Números 20
20
Chhankamanta yaku phullchimun
(Ex 17.1-7)
1Wata qallariy killapi israelitakunaqa Zin ch'innejman chayarqanku Cadespitaj jarakorqanku. Chaypi María wañuporqa, chay kikinpitaj payta p'amparqanku.
2Chaypi mana yaku kasqanrayku, israelitakuna tantakuspa, Moisespa, chantá Aaronpa contranta ima oqharikorqanku. 3Chantá Moisespaj rimaspa, nerqanku: Wakin israelitakuna masiyku wañushajtinku, noqaykupis paykunawan khuska wañunayku allin kanman karqa.#Nm 16.23-33. 4Imapajtaj Tata Diospa ayllunta kay ch'innejman pusamunkichejri? Uywaykuwan khuskachu kaypi wañunaykuta munankichej? 5Imapajtaj kay jina millayman pusamunawaykupaj Egiptomanta orqhomuwarqaykuri? Kaypeqa mana imatapis tarpuyta atiykuchu. Mana kanchu higo sach'a, uva sach'a, nitaj granadapis. Ni yakullapis ujyanapaj kanchu, nispa.
6Chantá Moiseswan, Aaronwan ima israelitakunamanta ithirispa, Dioswan Tinkukuna Toldo punkuman rerqanku. Chaypitaj qonqorikuspa, pampakama k'umuykorqanku. Chantá Tata Diospa jatun kayninpa lliphipiynin rikhurimorqa. 7Tata Diostaj Moisesta nerqa: 8Varaykita oqharispa, qanwan, chantá Aaronwan ima israelitakunata tantaychej. Jinaspataj, paykuna rikushajtinku, chhankata kamachiy yaku llojsimunanpaj. Chantá chhankamanta yaku phullchimojtin, israelitakuna, jinataj uywankupis yakuta ujyanqanku, nispa.
9Chantá Moisés Tata Diospa ñawpaqenpi kasharqa, chay varata oqharispa, Diospa nisqanman jina ruwarqa. 10Chaymantataj Moiseswan, Aaronwan ima chhanka k'uchuman runakunata tantarqanku. Chantá Moisés runakunata nerqa: Uyariychej, mana kasukuyta munajkuna. Kay chhankamantachu ujyanaykichejpaj yakuta orqhosqayku? nispa. 11Chayta niytawan, Moisés varanta oqharispa, iskay kutita chhankata wajtarqa, ashkha yakutaj phullchimorqa. Ajinamanta runakuna, uywakuna ima ujyanankupaj yaku karqa.
12Chaywanpis Tata Dios Moisesta, Aarontawan ima nerqa: Qankuna noqapi mana atinikorqankichejchu, nitaj israelitakuna rikushajtinku jatunchawarqankichejchu. Chayrayku mana qankunachu qonayta nerqani, chay jallp'aman kay runakunata pusaykunkichej, nispa.
13Chayrayku chay juturita “Meriba”, nispa suticharqanku. Meriba suti niyta munan “phiñanakuy”. Ajinata israelitakuna chaypi Tata Dioswan churanakusqankurayku chay sutiwan suticharqanku. Chaypitaj Tata Dios may llimphu kasqanta rikucherqa.
Edom suyuta kamachej israelitakunata sayachin
14Cadesmantapacha Moisesqa Edom suyuta kuraj kamachejman kachakunata kacharqa, ajinata nichispa: Yawar masiyki israelitakuna nisunku: Qan allinta yachanki ñanta jamushajtiyku, imachus qhatiriwasqaykuta. 15Ñawpa tataykukuna Egiptoman riporqanku, chaypitaj unayta tiyakorqanku. Egipto llajtayojkunatajrí noqaykuta, ñawpa tataykuta jina, mayta ñak'arichiwarqayku. 16Chantá Tata Dios yanaparinawaykuta mañarikorqayku. Paytaj mañakusqaykuta uyarispa, Egiptomanta orqhonawaykupaj angelninta kachamorqa.
Kunanqa jallp'aykiwan tinkuypi, Cades llajtapi kashayku. 17Chayrayku nirikusuyta munayku jallp'aykinejta pasarichinawaykuta. Noqaykoqa mana chajra chawpintachu, nitaj uva huertayki chawpintachu pasasqayku, nillataj yakuykitapis ujyasqaykuchu. Noqaykoqa jallp'aykita pasanaykukama mana lloq'eman nitaj pañanejman pantaspa, jatun ñanninta#20.17 Jatun ñan: Chay ñanqa qhatuwan purejkunaj ñanninku karqa. Jatun ñanqa Golfo de Akabapi qallarispa, Damasco llajtakama chayarqa. Chantá Jordán mayoj inti llojsimuyninnejta rispa, Edom suyuta, Moabta, Amón suyuta, chantá Galaad jap'iynejta, Basán jap'iynejta ima pasarqa. Nm 21.22; Dt 2.27. risqayku, nispa.
18Edom suyuta kuraj kamachejtajrí kuticherqa: Jallp'aynejta mana pasankichejchu. Sichus mana uyarikuspa pasaytapuni munankichej chayqa, soldadoykunawan maqanakoj llojsimusaj, nispa.
