Números 21
21
Jormá suyuta israelitakuna jap'inku
1Néguev jap'iypi tiyakoj, Canaanmanta Arad llajtata kuraj kamachej uyarerqa, Atarinman rej ñannejta israelitakuna jamushasqankuta. Chantá chay kuraj kamachejqa israelitakunawan maqanakoj llojsispa, wakinta jap'erqa. 2Chaymanta israelitakunaqa tiluspa, Tata Diosta nerqanku: Sichus qan Tata Dios, kay runakunata atipayta yanapawasqayku chayqa, noqayku tukuy llajtankukunata thuñispa, chinkachisqayku, nispa. 3Tata Diostaj israelitakuna imatachus mañakusqankuta uyarispa, cananeokunata atipaykuyta yanaparqa. Israelitakunataj cananeokunata tukuyninta wañucherqanku, llajtankukunatapis thuñiykorqanku. Chayrayku chay cheqata “Jormá”, nispa suticharqanku.
Broncemanta ruwasqa katari
4Chay qhepata israelitakunaqa Hor nisqa orqomanta Puka Mama Qochanejman purirerqanku, Edom suyuta muyurinankupaj. Ñanta rishajtinkutaj, israelitakunaj paciencianku tukukorqa. 5Chayrayku Diospa contranta, chantá Moisespa contrantawan ima rimayta qallarerqanku: Imapajtaj Egiptomanta orqhomuwarqaykuri? Kay ch'innejpi wañuchinawaykupajchu pusamuwarqayku? Kaypi mana mikhuna nitaj yaku ujyanapaj kanchu. Kay manakaj mikhunawan amisqaña kashayku, nispa.
6Ajinata rimasqankurayku Tata Diosqa israelitakunata khaninanpaj nina katarikunata kachaykorqa.#21.6 Khanikoj katarikuna: Phiña katarikunaj khanisqankumanta parlaspa, muchuy mana atinata nanachisqanta nerqa. Jinaqa ashkha israelitakuna katarej khanisqan wañorqanku. 7Chantá israelitakuna, Moisés kasharqa chayman rispa, nerqanku: Tata Diospa contranta, chantá qanpa contraykitawan ima rimaspa, juchalliyku. Ama jinachu kay, Tata Diosmanta mañapuwayku ari, kay katarikunata noqaykumanta chinkachinanta, nispa. Ajinaqa Moisés Tata Diosmanta mañakorqa israelitakunaj juchallisqankuta pampachananta.
8Chantá Tata Dios Moisesta nerqa: Kay nina katariman rijch'akojta broncemanta ruwaspa, wiphalata sayachina k'aspiman warkhuykuy. Tukuy pichus katariwan khanichikojqa, warkhusqa katarita qhawachun, chantá mana wañonqachu, nispa.
9Ajinaqa Moisés broncemanta katarita ruwaspa, wiphalata sayachina k'aspiman warkhuykorqa. Maypachachus katari pitapis khanejtin, broncemanta ruwasqa katarita qhawaj karqa chayqa, chay runa mana wañojchu.
Israelitakuna Moab suyuta muyurinku
10Chaymanta israelitakuna puririspa, Obot sutiyoj cheqapi jarakorqanku. 11Chaymanta puririspataj, Iyé Abarinpi jarakorqanku, Moab suyumanta inti llojsimuynej ch'innejpi. 12Chaymanta puririspataj, Zered wayq'opi jarakorqanku. 13Chaymanta rispataj, Arnón mayu chimpapi jarakorqanku. Chay mayoqa ch'innejpi kashan, amorreokunaj jap'iyninkumantapacha jamushan. Chay mayu Moab suyuta, chantá amorreokunaj suyunkutawan t'aqashan. 14Chaymanta Tata Diospa maqanakusqanmanta willaj qhelqapi nin:
Sufá jap'iynejpi, Vaheb llajtanejta rerqayku, Arnón mayunejta.
15Jinallataj Moab suyoj mojonninpi kashaj, Ar jap'iynejkama chayaj wayq'onejta muyurerqayku, nispa.
16Chaymanta israelitakunaqa Arnón mayumanta puririspa, Berkama chayarqanku. Chay pujyupi Tata Dios Moisesta nisqa: Israelitakunata tantay, noqataj yakuta qosqaykichej, nispa. 17Chaypacha israelitakunaqa kay jinata takerqanku:
Pujyumanta yaku phullchimuchun.
Noqaykutaj takipusqayku.
18Kamachejkuna kamachina varankuwan allarqanku.
Sumachaj kurajkunataj varankuwan kicharerqanku, nispa.
