Levítico 25
25
Jallp'a samarichina wata
1Tata Diosqa Sinaí orqopi Moiseswan parlaspa nillarqataj: 2Israelitakunata kay jinata ninki: Tata Dios nisunkichej: Qankunaman qosqaykichej chay jallp'aman yaykuspañaqa, qanchis kaj watapi Tata Diospa sutinpi jallp'ata samarichinkichej. 3Jallp'aykichejta sojta watata tarpunkichej. Jinallataj sojta watata uva sach'aykita podankichej, poqoynintapis pallankichej. 4Qanchis kaj watapitajrí, jallp'aqa Tata Diospaj samarenqa. Chay wata jallp'aykichejpi ama tarpunkichejchu, nitaj uva sach'aykichejtapis podankichejchu.#25.2-4 Qanchis kaj watapi jallp'ata samarichinaqa semanamanta orqhosqa kashan. Uj semanaqa qanchis p'unchayniyoj, sojta p'unchay ruwanapaj, uj p'unchaytaj samarinapaj. Chayrayku qanchis kaj wataqa samarichina wata sutichasqa karqa. Dt 15.1-11. 5Jallp'a samarichina watapeqa k'ipa trigota ama ruthunkichejchu, nillataj huertaykichejmanta uvatapis pallankichejchu. Chay wataqa jallp'ata samarichina wata kanqa. 6Jallp'a samarinan watapi payllamanta poqojta mikhunkichej, chayta qhari wata runaykichej, warmi wata runaykichej, chantá peonniykichej ima mikhullanqankutaj. Chantá qanwan tiyakoj waj llajtayojpis pachallanmanta poqojta mikhullanqataj. 7Jinallataj uywaykichej, tukuy k'ita animalkuna ima mikhullanqankutaj. Chay wata jallp'api imachus poqojqa mikhunaykichejpaj kanqa, nispa.
Kacharipuna wata
8Tata Dios israelitakunata nillarqataj: Qanchis kutikama qanchis watata yupankichej. Jinaqa tukuyninpi tawa chunka jisq'onniyoj wata kanqa. 9Chantá qanchis kaj killapi, chunka p'unchay kashajtin, Jucha Pampachana p'unchayta, tukuy suyupi carneroj wajranmanta putututa waqachinkichej. 10Phishqa chunka kaj wataqa Diospaj t'aqasqa kanqa. Chay wataqa Israel suyupi tukuy tiyakojkunaman willankichej Kacharipuna wata kasqanta.#25.10 Kacharipuna wata: Niyta munan pututu, imaraykuchus phishqa chunka wata qallariyta tukuy Israel suyupi putututa waqachinanku karqa, kacharipuna wata chayamusqanta willanankupaj. Kacharipuna watapi jallp'aqa ñawpa dueñonman kutichipusqa kanqa. Wata runapis ayllunman kutiponqa. 11Phishqa chunka kaj wataqa Kacharipuna wata kanqa. Chay watapi ama tarpunkichejchu, nitaj k'ipa poqojta ruthunkichejchu. Nillataj uvatapis pallankichejchu, nitaj podankichejchu. 12Chay wataqa Diospaj t'aqasqa wata kanqa, qankunapajtaj Kacharipuna wata. Chay wataqa payllamanta poqojta mikhunkichej.
13Kacharipuna watapi sapa uj jallp'aykichejta watej jap'ikapunkichej. 14Sichus pipis jallp'ata runa masiykichejman vendenkichej, chayrí rantikunkichej chayqa, ama q'otiyanakunkichejchu. 15Sichus runa masiykimanta jallp'ata rantikunki chayqa, Kacharipuna watamanta, mashkha watañachus pasasqanta yupanki. Pichus vendejtaj mashkha watatachus chajrata oqharerqa, chayman jina vendenqa. 16Sichus ashkha watataraj chajra oqharina kanman chayqa, jallp'aqa astawan valenqa. Sichus Kacharipuna wataman manaña unayñachu kanman chayrí, jallp'aqa pisilla valenqa. Jallp'aj precionqa mashkha watatachus chajra oqharina kanman, chayman jina kanqa.
