Números 22
22
Kuraj kamachej Balacqa Balaamta wajyachin
1Israelitakuna chaymanta puririspa, Moab suyoj vallenpi jarakorqanku. Chayqa Jericó chimpapi, Jordán mayoj inti llojsimuynejpi kashan. 2Jinapis Siporpata churin Balac yacharqa israelitakuna amorreokunata imatachus ruwasqankuta. 3Jinallataj moabitakunaqa israelitakunata maytapuni manchachikorqanku, imajtinchus paykunaqa may chhikapuni karqanku. 4Chantá Moabmanta kuraj kurajkunaqa Madianmanta kurajkunata nerqanku: Kay chhika runakunaqa jallp'anchejta tukuchenqanku, imaynatachus waka q'achuta mikhuspa tukuchin, ajinata, nispa.
Chaypacha Moab suyupi Siporpata churin Balac kuraj kamachej karqa. 5Chayrayku payqa Beorpata churin Balaamta wajyachimorqa. Chaypacha Balaamqa Éufrates mayu chimpapi, Petor llajtapi kasharqa. Kamachej Balactaj runankunata Balaamman kacharqa, ajinata nichispa: Ashkha runakuna Egiptomanta ayqemuspa, jallp'aykoj chimpanpi kashanku. 6Ama jina kaspa, usqhayta jamuy ari, kay runakunata maldicinaykipaj, imaraykuchus noqamanta aswan atiyniyoj kanku. Ichapis qan maldicisqaykirayku, paykunata atipayman, qharqoymantaj kaymanta. Noqa yachani qanpa maldicisqayki, chayrí saminchasqaykeqa junt'akusqantapuni, nispa.
7Ajinaqa Moabmanta, chantá Madianmantawan kurajkuna Balaamman rerqanku, maldicisqanmanta paganankupaj qolqe aparisqa. Balaampa wasinman chayaspataj, kachakunaqa Balacpa nichisqanta willarqanku. 8Balaamtajrí paykunata nerqa: Kunan ch'isi kaypi puñukuychej, q'ayataj Tata Dios imatachus niwasqanta willasqaykichej, nispa. Moabmanta kachakunataj chay tuta Balaampa wasinpi puñorqanku.
9Chantá chay ch'isi Dios Balaamman rikhurispa, taporqa: Pikunataj wasiykipi kashanku, chaykunari? nispa.
10Balaamtaj kuticherqa: Moabmanta, Siporpata churin kuraj kamachej Balac, israelitakunata maldicinaypaj chay runakunata kachamuwasqa kay jinata nispa: 11Egiptomanta ashkha runakuna llojsimuspa, tukuynejmanta junt'aykamuwanku. Jamuspa, sutiypi kay runakunata maldiciykapuway. Ichapis maldicejtiyki, noqa paykunata atipaspa, jallp'aymanta wijch'uyman, nispa.
12Tata Diostajrí Balaamta nerqa: Ama paykunawan riychu, nitaj israelitakunata maldiciychu, imaraykuchus paykunata noqa saminchani, nispa.
13Q'ayantintaj Balaamqa tutamanta jatarispa, Balacpa kachankunata nerqa: Llajtaykichejman kutipuychej. Tata Dios qankunawan khuska rinayta mana munanchu, nispa.
14Moabmanta kurajkunataj kutipuspa, Balacman willarqanku: Balaamqa noqaykuwan khuska jamuyta mana munanchu, nispa.
15Chantá Balac ñawpaj kachasqakunamanta nisqaqa astawan ashkha kurajkunata kacharqa, jinallataj astawan respetasqa kajkunata kachallarqataj. 16Paykunataj rispa, Balaamta nerqanku: Siporpata churin Balac nisunki: Ama jina kaspa, jamuriwaypuni ari. Ama niwaychu mana, nispaqa. 17Noqaqa mashkhatachá niwasqaykita pagasqayki, imatachá niwasqaykitataj ruwasaj. Chayrayku jamurillaway ari, kay runakunata maldicipunawaykipaj, nispa.
18Balaamtajrí kachankunaman kuticherqa: Kamachej Balac wasin junt'ata qorita, qolqetapis qowachun, noqaqa Tata Diospa kamachiwasqanpa contranta mana ni imata ruwasajchu. 19Chaywanpis kunan ch'isi kaypi puñukuychej. Ujtawan Tata Diosta tapurillasajtaj, ichapis imatawan niwanman, nispa.
20Chay ch'isi Diosqa Balaamman rikhurispa, nerqa: Sichus chay runakuna qanta pusaj jamusunku chayqa, paykunawan rillay. Chaywanpis noqaj nisqallayta ruwanki, nispa.
