Levítico 26
26
Dios nin kasukojkunata yanapananta
(Dt 7.12-24; 28.1-14)
1Tata Dios israelitakunata nillarqataj: Ama ni imaman rijch'akoj lantikunata ruwakunkichejchu. Nillataj llajtaykichejpi yupaychana rumita sayachinkichejchu. Amallataj rumipi warawata ruwankichejchu. Ama chaykunaman qonqorikunkichejchu, imaraykuchus noqamin Tata Diosniykichej kani.#Ex 20.4; Lv 19.4; Dt 5.8; 16.21-22. 2Samarina p'unchayniypi samarinkichejpuni. Noqata yupaychana cheqatapis jatun respetowan qhawankichej. Noqamin Tata Dios kani.
3Sichus kamachisqayman jina purinkichej, kamachisqayta kasuspataj chayman jina ruwankichej chayqa, 4noqa jallp'aykichejman maychus tiemponpi parachimusaj. Jallp'aqa sumajta poqonqa, sach'akunapis poqollanqataj. 5Trigo oqharisqaykichejqa uva pallanakama kanqa, uvata pallanaykichejtaj tarpuy tiempokama kanqa. Sajsakunaykichejkama t'antata mikhunkichej, ni imamanta llakikuspataj, llajtaykichejpi tiyarikunkichej.
6Llajtaykichejpi sumajta kawsachisqaykichej, ni imata manchachikuspataj, misk'ita puñukunkichej. Noqa suyuykichejta phiña k'ita animalkunamanta jark'asaj, nillataj maqanakupis jallp'aykichejpi kanqachu. 7Qankunaqa awqaykichejta ayqechinkichej, espadawantaj wañuchinkichej. 8Qankunamanta phishqalla pachaj runakunata ayqechinkichej, jinallataj pachajlla chunka waranqata ayqechinkichej. Awqaykichejqa qankunaj ñawpaqeykichejpi espadawan wañuchisqa kanqanku.
9Noqa qankunata qhawarisqaykichej, may jinatataj mirachisqaykichej. Qankunawan trato ruwasqaytapis junt'asajpuni. 10Qayna watamanta puchoj trigota mikhunkichej, mosoj trigota pirwanaykichejpajtaj puchoj trigota jawaman orqhonkichej.
11Noqaqa qankunaj chawpiykichejpi tiyakusaj, manataj qhesachasqaykichejchu. 12Noqa qankunaj chawpiykichejpi purisaj. Diosniykichej kasaj, qankunataj aylluy kankichej.#2 Co 6.16; Ap 21.3. 13Noqa Tata Diosmin Diosniykichej kani, pichus Egiptomanta orqhomorqaykichej, manaña paykunaj wata runanku kanaykichejpaj, chay. Noqa watasusqanku yugota p'akispa, umaykichejta oqharichispa, qankunata puricherqaykichej.
Mana kasukojkunapaj jasut'i
(Dt 28.15-68)
14Ichapis qankuna mana kasuwankichejchu, nitaj kamachisqaytapis ruwankichejchu. 15Jinallataj kamachisqayta pisipaj qhawaspa, nisqaytapis pisipaj qhawankichej. Chantá tratoytapis p'akispa, tukuy kamachisqayta mana junt'awajchejchu chayqa, 16noqapis qankunawan kay jinata ruwasaj: Manchachikuspalla kawsayta kachaykamusqaykichej, wañuchej onqoyta, k'aja onqoyta, ñawi onqoyta, chantá llawch'iyay onqoytawan ima kachaykamullasqaykichejtaj. Qankunaqa qhasillata tarpunkichej, imaraykuchus poqochisqaykichejta awqaykichej mikhukaponqanku. 17Noqapis qankunaj contraykichejpi sayaykusaj, awqaykichejtaj atipasonqachej. Qankunata chejnisojkuna chakinku uraman churasonqachej, qankunataj mana pej qhatiykachasqallan ayqekunkichej.
18Sichus chay tukuywanpis manapuni kasuwankichejchu chayqa, juchallisqaykichejrayku qanchis kutita jasut'isqaykichej. 19Runaykachayniykichejta p'akinaypaj, mana parachimusajchu. Mana parasqanraykutaj jallp'apis mana poqonqachu. 20Qhasillata kallpaykichejta tukuchinkichej, imaraykuchus chajraqa mana poqonqachu, nitaj sach'akunapis poqonqankuchu.