17Ama pipis runa masiykichejta q'otiyankichejchu. Noqa Tata Diosniykichejta jatun respetowan maypaj qhawawaychej. Noqa Tata Diosmin Diosniykichejqa kani. 18Kamachisqaykunata kasuychej, yachachisqaytapis ruwaychej, junt'aychejtaj. Chantá chay jallp'aykichejpi mana ni imata manchachikuspa, tiyakunkichej. 19Jallp'aqa sumajta poqopusonqachej, qankunataj sajsakunaykichejkama mikhunkichej. Chaypitaj ni imamanta manchachikuspa, tiyakunkichej.
20Ichapis qankuna tapukuwajchej: Qanchis kaj watapi mana tarpuspa, nitaj chajrata oqharispa, imatataj mikhusqaykuri? nispa. 21Noqamin sojta kaj watapi saminchasqaykichej. Chay wataqa kinsa watata mikhunaykichejpaj jina poqopusonqachej. 22Samarina wata pasayta, pusaj kaj watapi ujtawan tarpunaykichejkama, puchojta mikhushankichejraj. Chay watapi tarpusqaykichej poqonankama, jisq'on kaj watakamapis puchojta mikhunkichejraj.
23Jallp'aqa mana wiñaypajchu vendesqa kanqa, imaraykuchus jallp'aqa noqajtamin, chayrayku. Qankunaqa waj llajtayojpis kawajchej jina noqaj wajyarikusqaylla kankichej.#25.23 Jallp'aqa noqajtamin: Israelitakuna Diospa kamachinkuna kasqankurayku, chantá paykunata Tata Dios Egiptomanta orqhomusqanrayku, llajta masinkumanta khuyarikuspa maychus kajta kawsananku karqa. Astawanqa Kacharipuna watapi imachus ruwanata ruwananku karqa. 24Chayrayku tukuy jap'isqaykichej jallp'ata ñawpa dueñon preciota pagaspa orqhokapunanta mana jark'akunaykichejchu tiyan.
25Sichus llajta masiykimanta mayqen pisichikuspa, jallp'anta vendesunkiman chayqa, paypa aswan qaylla ayllun kaj jamuspa, chay vendesusqan jallp'ata watej rantikapuyta atin.
26Ichapis pejpata jallp'ata orqhokapunanpaj mana ayllun kasqanrayku, vendesqan jallp'anta watej orqhokapunanpaj payllataj qolqeta tantakunman chayqa, 27mayk'ajchus venderqa chaymantapacha mashkha watachus pasasqanta yupaspa, pichus rantikojman qolqeta kutichispa, watej jallp'anta orqhokaponqa. 28Chaywanpis sichus watej orqhokapunanpaj mana qolqeta tariyta atinmanchu chayqa, jallp'aqa pichus rantikojpa makinpi Kacharipuna watakama kanqa. Kacharipuna watapi chay jallp'aqa ñawpa dueñonman kutichisqa kanqa. Ñawpa dueñontaj jallp'anman yaykuponqa.#25.28 Jallp'anman yaykuponqa: 1 R 21 nisqanman jina, Israel suyupi ayllunpa jallp'anta mana kacharikuyta munana sinch'i karqa. Diosqa sapa aylluman, jinataj sapa wasi aylluman jallp'ata qosqa. Nm 36.7; Lv 25.23-24.