Balaampata burron parlan
21Balaamqa q'ayantin tutamanta jatarispa, uj china burronman caronaykukuytawan, Moabmanta kurajkunawan rerqa. 22Balaamqa burronpi rerqa, iskay kamachinkunatawan pusarikuspa. Tata Diosrí Balaam risqanmanta phiñakuspa, ñanpi jark'ananpaj angelninta kachamorqa. 23Balaampa burrontaj Tata Diospa angelninta rikorqa espadan oqharisqa ñanpi sayashajta. Chayrayku ñanmanta laduyaspa, wajnejta rerqa. Balaamtajrí ñanman kutichiyta munaspa, burronta q'ajcharqa. 24Chantá Tata Diospa angelnin uva huertakunaj chawpinta rej ñanpiñataj suyaykorqa. Chay ñanqa puraj k'uchunman rumimanta perqayoj karqa. 25Burrotaj Tata Diospa angelninta ujtawan rikuspa, uj lado perqaman Balaampa chakinta ñit'iykorqa. Chaynejta Balaamqa astawan burronta q'ajcharqa. 26Tata Diospa angelnintaj aswan ñawpajman rispa, aswan k'ullkunejpi sayarqa. Chaymantaqa ni lloq'eman nitaj pañaman llojsinapaj mana karqachu. 27Burroqa Tata Diospa angelninta rikuspa, chay kikinpi pampaman laq'arparikorqa. Chantá Balaam phiñarikuspa, burrota uj k'aspiwan wajtarqa.
28Chantá Tata Dios burrota parlaricherqa. Burrotaj Balaamta nerqa: Imanayki noqa qantari? Kaytawanqa kinsa kutitaña maqawanki, nispa.
29Balaamtaj burronta nerqa: Kaypi alqorakushawanki. Sichus makiypi espada kanman karqa chayqa, kunitan wañuchiykiman karqa, nispa.
30Burrotaj kuticherqa: Noqaqa qanpa burroyki kani, unaymantapacha kunankama sapa kuti apaykachayki. Jayk'ajpis kay jinata ruwajchu kayki? nispa. Balaamtaj kuticherqa: Mana, nispa.
31Chantá Tata Diosqa angelninta chawpi ñanpi espadan oqharisqa sayashajta Balaamman rikucherqa. Rikuspataj, payqa pampakama k'umuykukorqa. 32Tata Diospa angelnintaj Balaamta nerqa: Ima nispataj burroykita kinsa kutita maqarqankiri? Noqa jark'asoj jamuni, imajtinchus Moabman rishasqayki mana allinchu rijch'awan. 33Burroyki noqata rikuwaspa, kinsa kutita ñawpaqeymanta laduyarqa. Sichus pay mana laduyanmanchu karqa chayqa, noqa qanta wañuchiykiman karqa. Burroykitatajrí mana wañuchiymanchu karqa, nispa.
34Chantá Balaamqa Tata Diospa angelninta nerqa: Noqa juchallikuni. Ñanpi sayaspa jark'ashawasqaykita mana yacharqanichu. Sichus Moabman rishasqay qanpaj mana allinchu chayqa, kaymanta kutipullasaj ari, nispa.
35Tata Diospa angelnintaj kuticherqa: Chay runakunawan rillay. Chaywanpis noqaj nisqallayta parlanki, nispa. Chantá Balaamqa Balacpa kachamusqan runakunawan rerqa.
Balaam Moabman chayan
36Balacqa Balaam jamushasqanta yachaytawan, Moabmanta uj llajtaman taripaj rerqa. Chay llajtaqa Arnón mayu chimpapi, Moab suyoj mojonnin tukukuypi karqa. 37Balaamta taripaspataj, nerqa: Chay jinatapuni qanta wajyachiyki. Imaraykutaj mana kasumuwarqankichuri? Manachu paganayta, jatunpajtaj qhawasunayta yuyarqanki? nispa.
38Balaamtajrí kuticherqa: Kunanqa kaypiña kashani. Chaywanpis mana imatapis parlayta atisajchu, manachayqa Tata Dios imatachus niwanqa, chayllata, nispa.
39Chaymantá Balaamqa Balacwan Quiriat Jusot llajtaman rerqanku. 40Chaypitaj Balacqa runankunata kamacherqa wakakunata, ovejakunata ima ñak'aspa, Balaamman, jinataj paywan jamoj kurajkunaman ima apanankuta.
Balaam israelitakunata saminchan
41Q'ayantin paqarin tutamanta Balacqa Balaamta pusarqa Bamot Baalman. Chaymanta qhawaspataj, Balaamqa israelitakunaj jarankumanta wakinta rikorqa.
Currently Selected:
Números 22: DQPC
Highlight
Copy
Compare
Share
Want to have your highlights saved across all your devices? Sign up or sign in
Revisión Biblia Quechua Boliviano © Sociedad Bíblica Boliviana, 2017.
