Levítico 24
24
Lamparata k'anchachinapaj aceite
(Ex 27.20-21)
1Tata Dios Moiseswan parlaspa, ajinata nerqa: 2Israelitakunata kamachiy, lamparakunata k'anchachinapaj olivomanta ruwasqa sumaj aceiteta apamunankuta, lamparakuna k'anchanallankupajpuni. 3Aaronqa Dioswan Tinkukuna Toldoman yaykunapi lamparakunata churanqa, tukuy tutantin k'anchananpaj, Tata Diospa ñawpaqenpi, velomanta jawapi, Diospa trato ruwasqan arcaj ñawpaqenpi. Kay kamachisqaqa tukuy mirayniykichejpaj wiñaypaj kanqa. 4Aaronqa Tata Diospa ñawpaqenpi lamparakuna k'anchanallankupajpuni sumaj qorimanta ruwasqa candeleroman churanqa.
Tata Diospa ñawpaqenpi churana t'anta
5Sumaj jak'umanta chunka iskayniyoj t'antata ruwanki. Sapa t'anta tawa kilo jak'umanta ruwasqa kanqa. 6Chaytataj Tata Diospa ñawpaqenpi sumaj qorimanta ruwasqa mesaman iskay sinruta churanki, sapa sinrupi sojtatakama. 7Sapa sinrumantaj mana chhapusqa inciensota churanki, chay t'antata sumajta q'aparichinanpaj. Jinaspataj inciensota Tata Diospa sutinpi q'olachinki. 8Chay t'antataqa israelitakunaj sutinpi sapa samarina p'unchayta sacerdote Tata Diospa ñawpaqenpi churanqa, Tata Dios israelitakunawan wiñaypaj tratota ruwasqankurayku. 9Tata Diospa ñawpaqenpi churasqa t'antaqa Aaronpaj, churinkunapajwan kanqa. Paykunataj chayta Diospaj T'aqasqa Cheqapi mikhonqanku, imajtinchus Diosman jaywasqa t'antaqa Diospaj t'aqasqamin, chayrayku, nispa.#Mt 12.4.
Diospa contranta rimajkunapaj jasut'i
10Ujpacha, israelitakuna ukhupi uj runa karqa, chay runataj jarapi uj israelitawan siminakuspa, phiñanakorqa. Chay runaj mamanqa Israel llajtayoj karqa, tatantajrí Egiptomanta. 11Mamanqa israelita ayllumanta Dibrij ususin Selomit karqa. Chantá payqa Diospa contranta rimaspa, Diospa sutinta maldicerqa. Chayrayku chay runata Moisesman pusamorqanku. 12Chantá chay runata wisq'aspa, paywan imatachus ruwanankuta Tata Dios ninankama suyarqanku.
13Chantá Tata Dios Moisesta kay jinata nerqa: 14Pichus maldiciwajta jaramanta jawaman orqhoy. Chantá nisqanta uyarejkuna makinkuta paypa umanman churachunku. Chantataj tukuy runakuna rumiwan ch'anqaykuspa chay runata wañuchichunku. 15Jinallataj israelitakunata niy: Pillapis Diosninpa sutinta maldicejqa juchanmanta wañuchisqa kanqa. 16Pichus Tata Diospa contranta rimajtaqa tukuy runakuna rumiwan ch'anqaykuspa, wañuchenqanku. Waj llajtayojpis, chayrí israelitapis kachun wañuchisqa kanqa.
17Pillapis runa masinta wañuchejqa wañuchisqallataj kanqa.
18Pichus runaj uywanta wañuchejqa uywamanta uywallatataj kutichinan tiyan.
19Pillapis runa masinpa ukhunta k'irirparejqa paytapis chay jinallatataj ruwanqanku. 20Pichus runa masinpa tullunta p'akejtaqa paypa tulluntapis p'akillanqankutaj. Pichus runa masinpa ñawinta suruchejtaqa paypa ñawintapis suruchillanqankutaj. Pichus runa masinpa kirunta p'akiykojtapis, paypa kiruntapis p'akillanqankutaj. Runa masinpa imantachus nanachisqanta chayllatataj paytapis nanachenqanku.
21Pichus uj runaj uywanta wañuchejqa kawsashaj uywata kutichipunan tiyan. Pichus uj runata wañuchejqa wañuchisqallataj kanqa.#Ex 21.23-25.
22Waj llajtayojpaj, jinataj israelitakunapaj uj kamachisqalla kanqa.#Nm 15.16. Noqamin Tata Diosniykichej kani, nispa.
23Chantá Moisés tukuy chaykunata israelitakunaman willarqa. Paykunataj Diospa contranta rimaj runata jaramanta jawaman orqhoytawan, rumiwan ch'anqaspa wañucherqanku. Ajinata Tata Dios Moisesta kamachisqanman jina ruwarqanku.
Currently Selected:
Levítico 24: DQPC
Highlight
Copy
Compare
Share
Want to have your highlights saved across all your devices? Sign up or sign in
Revisión Biblia Quechua Boliviano © Sociedad Bíblica Boliviana, 2017.