21Sichus contrallaypipuni oqharikuspa, manapuni kasuwankichejchu chayqa, juchaykichejman jina qanchis kutitawan jasut'isqaykichej. 22Qankunaman phiña k'ita animalkunata kachaykamusaj, chaykunataj wawaykichejta mikhonqanku, uywaykichejtapis tukuchenqanku. Jinamanta qankuna pisiyankichej, ñanniykichejkunatapis manaña pipis purej kanqachu.
23Chay tukuywanpis sichus manapuni kasuwaspa, noqaj contraypi sayaykuspallapuni kankichej chayqa, 24noqapis qankunaj contraykichejpi sayaykusaj. Juchaykichejman jinataj qanchis kutitawanraj jasut'isqaykichej. 25Trato ruwasqayta mana kasusqaykichejmanta maqanakupi wañuchisqaykichej. Qankunaqa llajtaykichejman pakakoj ayqekunkichej chaypis, noqa chayman onqoyta kachaykamusqaykichej. Qankunataj awqaykichejpa makinkuman urmankichej.
26Maypachachus mikhunaykichejta qhechusqaykichej chaypachaqa, chunka warmikuna uj hornollapi t'antata chayachenqanku. Qankunamantaj pisimanta pisi t'antata qosonqachej, manataj sajsakunkichejchu.
27Chay tukuywanpis sichus manapuni kasuwaspa noqaj contrayta sayaykullankichejpuni chayqa, 28noqapis qankunaj contraykichejta sayaykusaj. Phiñakuspataj, juchaykichejrayku qanchis kutitawanraj jasut'isqaykichej. 29Chaypacha qankunaqa qhari wawaykichejta, warmi wawaykichejtapis yarqhaywan mikhukapunkichej. 30Noqataj orqo patapi lanti yupaychana wasiykichejta thuñirasaj, incienso q'oshñichina altarniykichejtapis loqherasaj. Qankunaj ayaykichejtaqa mana kawsayniyoj lantiykichejpa patanman tawqasaj. Qankunamantataj millachikusqaykichej. 31Llajtaykichejta raqayllataña saqesaj, yupaychana wasiykichejtapis loqhesaj. Ima munayta q'apashaj jaywawasqaykichejwanpis manaña misk'irichikusajchu.
32Llajtaykichejta ch'inman tukuchisaj, chayman awqaykichejkuna tiyakoj jamojkunataj t'ukushaj qhepakonqanku. 33Qankunata maqanakuwan ñak'arichisqaykichej, waj suyukunamantaj ch'eqerachisqaykichej.#26.33 Israelitakunaj jasut'inkoqa pisimanta pisi sinch'i karqa. Aswan qhepaman Diosta mana kasusqankurayku israelitakuna llajtankumanta karuman wijch'usqa karqanku. 2 R 25.20-21,26. Jallp'aykichejqa ch'inman tukonqa, llajtaykichejtaj ch'in raqayllaman. 34Chaypacha jallp'aykichej samarenqa, qankuna awqaykichejkunaj llajtankupi kawsanaykichejkama. Ajinamanta jallp'aqa mana samarisqanmanta chaypacha samarenqa. 35Ch'inpacha kashanankama jallp'aqa samarikonqa, qankuna chaypi tiyakushajtiykichej mana samarisqanmanta.
36Pikunachus awqaykichejpa llajtanpi kawsashajraj qhepakojkunata sinch'ita manchachisaj. Chayrayku sach'a laqheta urmajta uyarispalla ayqenqanku. Qankunaqa pipis wañuchinapaj espadawan qhatiykachashanman jina ayqenkichej. Mana pipis qhatiykachashajtillan urmankichej. 37Maqanakumantapis ayqeshawajchej jina qankunapuralla takanakuspa, urmankichej, mana ni pipis qankunata qhatiykachashajtillan. Ni mayqenniykichej awqaykichejman sayaykuyta atinkichejchu. 38Qankunaqa runaj llajtanpi tukukunkichej, awqaykichejkunaj jallp'ankutaj oqoykusonqachej. 39Chantá pikunachus awqaykichejpa jallp'ankupi kawsashajkunarajqa juchaykichejrayku wañunkichej. Tata mamaykichej millayta ruwaspa purisqankurayku, paykunawan khuska wañunkichej.