Números 22
22
Kuraj kamachej Balacqa Balaamta wajyachin
1Israelitakuna chaymanta puririspa, Moab suyoj vallenpi jarakorqanku. Chayqa Jericó chimpapi, Jordán mayoj inti llojsimuynejpi kashan. 2Jinapis Siporpata churin Balac yacharqa israelitakuna amorreokunata imatachus ruwasqankuta. 3Jinallataj moabitakunaqa israelitakunata maytapuni manchachikorqanku, imajtinchus paykunaqa may chhikapuni karqanku. 4Chantá Moabmanta kuraj kurajkunaqa Madianmanta kurajkunata nerqanku: Kay chhika runakunaqa jallp'anchejta tukuchenqanku, imaynatachus waka q'achuta mikhuspa tukuchin, ajinata, nispa.
Chaypacha Moab suyupi Siporpata churin Balac kuraj kamachej karqa. 5Chayrayku payqa Beorpata churin Balaamta wajyachimorqa. Chaypacha Balaamqa Éufrates mayu chimpapi, Petor llajtapi kasharqa. Kamachej Balactaj runankunata Balaamman kacharqa, ajinata nichispa: Ashkha runakuna Egiptomanta ayqemuspa, jallp'aykoj chimpanpi kashanku. 6Ama jina kaspa, usqhayta jamuy ari, kay runakunata maldicinaykipaj, imaraykuchus noqamanta aswan atiyniyoj kanku. Ichapis qan maldicisqaykirayku, paykunata atipayman, qharqoymantaj kaymanta. Noqa yachani qanpa maldicisqayki, chayrí saminchasqaykeqa junt'akusqantapuni, nispa.
7Ajinaqa Moabmanta, chantá Madianmantawan kurajkuna Balaamman rerqanku, maldicisqanmanta paganankupaj qolqe aparisqa. Balaampa wasinman chayaspataj, kachakunaqa Balacpa nichisqanta willarqanku. 8Balaamtajrí paykunata nerqa: Kunan ch'isi kaypi puñukuychej, q'ayataj Tata Dios imatachus niwasqanta willasqaykichej, nispa. Moabmanta kachakunataj chay tuta Balaampa wasinpi puñorqanku.
9Chantá chay ch'isi Dios Balaamman rikhurispa, taporqa: Pikunataj wasiykipi kashanku, chaykunari? nispa.
10Balaamtaj kuticherqa: Moabmanta, Siporpata churin kuraj kamachej Balac, israelitakunata maldicinaypaj chay runakunata kachamuwasqa kay jinata nispa: 11Egiptomanta ashkha runakuna llojsimuspa, tukuynejmanta junt'aykamuwanku. Jamuspa, sutiypi kay runakunata maldiciykapuway. Ichapis maldicejtiyki, noqa paykunata atipaspa, jallp'aymanta wijch'uyman, nispa.
12Tata Diostajrí Balaamta nerqa: Ama paykunawan riychu, nitaj israelitakunata maldiciychu, imaraykuchus paykunata noqa saminchani, nispa.
13Q'ayantintaj Balaamqa tutamanta jatarispa, Balacpa kachankunata nerqa: Llajtaykichejman kutipuychej. Tata Dios qankunawan khuska rinayta mana munanchu, nispa.
14Moabmanta kurajkunataj kutipuspa, Balacman willarqanku: Balaamqa noqaykuwan khuska jamuyta mana munanchu, nispa.
15Chantá Balac ñawpaj kachasqakunamanta nisqaqa astawan ashkha kurajkunata kacharqa, jinallataj astawan respetasqa kajkunata kachallarqataj. 16Paykunataj rispa, Balaamta nerqanku: Siporpata churin Balac nisunki: Ama jina kaspa, jamuriwaypuni ari. Ama niwaychu mana, nispaqa. 17Noqaqa mashkhatachá niwasqaykita pagasqayki, imatachá niwasqaykitataj ruwasaj. Chayrayku jamurillaway ari, kay runakunata maldicipunawaykipaj, nispa.
18Balaamtajrí kachankunaman kuticherqa: Kamachej Balac wasin junt'ata qorita, qolqetapis qowachun, noqaqa Tata Diospa kamachiwasqanpa contranta mana ni imata ruwasajchu. 19Chaywanpis kunan ch'isi kaypi puñukuychej. Ujtawan Tata Diosta tapurillasajtaj, ichapis imatawan niwanman, nispa.
20Chay ch'isi Diosqa Balaamman rikhurispa, nerqa: Sichus chay runakuna qanta pusaj jamusunku chayqa, paykunawan rillay. Chaywanpis noqaj nisqallayta ruwanki, nispa.