19Israelitakunataj kuticherqanku: Noqaykoqa jatun ñannillanta pasasqayku. Sichus noqayku, chayrí uywayku yakuykichejta ujyaykuman chayqa, pagapusqayku. Noqaykoqa jallp'aykita pasayllata munayku, nispa.
20Chaywanpis Edom suyuta kuraj kamachej kuticherqa: Qankunaqa manapuni kayninta pasankichejchu, nispa. Chaymantataj payqa israelitakunawan maqanakoj ashkha sumaj armasqa soldadokunawan llojserqa. 21Jinataj Edom suyuta kamachej jallp'annejta manapuni pasanankuta munajtin, israelitakunaqa waj ñannejta riporqanku.#Dt 2.4-7.
Aarón wañupun
22Tukuy israelitakuna Cadesmanta puririspa, Hor nisqa orqonejman chayarqanku. 23Chantá Edom suyoj jap'iyninpa mojonnin chaynejpi, Hor nisqa orqonejpi kashajtinku, Tata Diosqa Moisesta, chantá Aaronta ima nerqa: 24Aarón kaypi wañuponqa. Israelitakunaman jallp'ata qosaj, chayman mana yaykonqachu, imaraykuchus qankunaqa Meriba nisqa juturi kantupi kashaspa, kamachisqayta mana kasuwarqankichejchu. 25Ajinaqa Aaronta, churin Eleazartawan ima Hor nisqa orqo pataman pusay. 26Chantá chaypi Aaronmanta sacerdote p'achanta lluch'uspa, chaywan Eleazarta p'achallichinki. Aarontaj chaypi wañuponqa, nispa.
27Moisestaj Tata Dios payman kamachisqanman jina, ruwarqa. Tukuy israelitakuna rikushajtinku, Hor nisqa orqoman wicharerqanku. 28Chantá chaypi Moisesqa Aaronmanta sacerdote p'achanta lluch'uspa, churin Eleazarman churaykorqa. Jinapi Aaronqa Hor nisqa orqopi wañuporqa.#Nm 33.38; Dt 10.6. Chaymantataj Moiseswan, Eleazarwan ima chay orqomanta urayk'amorqanku. 29Israelitakuna Aarón wañupusqanta yachaspataj, uj killata waqarqanku.
Currently Selected:
Números 20: DQPC
Highlight
Copy
Compare
Share
Want to have your highlights saved across all your devices? Sign up or sign in
Revisión Biblia Quechua Boliviano © Sociedad Bíblica Boliviana, 2017.
Números 20
20
Chhankamanta yaku phullchimun
(Ex 17.1-7)
1Wata qallariy killapi israelitakunaqa Zin ch'innejman chayarqanku Cadespitaj jarakorqanku. Chaypi María wañuporqa, chay kikinpitaj payta p'amparqanku.
2Chaypi mana yaku kasqanrayku, israelitakuna tantakuspa, Moisespa, chantá Aaronpa contranta ima oqharikorqanku. 3Chantá Moisespaj rimaspa, nerqanku: Wakin israelitakuna masiyku wañushajtinku, noqaykupis paykunawan khuska wañunayku allin kanman karqa.#Nm 16.23-33. 4Imapajtaj Tata Diospa ayllunta kay ch'innejman pusamunkichejri? Uywaykuwan khuskachu kaypi wañunaykuta munankichej? 5Imapajtaj kay jina millayman pusamunawaykupaj Egiptomanta orqhomuwarqaykuri? Kaypeqa mana imatapis tarpuyta atiykuchu. Mana kanchu higo sach'a, uva sach'a, nitaj granadapis. Ni yakullapis ujyanapaj kanchu, nispa.
6Chantá Moiseswan, Aaronwan ima israelitakunamanta ithirispa, Dioswan Tinkukuna Toldo punkuman rerqanku. Chaypitaj qonqorikuspa, pampakama k'umuykorqanku. Chantá Tata Diospa jatun kayninpa lliphipiynin rikhurimorqa. 7Tata Diostaj Moisesta nerqa: 8Varaykita oqharispa, qanwan, chantá Aaronwan ima israelitakunata tantaychej. Jinaspataj, paykuna rikushajtinku, chhankata kamachiy yaku llojsimunanpaj. Chantá chhankamanta yaku phullchimojtin, israelitakuna, jinataj uywankupis yakuta ujyanqanku, nispa.
9Chantá Moisés Tata Diospa ñawpaqenpi kasharqa, chay varata oqharispa, Diospa nisqanman jina ruwarqa. 10Chaymantataj Moiseswan, Aaronwan ima chhanka k'uchuman runakunata tantarqanku. Chantá Moisés runakunata nerqa: Uyariychej, mana kasukuyta munajkuna. Kay chhankamantachu ujyanaykichejpaj yakuta orqhosqayku? nispa. 11Chayta niytawan, Moisés varanta oqharispa, iskay kutita chhankata wajtarqa, ashkha yakutaj phullchimorqa. Ajinamanta runakuna, uywakuna ima ujyanankupaj yaku karqa.
