. Noqamin Tata Dios kani. 46Chaywanpis israelitakunaj kuraj kaj churinkukunaqa levitakunaj churinkukunamanta nisqaqa aswan ashkha kanku. Ajinaqa 273 qhari wawakunata orqhokapunankupaj, 47mañay sapa ujmanta phishqa qolqeta paganankuta, Dioswan Tinkukuna Toldopi mashkhachus tupu churasqa kasqanman jina. Chay qolqeqa chunka ujniyoj gramo kanqa. 48Chay kuraj kaj churikunaj cuentanmanta tantasqa qolqetataj Aaronman, churinkunamanwan ima jaywanki, nispa.
49Moisesqa israelitakunaj kuraj kaj churinkukunaj cuentanmanta, mayqenkunachus levitakunamanta puchorqanku, chaykunamanta qolqeta jap'erqa. 50Israelitakunaj kuraj kaj churinkukunaj cuentanmanta tukuyninpi 1.365 qolqeta jap'erqa, Dioswan Tinkukuna Toldopi tupu churasqa kasqanman jina. 51Chaymantataj Tata Dios kamachisqanman jina Moisés chay qolqeta Aaronman, churinkunamanwan ima jaywarqa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Revisión Biblia Quechua Boliviano © Sociedad Bíblica Boliviana, 2017.