29Sichus pipis wasinta perqawan muyuykusqa llajtapi vendenman chayqa, vendesqanmanta watankamalla watej rantikapuyta atin. 30Sichus vendej mana chay watapi rantikapuyta atinmanchu chayqa, chay waseqa pichus rantikojpa makinpi qhepakonqa. Pichus rantikojpa miraynintinpaj wiñaypaj kanqa. Kacharipuna watapipis ñawpa dueñonman mana kutichipuyta atenqañachu. 31Mana perqawan muyuykusqa juch'uy llajtakunapi waseqa campo wasi jinalla qhawasqa kanqa. Ñawpa dueñon kajkuna watej rantikapuyta atenqanku, jinallataj Kacharipuna watapi rantikojqa chay wasita ñawpa dueñonman kutichiponqa.
32Chaywanpis levitakunaqa llajtanku ukhupi wasinkuta mayk'ajllapis watej rantikapuyta atillanqanku. 33Pillapis levitakunamanta uj wasita rantikojqa, rantikusqan wasita Kacharipuna watapi kutichipunan tiyan. Ripunantaj tiyan llajtanman, maypichus wasin tiyan chayman, imaraykuchus levitakunajtaqa israelitakunaj llajtankukunapi tiyakunankupaj chaylla wasinku tiyapun. 34Levitakunaj llajtankoj qayllanpi uywa michinankoqa mana vendena atikunchu, imajtinchus chayqa wiñaypaj paykunajta.
35Sichus mayqen llajta masiyki wajchayaspa, qanman jamusunkiman chayqa, waj llajtayojta jina yanapanayki tiyan, wasiykiman wajyarikuspa.#Dt 15.7-8. 36Manusqaykimantaqa ama interesta mañankichu, manachayqa Diosniykita may jatun respetowan qhawaspa, llajta masiykita wasiykipi tiyakunanpaj wajyarikuy. 37Ama qolqeta manusqaykimanta interesta mañankichu,#Ex 22.25; Dt 23.19-20. nillataj mikhunata vendespapis astawan kurajpi payman vendenkichu. 38Noqa Tata Diosmin Diosniykichej kani, pichus Egiptomanta orqhomorqaykichej Canaán jallp'ata qosunaykichejpaj, Diosniykichejtaj kanaypaj, chay.
39Sichus mayqen llajta masiyki qanwan tiyakushaspa astawan pisichikapunman, qanmantaj vendekusunkiman chayqa, ama wata runata jinachu payta qhawanki. 40Payqa peonniyki jina, chayrí waj llajtayoj jina kanqa. Kacharipuna wata chayamunankamataj qanpaj llank'apusonqa. 41Chay watataj pay, tukuy wawankunawan ima wasiykimanta llojsiponqa. Chantá ayllunman kutiponqa, ñawpa tatankunaj jallp'antataj ujtawan jap'ikaponqa. 42Tukuy israelitakunaqa noqajta kamachiykuna kanku. Noqa paykunata Egiptomanta orqhomorqani, chayrayku paykunaqa mana wata runa jina vendesqa kanqankuchu. 43Chantapis ama mana sonqoyoj runa jina paykunata ñak'arichinkichu, manachayqa Diosniykita may jatun respetowan qhawaspa manchachikunki.
44Sichus warmi wata runayoj, chayrí qhari wata runayoj kayta munankichej chayqa, muyuyniykichejpi kaj suyukunamanta rantikunkichej. 45Jinallataj qankunawan tiyakoj waj llajtayojkunamanta, chantá llajtaykichejpi tiyakushaspa paqarej wawankuta wata runapaj rantikuyta atillankichejtaj. Chaykunata rantikuyta atinkichej qankunajtapuni kanankupaj. 46Chaykunatataj wawaykichejman chayaqeta jina saqeyta atinkichej, paykunajta kanankupaj. Paykunata wata runata jina wiñaypaj jap'ikunkichej. Chaywanpis ama pipis israelita masiykichejta sinch'ita ruwachispa, ñak'arichinkichejchu.