12Chaywanpis Tata Dios Moisesta, Aarontawan ima nerqa: Qankuna noqapi mana atinikorqankichejchu, nitaj israelitakuna rikushajtinku jatunchawarqankichejchu. Chayrayku mana qankunachu qonayta nerqani, chay jallp'aman kay runakunata pusaykunkichej, nispa.
13Chayrayku chay juturita “Meriba”, nispa suticharqanku. Meriba suti niyta munan “phiñanakuy”. Ajinata israelitakuna chaypi Tata Dioswan churanakusqankurayku chay sutiwan suticharqanku. Chaypitaj Tata Dios may llimphu kasqanta rikucherqa.
Edom suyuta kamachej israelitakunata sayachin
14Cadesmantapacha Moisesqa Edom suyuta kuraj kamachejman kachakunata kacharqa, ajinata nichispa: Yawar masiyki israelitakuna nisunku: Qan allinta yachanki ñanta jamushajtiyku, imachus qhatiriwasqaykuta. 15Ñawpa tataykukuna Egiptoman riporqanku, chaypitaj unayta tiyakorqanku. Egipto llajtayojkunatajrí noqaykuta, ñawpa tataykuta jina, mayta ñak'arichiwarqayku. 16Chantá Tata Dios yanaparinawaykuta mañarikorqayku. Paytaj mañakusqaykuta uyarispa, Egiptomanta orqhonawaykupaj angelninta kachamorqa.
Kunanqa jallp'aykiwan tinkuypi, Cades llajtapi kashayku. 17Chayrayku nirikusuyta munayku jallp'aykinejta pasarichinawaykuta. Noqaykoqa mana chajra chawpintachu, nitaj uva huertayki chawpintachu pasasqayku, nillataj yakuykitapis ujyasqaykuchu. Noqaykoqa jallp'aykita pasanaykukama mana lloq'eman nitaj pañanejman pantaspa, jatun ñanninta#20.17 Jatun ñan: Chay ñanqa qhatuwan purejkunaj ñanninku karqa. Jatun ñanqa Golfo de Akabapi qallarispa, Damasco llajtakama chayarqa. Chantá Jordán mayoj inti llojsimuyninnejta rispa, Edom suyuta, Moabta, Amón suyuta, chantá Galaad jap'iynejta, Basán jap'iynejta ima pasarqa. Nm 21.22; Dt 2.27. risqayku, nispa.
18Edom suyuta kuraj kamachejtajrí kuticherqa: Jallp'aynejta mana pasankichejchu. Sichus mana uyarikuspa pasaytapuni munankichej chayqa, soldadoykunawan maqanakoj llojsimusaj, nispa.
19Israelitakunataj kuticherqanku: Noqaykoqa jatun ñannillanta pasasqayku. Sichus noqayku, chayrí uywayku yakuykichejta ujyaykuman chayqa, pagapusqayku. Noqaykoqa jallp'aykita pasayllata munayku, nispa.
20Chaywanpis Edom suyuta kuraj kamachej kuticherqa: Qankunaqa manapuni kayninta pasankichejchu, nispa. Chaymantataj payqa israelitakunawan maqanakoj ashkha sumaj armasqa soldadokunawan llojserqa. 21Jinataj Edom suyuta kamachej jallp'annejta manapuni pasanankuta munajtin, israelitakunaqa waj ñannejta riporqanku.#Dt 2.4-7.
Aarón wañupun
22Tukuy israelitakuna Cadesmanta puririspa, Hor nisqa orqonejman chayarqanku. 23Chantá Edom suyoj jap'iyninpa mojonnin chaynejpi, Hor nisqa orqonejpi kashajtinku, Tata Diosqa Moisesta, chantá Aaronta ima nerqa: 24Aarón kaypi wañuponqa. Israelitakunaman jallp'ata qosaj, chayman mana yaykonqachu, imaraykuchus qankunaqa Meriba nisqa juturi kantupi kashaspa, kamachisqayta mana kasuwarqankichejchu. 25Ajinaqa Aaronta, churin Eleazartawan ima Hor nisqa orqo pataman pusay. 26Chantá chaypi Aaronmanta sacerdote p'achanta lluch'uspa, chaywan Eleazarta p'achallichinki. Aarontaj chaypi wañuponqa, nispa.
27Moisestaj Tata Dios payman kamachisqanman jina, ruwarqa. Tukuy israelitakuna rikushajtinku, Hor nisqa orqoman wicharerqanku. 28Chantá chaypi Moisesqa Aaronmanta sacerdote p'achanta lluch'uspa, churin Eleazarman churaykorqa. Jinapi Aaronqa Hor nisqa orqopi wañuporqa.#Nm 33.38; Dt 10.6. Chaymantataj Moiseswan, Eleazarwan ima chay orqomanta urayk'amorqanku. 29Israelitakuna Aarón wañupusqanta yachaspataj, uj killata waqarqanku.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Revisión Biblia Quechua Boliviano © Sociedad Bíblica Boliviana, 2017.