Chantá israelitakunaqa ch'innejmanta Matanaman rerqanku. 19Matanamantataj Najalielman purirerqanku, chaymantataj Bamotman. 20Bamotmantataj Moab suyupi valleman purirerqanku. Chay valleqa Pisga orqoman wicharinapi kashan. Chay orqomantataj ch'innej rikukun.
Israelitakuna kuraj kamachej Sijonta atipanku
(Dt 2.26-37)
21Chantá israelitakunaqa amorreokunata kuraj kamachej Sijonman kachakunata kacharqanku, ajinata ninankupaj: 22Ama jina kaspa jallp'aykinejta pasarichiwayku ari. Mana chajraykichejta, nitaj uva huertaykichejtapis sarusqaykuchu. Nillataj pujyuykichejmanta yakutapis ujyasqaykuchu. Noqaykoqa jatun ñannillanta jallp'aykinejta pasasqayku, nispa.
23Sijontajrí mana munarqachu israelitakuna jallp'annejta chimpanankuta. Manachayqa tukuy soldadonkunata tantaykuspa, israelitakunawan maqanakoj ch'innejman llojserqa. Yahás llajtaman chayaspataj, israelitakunawan maqanakoj yaykorqankupacha. 24Israelitakunatajrí Sijonta atipaykuspa, tukuy jap'iyninta jap'erqanku. Arnón mayumantapacha Jaboc mayukama, jinataj Amón suyoj jap'iyninkama jap'erqanku. Amón suyoj jap'iyninrí soldadokunawan allin jark'asqa karqa.
25Israelitakunaqa amorreokunamanta tukuy llajtata qhechuspa jap'erqanku, Jesbón llajtata, chantá muyuyninpi kaj juch'uy llajtakunatawan. Chaykunapitaj tiyakorqanku. 26Jesbón llajtaqa amorreokunaj kuraj kamachejninku Sijonpa kamachinan llajta karqa. Kamachej Sijontaj Moab suyuta ñawpa kuraj kamachejta maqanakupi atipaykuspa, Arnón mayumantapacha jap'iyninta qhechuykusqa. 27Chayrayku yarawikukuna ninku:
Jamuychej Jesbonman, kamachej Sijonpa llajtanman.
Watej sayarichispa, sumaj perqawan muyuykuchiychej.
28Jesbonmanta nina llojsimun.
Sijonpa llajtanmanta nina lawray llojsimuspa,
Moab suyupi, Ar llajtata ruphaykorqa.
Arnón orqonejpi tiyakojkunatapis ruphaykullarqataj.
29Ay, qanmanta Moab.
Quemospa lantinta yupaychajkuna chinkachisqa kankichej.
Quemos diosniykeqa qhari wawaykikunata, ayqekojkunaman tukuchin.
Warmi wawaykikunatataj amorreokunata kuraj kamachej Sijonwan jap'ichin.
30Jesbonmantapacha Dibonkama atipaykuspa, paykunata chinkacherqanchej.
Nofakama llajtankunata raqayman tukucherqanchej,
Medebakamataj phirerqanchej, nispa.
Israelitakuna kuraj kamachej Ogta atipanku
(Dt 3.1-11)
31Ajinata israelitakuna amorreokunaj jap'iyninkuta jap'erqanku. 32Chay jawa Moisesqa wakinta kacharqa, Jazer llajtata qhawamoj rinankupaj. Chantá israelitakuna chay llajtakunata jap'illarqankutaj, chaynejpi tiyakoj amorreokunatapis wijch'orqanku. 33Chaymanta israelitakunaqa Basanman rej ñanninta kutimorqanku. Basán suyuta kuraj kamachej Ogtajrí tukuy soldadonkunawan jamuspa, Edrey llajta chaynejpi paykunawan maqanakorqa.
34Chantá Tata Dios Moisesta nerqa: Ama manchachikuychu. Chay kuraj kamachejta, soldadonkunantinta, chantá tukuy suyuntinta ima makiykiman jaywaykusaj. Qantaj Jesbonpi tiyakoj amorreokunaj kuraj kamachejninku Sijonta imaynatachus ruwarqanki, ajinallatataj Ogwan ruwanki, nispa.
35Ajinata israelitakunaqa kuraj kamachej Ogta, churinkunata, chantá tukuy soldadonkunata ima wañucherqanku. Mana ujtapis kawsashajta saqerqankuchu, suyunkutataj jap'ikaporqanku.
Currently Selected:
Números 21: DQPC
Highlight
Copy
Compare
Share
Want to have your highlights saved across all your devices? Sign up or sign in
Revisión Biblia Quechua Boliviano © Sociedad Bíblica Boliviana, 2017.
