Levítico Levítico sutiyoj qhelqa
Levítico sutiyoj qhelqa
Israelitakuna kay p'anqata hebreo rimaypi “Wayiqrá” nispa sutichasqanku. Wayiqrá niyta munan: “Dios wajyarqa”. Israelitakuna ajinata sutichasqanku, imajtinchus Levítico sutiyoj p'anqapi qallarin “Dios Wajyarqa”, nispa. Levítico nispa sutichasqanku, Ñawpa Testamentota griego rimayman tijrajkuna. Levítico sutiyoj p'anqapi Diosta imaynatachus yupaychanamanta astawan yachachin. Imaynatachus Diosta yupaychanaqa astawan Leví jatun ayllumanta kajkunapaj karqa, paykuna chayman jina Diosta yupaychanankupaj. Kay p'anqapi Tata Dios imaynatachus payta yupaychanata munasqanta kamachispa, sut'ita rejsichisqa, Diosqa llimphu llimphu kasqanta. Tata Dios llimphu llimphu kasqanrayku, pay munasqa israelitakuna paypata kajkuna jina, juchamanta t'aqasqa llimphullataj kanankuta. Lv 19.2. Israelitakuna Diospaj t'aqasqa kasqankurayku, kay pachapi, jinataj waj suyukuna chawpipi Diosta jatuncharqanku, payta yupaychaspa, chantá munaynintapuni ruwaspa ima. Jinallataj Tata Diosqa payta imaynatachus yupaychanata munasqanta nispa, israelitakunapura imaynatachus allinpi kawsanankuta munasqanta yachayta qosqa.
Levítico sutiyoj p'anqaqa kay jina t'aqasqa kayta atin:
Diosman jaywanamanta, uywata ñak'aspa q'olachinamantawan (1—7)
Aarón, ayllunwan ima sacerdotekuna kanankupaj churasqa kasqankumanta (8—10)
Llimphupaj qhawasqa kanapaj kamachisqakunamanta (11—15)
Juchata pampachana p'unchaymanta, Dioswan Tinkukuna Toldomantawan (16—17)
Waj kamachisqakunamanta (18—27)
Currently Selected:
Levítico Levítico sutiyoj qhelqa: DQPC
Highlight
Copy
Compare
Share
Want to have your highlights saved across all your devices? Sign up or sign in
Revisión Biblia Quechua Boliviano © Sociedad Bíblica Boliviana, 2017.