Levítico 3
3
K'achata kawsakuy jaywana
1Sichus mayqenpis uywanmanta wakata, chayrí torota k'achata kawsakuy jaywanata#3.1 K'achata kawsakuna jaywanaqa sumajta kawsakuna raymi karqa. Pichus jaywajqa ayllunwan, sacerdotekunawan chantá kawsakusqan runa masinwan khuska Diosman jaywasqa uywamanta wakinta mikhoj kanku. Dt 12.7; 1 S 1.4. jaywananpaj Tata Diosman apamunman chayqa, mana iman imanasqa uywata apamunan tiyan. 2K'achata kawsakuy jaywanata Tata Diosman apamojqa uywaj umanman makinta churanqa. Chaymantataj Dioswan Tinkukuna Toldo punkupi chay uywata ñak'anqa. Aaronpa churinkunamanta Sacerdotekunataj altar patata, chantá tukuy muyuynintinta ima uywaj yawarninwan ch'ajchonqa. 3Chantá pichus Tata Diosman k'achata kawsakuy jaywanata apamojqa uywaj ch'unchulanpi wiranta, 4iskaynin lurunninta, lurunninpi wiranta, ch'illanpi wiranta, k'iwichanpi wiranta ima q'olachispa jaywanqa. Chaytaqa lurunnintawan khuska orqhonqa. 5Tukuy chaytaqa Aaronpa mirayninmanta sacerdotekuna altarpi q'olachenqanku, uywa ñak'asqa q'olachinatawan khuska. Chay q'olachisqa jaywanaqa Tata Diospaj ima munay q'aparishaj jaywana kanqa.
6Sichus mayqenpis ovejanmanta orqotapis, chinatapis, Tata Diosman k'achata kawsakuy jaywanata jaywananpaj apamunman chayqa, uywaqa mana iman imanasqa kanan tiyan. 7Sichus Diosman jaywananpaj corderota apamunman chayqa, Tata Diospa ñawpaqenman apamuchun. 8Pichus jaywanata apamojqa uywaj umanman makinta churanqa, chantá Dioswan Tinkukuna Toldo punkupi ñak'anqa. Aaronpa churinkunamanta sacerdotekunataj uywaj yawarninwan altarta, chantá tukuy muyuyninta ima ch'ajchonqanku. 9Pichus k'achata kawsakuy jaywanata apamojqa uywaj wiranta, wasa tullunmantapacha khuchusqa chupanta, chantá tukuy wijsanninmanta wiranta ima q'olachispa, Tata Diosman jaywanqa. 10Jinallataj uywaj iskaynin lurunninta, lurunninpi wiranta, ch'illanpi wiranta, k'iwichanpi wiranta ima q'olachenqa. Chaytaqa lurunnintawan khuskata orqhonqa. 11Chantá sacerdoteqa chay tukuyta altar patapi q'olachenqa. Chayqa Tata Diospaj misk'i mikhuy q'olachisqa jaywana kanqa.
12Sichus pipis Diosman jaywanapaj uj cabrata apamunman chayqa, Tata Diospa ñawpaqenman apamuchun. 13Chantá pichus apamojqa uywaj umanman makinta churaspa, Dioswan Tinkukuna Toldo punkupi ñak'anqa. Aaronpa churinkunamanta sacerdotekunataj altarta, chantá tukuy muyuynintinta ima cabraj yawarninwan ch'ajchonqanku. 14Chaymanta pichus Tata Diosman jaywananpaj uywata apamojqa uywaj ch'unchulanpi wiranta, 15iskaynin lurunninta, lurunninpi wiranta, ch'illanpi wiranta, k'iwichanpi wiranta ima Tata Diospaj q'olachenqa. Uywaj wirantaqa, lurunnintawan khuska orqhonqa. 16Chantá sacerdoteqa chay tukuyta altar patapi q'olachenqa. Chayqa Tata Diospaj misk'i mikhuy q'olachisqa jaywana jina kanqa, ima munayta q'aparishaj. Uywaj tukuy wiranqa Tata Diospaj kanqa.
17Kay kamachisqayqa, maypichá tiyakunkichej, chaypi qankunapaj chantá mirayniykichejpaj ima wiñaypaj kanqa. Amapuni wirata, nitaj yawartapis mikhunkichejchu, nispa.
Currently Selected:
Levítico 3: DQPC
Highlight
Copy
Compare
Share
Want to have your highlights saved across all your devices? Sign up or sign in
Revisión Biblia Quechua Boliviano © Sociedad Bíblica Boliviana, 2017.