47Ichapis qanwan tiyakoj waj llajtayoj qhapajyanman. Chantá paypa qayllanpi tiyakoj israelita masiyki wajchayaspa, chay waj llajtayojman vendekunman, chayrí waj llajtayojpa ayllunman vendekunman chayqa, 48vendesqa kasqanmantaña pipis preciota pagaspa payta kacharichiyta atin. Mayqen wawqellanpis preciota pagaspa kacharichiyta atin. 49Tion, uj qaylla ayllun, chayrí mayqen karu ayllunraj kajpis kacharichiyta atin. Sitajchus pay kikin vendekoj atinman chayqa, pay kikinmanta pagakuyta atenqa. 50Pichus rantejninwan khuska pay vendekusqan watamantapacha Kacharipuna watakama mashkharajchus kasqanta yupanqanku. Chay runaj precionqa mashkha watarajchus kasqanman jina, chantá mashkha watatañachus paypaj llank'asqanman jina kanqa. Llank'asqanpa precionqa uj peón mashkhatachus ganan, chayman jina kanqa. 51Sichus Kacharipuna wataman unayraj kanman chayqa, chayman jina qolqeta kutichinan tiyan, mashkhapichus vendekusqanman jina. 52Sichus Kacharipuna watapaj pisillaña kashan chayqa, mashkha watawanrajchus kanan kashan, chayman jina qolqeta kutichiponqa. 53Paytaqa uj watapajpis peonta jap'inman karqa jina qhawankichej. Ama saqenkichejchu rantejnin sinch'ita ñak'arichispa payta ruwachinanta.
54Sichus chay watapi mana pipis pagaspa israelita masinta kacharichinchu chayqa, Kacharipuna watallapiña chay runa wawankunawan khuska llojsiponqa. 55Israelitakunaqa kamachiykuna kanku, kamachiykuna kanankupaj paykunata Egiptomanta orqhomorqani. Noqa Tata Diosmin, Diosninku kani, nispa.
Currently Selected:
Levítico 25: DQPC
Highlight
Copy
Compare
Share
Want to have your highlights saved across all your devices? Sign up or sign in
Revisión Biblia Quechua Boliviano © Sociedad Bíblica Boliviana, 2017.
Levítico 25
25
Jallp'a samarichina wata
1Tata Diosqa Sinaí orqopi Moiseswan parlaspa nillarqataj: 2Israelitakunata kay jinata ninki: Tata Dios nisunkichej: Qankunaman qosqaykichej chay jallp'aman yaykuspañaqa, qanchis kaj watapi Tata Diospa sutinpi jallp'ata samarichinkichej. 3Jallp'aykichejta sojta watata tarpunkichej. Jinallataj sojta watata uva sach'aykita podankichej, poqoynintapis pallankichej. 4Qanchis kaj watapitajrí, jallp'aqa Tata Diospaj samarenqa. Chay wata jallp'aykichejpi ama tarpunkichejchu, nitaj uva sach'aykichejtapis podankichejchu.#25.2-4 Qanchis kaj watapi jallp'ata samarichinaqa semanamanta orqhosqa kashan. Uj semanaqa qanchis p'unchayniyoj, sojta p'unchay ruwanapaj, uj p'unchaytaj samarinapaj. Chayrayku qanchis kaj wataqa samarichina wata sutichasqa karqa. Dt 15.1-11. 5Jallp'a samarichina watapeqa k'ipa trigota ama ruthunkichejchu, nillataj huertaykichejmanta uvatapis pallankichejchu. Chay wataqa jallp'ata samarichina wata kanqa. 6Jallp'a samarinan watapi payllamanta poqojta mikhunkichej, chayta qhari wata runaykichej, warmi wata runaykichej, chantá peonniykichej ima mikhullanqankutaj. Chantá qanwan tiyakoj waj llajtayojpis pachallanmanta poqojta mikhullanqataj. 7Jinallataj uywaykichej, tukuy k'ita animalkuna ima mikhullanqankutaj. Chay wata jallp'api imachus poqojqa mikhunaykichejpaj kanqa, nispa.
