Números 2
2
Israelitakuna imaynatachus jarakorqanku
1Tata Dios Moiseswan chantá Aaronwan ima parlaspa, nillarqataj: 2Israelitakunaqa Dioswan Tinkukuna Toldoj muyuyninpi karitunejpi jina jarakonqanku. Sapa jatun ayllu wiphalankuwan, jinallataj sapa wasi ayllupis wiphalankuwan ima jarakonqanku.
3Judá jatun ayllumanta kajkunaqa Dioswan Tinkukuna Toldomanta inti llojsimuynejpi jarakonqanku. Soldadokuna jina t'aqa t'aqapi wiphalankuwan jarakonqanku. Paykunataqa Aminadabpa churin Nasón kamachenqa. 4Yupasqa kasqankuman jina paykunaqa 74.000 qharikuna kanku.
5Paykunaj qayllankupitaj Isacar jatun ayllumanta kajkuna jarakonqanku. Paykunatataj Suarpa churin Natanael kamachenqa. 6Yupasqa kasqankuman jina paykunaqa 54.400 qharikuna kanku.
7Paykunaj qayllankupitaj Zabulón jatun ayllumanta kajkuna jarakonqanku. Paykunatataj Helonpa churin Eliab kamachenqa. 8Yupasqa kasqankuman jina paykunaqa 57.400 qharikuna kanku.
9Chay jinamanta Judá jatun aylloj jaranpi kajkunaqa tukuyninpi 186.400 qharikuna karqanku. Paykuna israelitakunaj ñawpaqenkuta renqanku.
10Dioswan Tinkukuna Toldomanta uranejman Rubén jatun ayllumanta kajkunaqa wiphalankuwan jarakonqanku. Paykunataqa Sedeurpa churin Elisur kamachenqa. 11Paykuna yupasqa kasqankuman jina 46.500 qharikuna kanku.
12Paykunaj qayllankupitaj Simeón jatun ayllumanta kajkuna jarakonqanku. Paykunatataj Surisadaypa churin Selumiel kamachenqa. 13Paykuna yupasqaman jina 59.000 qharikuna kanku.
14Paykunaj qayllankupitaj Gad jatun ayllumanta kajkuna jarakullanqankutaj. Paykunatataj Reuelpa churin Eliasaf kamachenqa. 15Paykunaqa yupasqa kasqankuman jina 45.650 qharikuna kanku.
16Ajinaqa Rubenpa jaranpi kajkuna tukuyninpi 151.450 qharikuna kanku. Paykunaqa ñawpaj kaj t'aqaj qhepanta renqanku.
17Chantá paykunaj qhepankutataj levitakuna Dioswan Tinkukuna Toldota oqharispa, purirenqanku. Sapa jatun ayllu qhepan qhepanta purirenqanku, wiphalankuta oqharispa, imaynatachus jarakusqankuman jina.
18Dioswan Tinkukuna Toldoj inti yaykuynejman Efraín jatun ayllumanta kajkuna wiphalankuwan jarakullanqankutaj. Paykunatataj Amiudpa churin Elisama kamachenqa. 19Paykunaqa yupasqa kasqankuman jina 40.500 qharikuna kanku.
20Paykunaj qayllankupitaj Manasés jatun ayllumanta kajkunañataj jarakonqanku. Paykunatataj Pedasurpa churin Gamaliel kamachenqa. 21Paykunaqa yupasqa kasqankuman jina 32.200 qharikuna kanku.
22Paykunaj qayllankupitaj Benjamín jatun ayllumanta kajkuna jarakonqanku. Paykunatataj Gedeonij churin Abidán kamachenqa. 23Paykuna yupasqa kasqankuman jina 35.400 qharikuna kanku.
24Ajinaqa Efrainpa jaranpi kajkuna tukuyninkupi 108.100 qharikuna kanku. Paykunataj iskay kaj t'aqaj qhepanta renqanku.
25Dioswan Tinkukuna Toldomanta patanejpitaj Dan jatun ayllumanta kajkuna wiphalankuwan jarakonqanku. Paykunatataj Amisadaypa churin Ajiezer kamachenqa. 26Paykunaqa yupasqa kasqankuman jina 62.700 qharikuna kanku.
27Paykunaj qayllankupitaj Aser jatun ayllumanta kajkuna jarakonqanku. Paykunatataj Ocranpa churin Pagiel kamachenqa. 28Paykuna yupasqa kasqankuman jina 41.500 qharikuna kanku.
29Paykunaj qayllankupitaj Neftalí jatun ayllumanta kajkuna jarakullanqankutaj. Paykunatataj Enanpa churin Ajirá kamachenqa. 30Paykuna yupasqa kasqankuman jina 53.400 qharikuna kanku.
31Ajinaqa Danpa jaranpi kajkuna tukuyninkupi 157.600 qharikuna kanku. Paykuna wiphalankuta oqharispa, kinsa kaj t'aqaj qhepanta renqanku, nispa.
32Ajinata yupasqankurayku, israelitakunamanta maqanakoj rinankupaj jina yupasqa kajkunaqa tukuyninpi 603.550 qharikuna kasqanku yachakorqa. 33Tata Dios Moisesman kamachisqanman jina levitakunaqa mana yupasqachu karqanku.
34Israelitakunaqa chay tukuyta imaynatachus Moisesman Tata Dios kamachisqanman jina ruwarqanku. Sapa jatun ayllu, maypichus wiphalanku kasharqa, chaypi jarakorqanku. Purirerqankutaj sapa uj wasi ayllunkuman jina, ñawpa tatankoj sutinman jinataj.
Currently Selected:
Números 2: DQPC
Highlight
Copy
Compare
Share
Want to have your highlights saved across all your devices? Sign up or sign in
Revisión Biblia Quechua Boliviano © Sociedad Bíblica Boliviana, 2017.