Números 21
21
Jormá suyuta israelitakuna jap'inku
1Néguev jap'iypi tiyakoj, Canaanmanta Arad llajtata kuraj kamachej uyarerqa, Atarinman rej ñannejta israelitakuna jamushasqankuta. Chantá chay kuraj kamachejqa israelitakunawan maqanakoj llojsispa, wakinta jap'erqa. 2Chaymanta israelitakunaqa tiluspa, Tata Diosta nerqanku: Sichus qan Tata Dios, kay runakunata atipayta yanapawasqayku chayqa, noqayku tukuy llajtankukunata thuñispa, chinkachisqayku, nispa. 3Tata Diostaj israelitakuna imatachus mañakusqankuta uyarispa, cananeokunata atipaykuyta yanaparqa. Israelitakunataj cananeokunata tukuyninta wañucherqanku, llajtankukunatapis thuñiykorqanku. Chayrayku chay cheqata “Jormá”, nispa suticharqanku.
Broncemanta ruwasqa katari
4Chay qhepata israelitakunaqa Hor nisqa orqomanta Puka Mama Qochanejman purirerqanku, Edom suyuta muyurinankupaj. Ñanta rishajtinkutaj, israelitakunaj paciencianku tukukorqa. 5Chayrayku Diospa contranta, chantá Moisespa contrantawan ima rimayta qallarerqanku: Imapajtaj Egiptomanta orqhomuwarqaykuri? Kay ch'innejpi wañuchinawaykupajchu pusamuwarqayku? Kaypi mana mikhuna nitaj yaku ujyanapaj kanchu. Kay manakaj mikhunawan amisqaña kashayku, nispa.
6Ajinata rimasqankurayku Tata Diosqa israelitakunata khaninanpaj nina katarikunata kachaykorqa.#21.6 Khanikoj katarikuna: Phiña katarikunaj khanisqankumanta parlaspa, muchuy mana atinata nanachisqanta nerqa. Jinaqa ashkha israelitakuna katarej khanisqan wañorqanku. 7Chantá israelitakuna, Moisés kasharqa chayman rispa, nerqanku: Tata Diospa contranta, chantá qanpa contraykitawan ima rimaspa, juchalliyku. Ama jinachu kay, Tata Diosmanta mañapuwayku ari, kay katarikunata noqaykumanta chinkachinanta, nispa. Ajinaqa Moisés Tata Diosmanta mañakorqa israelitakunaj juchallisqankuta pampachananta.
8Chantá Tata Dios Moisesta nerqa: Kay nina katariman rijch'akojta broncemanta ruwaspa, wiphalata sayachina k'aspiman warkhuykuy. Tukuy pichus katariwan khanichikojqa, warkhusqa katarita qhawachun, chantá mana wañonqachu, nispa.
9Ajinaqa Moisés broncemanta katarita ruwaspa, wiphalata sayachina k'aspiman warkhuykorqa. Maypachachus katari pitapis khanejtin, broncemanta ruwasqa katarita qhawaj karqa chayqa, chay runa mana wañojchu.
Israelitakuna Moab suyuta muyurinku
10Chaymanta israelitakuna puririspa, Obot sutiyoj cheqapi jarakorqanku. 11Chaymanta puririspataj, Iyé Abarinpi jarakorqanku, Moab suyumanta inti llojsimuynej ch'innejpi. 12Chaymanta puririspataj, Zered wayq'opi jarakorqanku. 13Chaymanta rispataj, Arnón mayu chimpapi jarakorqanku. Chay mayoqa ch'innejpi kashan, amorreokunaj jap'iyninkumantapacha jamushan. Chay mayu Moab suyuta, chantá amorreokunaj suyunkutawan t'aqashan. 14Chaymanta Tata Diospa maqanakusqanmanta willaj qhelqapi nin:
Sufá jap'iynejpi, Vaheb llajtanejta rerqayku, Arnón mayunejta.
15Jinallataj Moab suyoj mojonninpi kashaj, Ar jap'iynejkama chayaj wayq'onejta muyurerqayku, nispa.
16Chaymanta israelitakunaqa Arnón mayumanta puririspa, Berkama chayarqanku. Chay pujyupi Tata Dios Moisesta nisqa: Israelitakunata tantay, noqataj yakuta qosqaykichej, nispa. 17Chaypacha israelitakunaqa kay jinata takerqanku:
Pujyumanta yaku phullchimuchun.
Noqaykutaj takipusqayku.
18Kamachejkuna kamachina varankuwan allarqanku.