Kacharipuna wata
8Tata Dios israelitakunata nillarqataj: Qanchis kutikama qanchis watata yupankichej. Jinaqa tukuyninpi tawa chunka jisq'onniyoj wata kanqa. 9Chantá qanchis kaj killapi, chunka p'unchay kashajtin, Jucha Pampachana p'unchayta, tukuy suyupi carneroj wajranmanta putututa waqachinkichej. 10Phishqa chunka kaj wataqa Diospaj t'aqasqa kanqa. Chay wataqa Israel suyupi tukuy tiyakojkunaman willankichej Kacharipuna wata kasqanta.#25.10 Kacharipuna wata: Niyta munan pututu, imaraykuchus phishqa chunka wata qallariyta tukuy Israel suyupi putututa waqachinanku karqa, kacharipuna wata chayamusqanta willanankupaj. Kacharipuna watapi jallp'aqa ñawpa dueñonman kutichipusqa kanqa. Wata runapis ayllunman kutiponqa. 11Phishqa chunka kaj wataqa Kacharipuna wata kanqa. Chay watapi ama tarpunkichejchu, nitaj k'ipa poqojta ruthunkichejchu. Nillataj uvatapis pallankichejchu, nitaj podankichejchu. 12Chay wataqa Diospaj t'aqasqa wata kanqa, qankunapajtaj Kacharipuna wata. Chay wataqa payllamanta poqojta mikhunkichej.
13Kacharipuna watapi sapa uj jallp'aykichejta watej jap'ikapunkichej. 14Sichus pipis jallp'ata runa masiykichejman vendenkichej, chayrí rantikunkichej chayqa, ama q'otiyanakunkichejchu. 15Sichus runa masiykimanta jallp'ata rantikunki chayqa, Kacharipuna watamanta, mashkha watañachus pasasqanta yupanki. Pichus vendejtaj mashkha watatachus chajrata oqharerqa, chayman jina vendenqa. 16Sichus ashkha watataraj chajra oqharina kanman chayqa, jallp'aqa astawan valenqa. Sichus Kacharipuna wataman manaña unayñachu kanman chayrí, jallp'aqa pisilla valenqa. Jallp'aj precionqa mashkha watatachus chajra oqharina kanman, chayman jina kanqa.
17Ama pipis runa masiykichejta q'otiyankichejchu. Noqa Tata Diosniykichejta jatun respetowan maypaj qhawawaychej. Noqa Tata Diosmin Diosniykichejqa kani. 18Kamachisqaykunata kasuychej, yachachisqaytapis ruwaychej, junt'aychejtaj. Chantá chay jallp'aykichejpi mana ni imata manchachikuspa, tiyakunkichej. 19Jallp'aqa sumajta poqopusonqachej, qankunataj sajsakunaykichejkama mikhunkichej. Chaypitaj ni imamanta manchachikuspa, tiyakunkichej.
20Ichapis qankuna tapukuwajchej: Qanchis kaj watapi mana tarpuspa, nitaj chajrata oqharispa, imatataj mikhusqaykuri? nispa. 21Noqamin sojta kaj watapi saminchasqaykichej. Chay wataqa kinsa watata mikhunaykichejpaj jina poqopusonqachej. 22Samarina wata pasayta, pusaj kaj watapi ujtawan tarpunaykichejkama, puchojta mikhushankichejraj. Chay watapi tarpusqaykichej poqonankama, jisq'on kaj watakamapis puchojta mikhunkichejraj.
23Jallp'aqa mana wiñaypajchu vendesqa kanqa, imaraykuchus jallp'aqa noqajtamin, chayrayku. Qankunaqa waj llajtayojpis kawajchej jina noqaj wajyarikusqaylla kankichej.#25.23 Jallp'aqa noqajtamin: Israelitakuna Diospa kamachinkuna kasqankurayku, chantá paykunata Tata Dios Egiptomanta orqhomusqanrayku, llajta masinkumanta khuyarikuspa maychus kajta kawsananku karqa. Astawanqa Kacharipuna watapi imachus ruwanata ruwananku karqa. 24Chayrayku tukuy jap'isqaykichej jallp'ata ñawpa dueñon preciota pagaspa orqhokapunanta mana jark'akunaykichejchu tiyan.