40Chaypacha qankuna, jinataj tataykichejkuna millayta ruwaspa purisqaykichejta rimarinkichej, wasanchawaspa noqaman sayaykuwasqaykichejtapis. 41Noqapis contraykichejpi oqharikuspa, awqaykichejpa llajtankuman wijch'usqaykichej. Ichapis ajinamanta sonqoykichej llamp'uyajtin, juchallisqaykichejta rejsikapuwajchej. 42Chantá noqaqa Jacobwan, Isaacwan, Abrahamwan ima tratota ruwasqaymanta yuyarikusaj, yuyarikullasajtaj suyuykichejmantapis. 43Karuman wijch'usqa kasqaykichejrayku, jallp'aykichejqa saqerparisqa ch'inpacha kanqa. Chaypacha jallp'aqa mana samarisqanmanta samarenqa. Qankunataj millayta ruwaspa purisqaykichejmanta jasut'isqa kankichej, imajtinchus kamachisqaykunata qhesacharqankichej, nisqaytataj pisipaj qhawarqankichej.
44Chay tukuywanpis awqaykichejpa llajtanpi kashajtiykichejpis, mana qankunata saqerparisqaykichejchu, nitaj qhesachasqaykichejchu. Nillataj tukuchisunaykichejkama chejnikusqaykichejchu. Manallataj qankunawan ruwasqay tratotapis p'akisajchu, imaraykuchus noqamin Tata Diosniykichej kani. 45Aswanpis tratota ruwasqaymanta yuyarikusaj. Chay tratotaqa Diosninku kanaypaj ñawpa tataykichejkunawan ruwarqani, maypachachus paykunata Egiptomanta tukuy runaj rikunankuta orqhomorqani, chaypacha. Noqamin Tata Dios kani, nispa.
46Chaykunamin kanku Tata Diospa kamachisqan, nisqan, chantá yachachisqan ima. Chaykunata Tata Diosqa Sinaí orqopi Moisesnejta israelitakunaman qorqa.
Currently Selected:
Levítico 26: DQPC
Highlight
Copy
Compare
Share
Want to have your highlights saved across all your devices? Sign up or sign in
Revisión Biblia Quechua Boliviano © Sociedad Bíblica Boliviana, 2017.
Levítico 26
26
Dios nin kasukojkunata yanapananta
(Dt 7.12-24; 28.1-14)
1Tata Dios israelitakunata nillarqataj: Ama ni imaman rijch'akoj lantikunata ruwakunkichejchu. Nillataj llajtaykichejpi yupaychana rumita sayachinkichejchu. Amallataj rumipi warawata ruwankichejchu. Ama chaykunaman qonqorikunkichejchu, imaraykuchus noqamin Tata Diosniykichej kani.#Ex 20.4; Lv 19.4; Dt 5.8; 16.21-22. 2Samarina p'unchayniypi samarinkichejpuni. Noqata yupaychana cheqatapis jatun respetowan qhawankichej. Noqamin Tata Dios kani.
3Sichus kamachisqayman jina purinkichej, kamachisqayta kasuspataj chayman jina ruwankichej chayqa, 4noqa jallp'aykichejman maychus tiemponpi parachimusaj. Jallp'aqa sumajta poqonqa, sach'akunapis poqollanqataj. 5Trigo oqharisqaykichejqa uva pallanakama kanqa, uvata pallanaykichejtaj tarpuy tiempokama kanqa. Sajsakunaykichejkama t'antata mikhunkichej, ni imamanta llakikuspataj, llajtaykichejpi tiyarikunkichej.
6Llajtaykichejpi sumajta kawsachisqaykichej, ni imata manchachikuspataj, misk'ita puñukunkichej. Noqa suyuykichejta phiña k'ita animalkunamanta jark'asaj, nillataj maqanakupis jallp'aykichejpi kanqachu. 7Qankunaqa awqaykichejta ayqechinkichej, espadawantaj wañuchinkichej. 8Qankunamanta phishqalla pachaj runakunata ayqechinkichej, jinallataj pachajlla chunka waranqata ayqechinkichej. Awqaykichejqa qankunaj ñawpaqeykichejpi espadawan wañuchisqa kanqanku.
9Noqa qankunata qhawarisqaykichej, may jinatataj mirachisqaykichej. Qankunawan trato ruwasqaytapis junt'asajpuni. 10Qayna watamanta puchoj trigota mikhunkichej, mosoj trigota pirwanaykichejpajtaj puchoj trigota jawaman orqhonkichej.