Balaampata burron parlan
21Balaamqa q'ayantin tutamanta jatarispa, uj china burronman caronaykukuytawan, Moabmanta kurajkunawan rerqa. 22Balaamqa burronpi rerqa, iskay kamachinkunatawan pusarikuspa. Tata Diosrí Balaam risqanmanta phiñakuspa, ñanpi jark'ananpaj angelninta kachamorqa. 23Balaampa burrontaj Tata Diospa angelninta rikorqa espadan oqharisqa ñanpi sayashajta. Chayrayku ñanmanta laduyaspa, wajnejta rerqa. Balaamtajrí ñanman kutichiyta munaspa, burronta q'ajcharqa. 24Chantá Tata Diospa angelnin uva huertakunaj chawpinta rej ñanpiñataj suyaykorqa. Chay ñanqa puraj k'uchunman rumimanta perqayoj karqa. 25Burrotaj Tata Diospa angelninta ujtawan rikuspa, uj lado perqaman Balaampa chakinta ñit'iykorqa. Chaynejta Balaamqa astawan burronta q'ajcharqa. 26Tata Diospa angelnintaj aswan ñawpajman rispa, aswan k'ullkunejpi sayarqa. Chaymantaqa ni lloq'eman nitaj pañaman llojsinapaj mana karqachu. 27Burroqa Tata Diospa angelninta rikuspa, chay kikinpi pampaman laq'arparikorqa. Chantá Balaam phiñarikuspa, burrota uj k'aspiwan wajtarqa.
28Chantá Tata Dios burrota parlaricherqa. Burrotaj Balaamta nerqa: Imanayki noqa qantari? Kaytawanqa kinsa kutitaña maqawanki, nispa.
29Balaamtaj burronta nerqa: Kaypi alqorakushawanki. Sichus makiypi espada kanman karqa chayqa, kunitan wañuchiykiman karqa, nispa.
30Burrotaj kuticherqa: Noqaqa qanpa burroyki kani, unaymantapacha kunankama sapa kuti apaykachayki. Jayk'ajpis kay jinata ruwajchu kayki? nispa. Balaamtaj kuticherqa: Mana, nispa.
31Chantá Tata Diosqa angelninta chawpi ñanpi espadan oqharisqa sayashajta Balaamman rikucherqa. Rikuspataj, payqa pampakama k'umuykukorqa. 32Tata Diospa angelnintaj Balaamta nerqa: Ima nispataj burroykita kinsa kutita maqarqankiri? Noqa jark'asoj jamuni, imajtinchus Moabman rishasqayki mana allinchu rijch'awan. 33Burroyki noqata rikuwaspa, kinsa kutita ñawpaqeymanta laduyarqa. Sichus pay mana laduyanmanchu karqa chayqa, noqa qanta wañuchiykiman karqa. Burroykitatajrí mana wañuchiymanchu karqa, nispa.
34Chantá Balaamqa Tata Diospa angelninta nerqa: Noqa juchallikuni. Ñanpi sayaspa jark'ashawasqaykita mana yacharqanichu. Sichus Moabman rishasqay qanpaj mana allinchu chayqa, kaymanta kutipullasaj ari, nispa.
35Tata Diospa angelnintaj kuticherqa: Chay runakunawan rillay. Chaywanpis noqaj nisqallayta parlanki, nispa. Chantá Balaamqa Balacpa kachamusqan runakunawan rerqa.
Balaam Moabman chayan
36Balacqa Balaam jamushasqanta yachaytawan, Moabmanta uj llajtaman taripaj rerqa. Chay llajtaqa Arnón mayu chimpapi, Moab suyoj mojonnin tukukuypi karqa. 37Balaamta taripaspataj, nerqa: Chay jinatapuni qanta wajyachiyki. Imaraykutaj mana kasumuwarqankichuri? Manachu paganayta, jatunpajtaj qhawasunayta yuyarqanki? nispa.
38Balaamtajrí kuticherqa: Kunanqa kaypiña kashani. Chaywanpis mana imatapis parlayta atisajchu, manachayqa Tata Dios imatachus niwanqa, chayllata, nispa.
39Chaymantá Balaamqa Balacwan Quiriat Jusot llajtaman rerqanku. 40Chaypitaj Balacqa runankunata kamacherqa wakakunata, ovejakunata ima ñak'aspa, Balaamman, jinataj paywan jamoj kurajkunaman ima apanankuta.
Balaam israelitakunata saminchan
41Q'ayantin paqarin tutamanta Balacqa Balaamta pusarqa Bamot Baalman. Chaymanta qhawaspataj, Balaamqa israelitakunaj jarankumanta wakinta rikorqa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Revisión Biblia Quechua Boliviano © Sociedad Bíblica Boliviana, 2017.