25Sichus llajta masiykimanta mayqen pisichikuspa, jallp'anta vendesunkiman chayqa, paypa aswan qaylla ayllun kaj jamuspa, chay vendesusqan jallp'ata watej rantikapuyta atin.
26Ichapis pejpata jallp'ata orqhokapunanpaj mana ayllun kasqanrayku, vendesqan jallp'anta watej orqhokapunanpaj payllataj qolqeta tantakunman chayqa, 27mayk'ajchus venderqa chaymantapacha mashkha watachus pasasqanta yupaspa, pichus rantikojman qolqeta kutichispa, watej jallp'anta orqhokaponqa. 28Chaywanpis sichus watej orqhokapunanpaj mana qolqeta tariyta atinmanchu chayqa, jallp'aqa pichus rantikojpa makinpi Kacharipuna watakama kanqa. Kacharipuna watapi chay jallp'aqa ñawpa dueñonman kutichisqa kanqa. Ñawpa dueñontaj jallp'anman yaykuponqa.#25.28 Jallp'anman yaykuponqa: 1 R 21 nisqanman jina, Israel suyupi ayllunpa jallp'anta mana kacharikuyta munana sinch'i karqa. Diosqa sapa aylluman, jinataj sapa wasi aylluman jallp'ata qosqa. Nm 36.7; Lv 25.23-24.
29Sichus pipis wasinta perqawan muyuykusqa llajtapi vendenman chayqa, vendesqanmanta watankamalla watej rantikapuyta atin. 30Sichus vendej mana chay watapi rantikapuyta atinmanchu chayqa, chay waseqa pichus rantikojpa makinpi qhepakonqa. Pichus rantikojpa miraynintinpaj wiñaypaj kanqa. Kacharipuna watapipis ñawpa dueñonman mana kutichipuyta atenqañachu. 31Mana perqawan muyuykusqa juch'uy llajtakunapi waseqa campo wasi jinalla qhawasqa kanqa. Ñawpa dueñon kajkuna watej rantikapuyta atenqanku, jinallataj Kacharipuna watapi rantikojqa chay wasita ñawpa dueñonman kutichiponqa.
32Chaywanpis levitakunaqa llajtanku ukhupi wasinkuta mayk'ajllapis watej rantikapuyta atillanqanku. 33Pillapis levitakunamanta uj wasita rantikojqa, rantikusqan wasita Kacharipuna watapi kutichipunan tiyan. Ripunantaj tiyan llajtanman, maypichus wasin tiyan chayman, imaraykuchus levitakunajtaqa israelitakunaj llajtankukunapi tiyakunankupaj chaylla wasinku tiyapun. 34Levitakunaj llajtankoj qayllanpi uywa michinankoqa mana vendena atikunchu, imajtinchus chayqa wiñaypaj paykunajta.
35Sichus mayqen llajta masiyki wajchayaspa, qanman jamusunkiman chayqa, waj llajtayojta jina yanapanayki tiyan, wasiykiman wajyarikuspa.#Dt 15.7-8. 36Manusqaykimantaqa ama interesta mañankichu, manachayqa Diosniykita may jatun respetowan qhawaspa, llajta masiykita wasiykipi tiyakunanpaj wajyarikuy. 37Ama qolqeta manusqaykimanta interesta mañankichu,#Ex 22.25; Dt 23.19-20. nillataj mikhunata vendespapis astawan kurajpi payman vendenkichu. 38Noqa Tata Diosmin Diosniykichej kani, pichus Egiptomanta orqhomorqaykichej Canaán jallp'ata qosunaykichejpaj, Diosniykichejtaj kanaypaj, chay.