Levítico 24
24
Lamparata k'anchachinapaj aceite
(Ex 27.20-21)
1Tata Dios Moiseswan parlaspa, ajinata nerqa: 2Israelitakunata kamachiy, lamparakunata k'anchachinapaj olivomanta ruwasqa sumaj aceiteta apamunankuta, lamparakuna k'anchanallankupajpuni. 3Aaronqa Dioswan Tinkukuna Toldoman yaykunapi lamparakunata churanqa, tukuy tutantin k'anchananpaj, Tata Diospa ñawpaqenpi, velomanta jawapi, Diospa trato ruwasqan arcaj ñawpaqenpi. Kay kamachisqaqa tukuy mirayniykichejpaj wiñaypaj kanqa. 4Aaronqa Tata Diospa ñawpaqenpi lamparakuna k'anchanallankupajpuni sumaj qorimanta ruwasqa candeleroman churanqa.
Tata Diospa ñawpaqenpi churana t'anta
5Sumaj jak'umanta chunka iskayniyoj t'antata ruwanki. Sapa t'anta tawa kilo jak'umanta ruwasqa kanqa. 6Chaytataj Tata Diospa ñawpaqenpi sumaj qorimanta ruwasqa mesaman iskay sinruta churanki, sapa sinrupi sojtatakama. 7Sapa sinrumantaj mana chhapusqa inciensota churanki, chay t'antata sumajta q'aparichinanpaj. Jinaspataj inciensota Tata Diospa sutinpi q'olachinki. 8Chay t'antataqa israelitakunaj sutinpi sapa samarina p'unchayta sacerdote Tata Diospa ñawpaqenpi churanqa, Tata Dios israelitakunawan wiñaypaj tratota ruwasqankurayku. 9Tata Diospa ñawpaqenpi churasqa t'antaqa Aaronpaj, churinkunapajwan kanqa. Paykunataj chayta Diospaj T'aqasqa Cheqapi mikhonqanku, imajtinchus Diosman jaywasqa t'antaqa Diospaj t'aqasqamin, chayrayku, nispa.#Mt 12.4.
Diospa contranta rimajkunapaj jasut'i
10Ujpacha, israelitakuna ukhupi uj runa karqa, chay runataj jarapi uj israelitawan siminakuspa, phiñanakorqa. Chay runaj mamanqa Israel llajtayoj karqa, tatantajrí Egiptomanta. 11Mamanqa israelita ayllumanta Dibrij ususin Selomit karqa. Chantá payqa Diospa contranta rimaspa, Diospa sutinta maldicerqa. Chayrayku chay runata Moisesman pusamorqanku. 12Chantá chay runata wisq'aspa, paywan imatachus ruwanankuta Tata Dios ninankama suyarqanku.
13Chantá Tata Dios Moisesta kay jinata nerqa: 14Pichus maldiciwajta jaramanta jawaman orqhoy. Chantá nisqanta uyarejkuna makinkuta paypa umanman churachunku. Chantataj tukuy runakuna rumiwan ch'anqaykuspa chay runata wañuchichunku. 15Jinallataj israelitakunata niy: Pillapis Diosninpa sutinta maldicejqa juchanmanta wañuchisqa kanqa. 16Pichus Tata Diospa contranta rimajtaqa tukuy runakuna rumiwan ch'anqaykuspa, wañuchenqanku. Waj llajtayojpis, chayrí israelitapis kachun wañuchisqa kanqa.
17Pillapis runa masinta wañuchejqa wañuchisqallataj kanqa.
18Pichus runaj uywanta wañuchejqa uywamanta uywallatataj kutichinan tiyan.
19Pillapis runa masinpa ukhunta k'irirparejqa paytapis chay jinallatataj ruwanqanku. 20Pichus runa masinpa tullunta p'akejtaqa paypa tulluntapis p'akillanqankutaj. Pichus runa masinpa ñawinta suruchejtaqa paypa ñawintapis suruchillanqankutaj. Pichus runa masinpa kirunta p'akiykojtapis, paypa kiruntapis p'akillanqankutaj. Runa masinpa imantachus nanachisqanta chayllatataj paytapis nanachenqanku.
21Pichus uj runaj uywanta wañuchejqa kawsashaj uywata kutichipunan tiyan. Pichus uj runata wañuchejqa wañuchisqallataj kanqa.#Ex 21.23-25.
22Waj llajtayojpaj, jinataj israelitakunapaj uj kamachisqalla kanqa.#Nm 15.16. Noqamin Tata Diosniykichej kani, nispa.
23Chantá Moisés tukuy chaykunata israelitakunaman willarqa. Paykunataj Diospa contranta rimaj runata jaramanta jawaman orqhoytawan, rumiwan ch'anqaspa wañucherqanku. Ajinata Tata Dios Moisesta kamachisqanman jina ruwarqanku.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Revisión Biblia Quechua Boliviano © Sociedad Bíblica Boliviana, 2017.