Sumachaj kurajkunataj varankuwan kicharerqanku, nispa.
Chantá israelitakunaqa ch'innejmanta Matanaman rerqanku. 19Matanamantataj Najalielman purirerqanku, chaymantataj Bamotman. 20Bamotmantataj Moab suyupi valleman purirerqanku. Chay valleqa Pisga orqoman wicharinapi kashan. Chay orqomantataj ch'innej rikukun.
Israelitakuna kuraj kamachej Sijonta atipanku
(Dt 2.26-37)
21Chantá israelitakunaqa amorreokunata kuraj kamachej Sijonman kachakunata kacharqanku, ajinata ninankupaj: 22Ama jina kaspa jallp'aykinejta pasarichiwayku ari. Mana chajraykichejta, nitaj uva huertaykichejtapis sarusqaykuchu. Nillataj pujyuykichejmanta yakutapis ujyasqaykuchu. Noqaykoqa jatun ñannillanta jallp'aykinejta pasasqayku, nispa.
23Sijontajrí mana munarqachu israelitakuna jallp'annejta chimpanankuta. Manachayqa tukuy soldadonkunata tantaykuspa, israelitakunawan maqanakoj ch'innejman llojserqa. Yahás llajtaman chayaspataj, israelitakunawan maqanakoj yaykorqankupacha. 24Israelitakunatajrí Sijonta atipaykuspa, tukuy jap'iyninta jap'erqanku. Arnón mayumantapacha Jaboc mayukama, jinataj Amón suyoj jap'iyninkama jap'erqanku. Amón suyoj jap'iyninrí soldadokunawan allin jark'asqa karqa.
25Israelitakunaqa amorreokunamanta tukuy llajtata qhechuspa jap'erqanku, Jesbón llajtata, chantá muyuyninpi kaj juch'uy llajtakunatawan. Chaykunapitaj tiyakorqanku. 26Jesbón llajtaqa amorreokunaj kuraj kamachejninku Sijonpa kamachinan llajta karqa. Kamachej Sijontaj Moab suyuta ñawpa kuraj kamachejta maqanakupi atipaykuspa, Arnón mayumantapacha jap'iyninta qhechuykusqa. 27Chayrayku yarawikukuna ninku:
Jamuychej Jesbonman, kamachej Sijonpa llajtanman.
Watej sayarichispa, sumaj perqawan muyuykuchiychej.
28Jesbonmanta nina llojsimun.
Sijonpa llajtanmanta nina lawray llojsimuspa,
Moab suyupi, Ar llajtata ruphaykorqa.
Arnón orqonejpi tiyakojkunatapis ruphaykullarqataj.
29Ay, qanmanta Moab.
Quemospa lantinta yupaychajkuna chinkachisqa kankichej.
Quemos diosniykeqa qhari wawaykikunata, ayqekojkunaman tukuchin.
Warmi wawaykikunatataj amorreokunata kuraj kamachej Sijonwan jap'ichin.
30Jesbonmantapacha Dibonkama atipaykuspa, paykunata chinkacherqanchej.
Nofakama llajtankunata raqayman tukucherqanchej,
Medebakamataj phirerqanchej, nispa.
Israelitakuna kuraj kamachej Ogta atipanku
(Dt 3.1-11)
31Ajinata israelitakuna amorreokunaj jap'iyninkuta jap'erqanku. 32Chay jawa Moisesqa wakinta kacharqa, Jazer llajtata qhawamoj rinankupaj. Chantá israelitakuna chay llajtakunata jap'illarqankutaj, chaynejpi tiyakoj amorreokunatapis wijch'orqanku. 33Chaymanta israelitakunaqa Basanman rej ñanninta kutimorqanku. Basán suyuta kuraj kamachej Ogtajrí tukuy soldadonkunawan jamuspa, Edrey llajta chaynejpi paykunawan maqanakorqa.
34Chantá Tata Dios Moisesta nerqa: Ama manchachikuychu. Chay kuraj kamachejta, soldadonkunantinta, chantá tukuy suyuntinta ima makiykiman jaywaykusaj. Qantaj Jesbonpi tiyakoj amorreokunaj kuraj kamachejninku Sijonta imaynatachus ruwarqanki, ajinallatataj Ogwan ruwanki, nispa.
35Ajinata israelitakunaqa kuraj kamachej Ogta, churinkunata, chantá tukuy soldadonkunata ima wañucherqanku. Mana ujtapis kawsashajta saqerqankuchu, suyunkutataj jap'ikaporqanku.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Revisión Biblia Quechua Boliviano © Sociedad Bíblica Boliviana, 2017.