39Sichus mayqen llajta masiyki qanwan tiyakushaspa astawan pisichikapunman, qanmantaj vendekusunkiman chayqa, ama wata runata jinachu payta qhawanki. 40Payqa peonniyki jina, chayrí waj llajtayoj jina kanqa. Kacharipuna wata chayamunankamataj qanpaj llank'apusonqa. 41Chay watataj pay, tukuy wawankunawan ima wasiykimanta llojsiponqa. Chantá ayllunman kutiponqa, ñawpa tatankunaj jallp'antataj ujtawan jap'ikaponqa. 42Tukuy israelitakunaqa noqajta kamachiykuna kanku. Noqa paykunata Egiptomanta orqhomorqani, chayrayku paykunaqa mana wata runa jina vendesqa kanqankuchu. 43Chantapis ama mana sonqoyoj runa jina paykunata ñak'arichinkichu, manachayqa Diosniykita may jatun respetowan qhawaspa manchachikunki.
44Sichus warmi wata runayoj, chayrí qhari wata runayoj kayta munankichej chayqa, muyuyniykichejpi kaj suyukunamanta rantikunkichej. 45Jinallataj qankunawan tiyakoj waj llajtayojkunamanta, chantá llajtaykichejpi tiyakushaspa paqarej wawankuta wata runapaj rantikuyta atillankichejtaj. Chaykunata rantikuyta atinkichej qankunajtapuni kanankupaj. 46Chaykunatataj wawaykichejman chayaqeta jina saqeyta atinkichej, paykunajta kanankupaj. Paykunata wata runata jina wiñaypaj jap'ikunkichej. Chaywanpis ama pipis israelita masiykichejta sinch'ita ruwachispa, ñak'arichinkichejchu.
47Ichapis qanwan tiyakoj waj llajtayoj qhapajyanman. Chantá paypa qayllanpi tiyakoj israelita masiyki wajchayaspa, chay waj llajtayojman vendekunman, chayrí waj llajtayojpa ayllunman vendekunman chayqa, 48vendesqa kasqanmantaña pipis preciota pagaspa payta kacharichiyta atin. Mayqen wawqellanpis preciota pagaspa kacharichiyta atin. 49Tion, uj qaylla ayllun, chayrí mayqen karu ayllunraj kajpis kacharichiyta atin. Sitajchus pay kikin vendekoj atinman chayqa, pay kikinmanta pagakuyta atenqa. 50Pichus rantejninwan khuska pay vendekusqan watamantapacha Kacharipuna watakama mashkharajchus kasqanta yupanqanku. Chay runaj precionqa mashkha watarajchus kasqanman jina, chantá mashkha watatañachus paypaj llank'asqanman jina kanqa. Llank'asqanpa precionqa uj peón mashkhatachus ganan, chayman jina kanqa. 51Sichus Kacharipuna wataman unayraj kanman chayqa, chayman jina qolqeta kutichinan tiyan, mashkhapichus vendekusqanman jina. 52Sichus Kacharipuna watapaj pisillaña kashan chayqa, mashkha watawanrajchus kanan kashan, chayman jina qolqeta kutichiponqa. 53Paytaqa uj watapajpis peonta jap'inman karqa jina qhawankichej. Ama saqenkichejchu rantejnin sinch'ita ñak'arichispa payta ruwachinanta.
54Sichus chay watapi mana pipis pagaspa israelita masinta kacharichinchu chayqa, Kacharipuna watallapiña chay runa wawankunawan khuska llojsiponqa. 55Israelitakunaqa kamachiykuna kanku, kamachiykuna kanankupaj paykunata Egiptomanta orqhomorqani. Noqa Tata Diosmin, Diosninku kani, nispa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Revisión Biblia Quechua Boliviano © Sociedad Bíblica Boliviana, 2017.