11Noqaqa qankunaj chawpiykichejpi tiyakusaj, manataj qhesachasqaykichejchu. 12Noqa qankunaj chawpiykichejpi purisaj. Diosniykichej kasaj, qankunataj aylluy kankichej.#2 Co 6.16; Ap 21.3. 13Noqa Tata Diosmin Diosniykichej kani, pichus Egiptomanta orqhomorqaykichej, manaña paykunaj wata runanku kanaykichejpaj, chay. Noqa watasusqanku yugota p'akispa, umaykichejta oqharichispa, qankunata puricherqaykichej.
Mana kasukojkunapaj jasut'i
(Dt 28.15-68)
14Ichapis qankuna mana kasuwankichejchu, nitaj kamachisqaytapis ruwankichejchu. 15Jinallataj kamachisqayta pisipaj qhawaspa, nisqaytapis pisipaj qhawankichej. Chantá tratoytapis p'akispa, tukuy kamachisqayta mana junt'awajchejchu chayqa, 16noqapis qankunawan kay jinata ruwasaj: Manchachikuspalla kawsayta kachaykamusqaykichej, wañuchej onqoyta, k'aja onqoyta, ñawi onqoyta, chantá llawch'iyay onqoytawan ima kachaykamullasqaykichejtaj. Qankunaqa qhasillata tarpunkichej, imaraykuchus poqochisqaykichejta awqaykichej mikhukaponqanku. 17Noqapis qankunaj contraykichejpi sayaykusaj, awqaykichejtaj atipasonqachej. Qankunata chejnisojkuna chakinku uraman churasonqachej, qankunataj mana pej qhatiykachasqallan ayqekunkichej.
18Sichus chay tukuywanpis manapuni kasuwankichejchu chayqa, juchallisqaykichejrayku qanchis kutita jasut'isqaykichej. 19Runaykachayniykichejta p'akinaypaj, mana parachimusajchu. Mana parasqanraykutaj jallp'apis mana poqonqachu. 20Qhasillata kallpaykichejta tukuchinkichej, imaraykuchus chajraqa mana poqonqachu, nitaj sach'akunapis poqonqankuchu.
21Sichus contrallaypipuni oqharikuspa, manapuni kasuwankichejchu chayqa, juchaykichejman jina qanchis kutitawan jasut'isqaykichej. 22Qankunaman phiña k'ita animalkunata kachaykamusaj, chaykunataj wawaykichejta mikhonqanku, uywaykichejtapis tukuchenqanku. Jinamanta qankuna pisiyankichej, ñanniykichejkunatapis manaña pipis purej kanqachu.
23Chay tukuywanpis sichus manapuni kasuwaspa, noqaj contraypi sayaykuspallapuni kankichej chayqa, 24noqapis qankunaj contraykichejpi sayaykusaj. Juchaykichejman jinataj qanchis kutitawanraj jasut'isqaykichej. 25Trato ruwasqayta mana kasusqaykichejmanta maqanakupi wañuchisqaykichej. Qankunaqa llajtaykichejman pakakoj ayqekunkichej chaypis, noqa chayman onqoyta kachaykamusqaykichej. Qankunataj awqaykichejpa makinkuman urmankichej.
26Maypachachus mikhunaykichejta qhechusqaykichej chaypachaqa, chunka warmikuna uj hornollapi t'antata chayachenqanku. Qankunamantaj pisimanta pisi t'antata qosonqachej, manataj sajsakunkichejchu.
27Chay tukuywanpis sichus manapuni kasuwaspa noqaj contrayta sayaykullankichejpuni chayqa, 28noqapis qankunaj contraykichejta sayaykusaj. Phiñakuspataj, juchaykichejrayku qanchis kutitawanraj jasut'isqaykichej. 29Chaypacha qankunaqa qhari wawaykichejta, warmi wawaykichejtapis yarqhaywan mikhukapunkichej. 30Noqataj orqo patapi lanti yupaychana wasiykichejta thuñirasaj, incienso q'oshñichina altarniykichejtapis loqherasaj. Qankunaj ayaykichejtaqa mana kawsayniyoj lantiykichejpa patanman tawqasaj. Qankunamantataj millachikusqaykichej. 31Llajtaykichejta raqayllataña saqesaj, yupaychana wasiykichejtapis loqhesaj. Ima munayta q'apashaj jaywawasqaykichejwanpis manaña misk'irichikusajchu.
32Llajtaykichejta ch'inman tukuchisaj, chayman awqaykichejkuna tiyakoj jamojkunataj t'ukushaj qhepakonqanku. 33Qankunata maqanakuwan ñak'arichisqaykichej, waj suyukunamantaj ch'eqerachisqaykichej.#26.33 Israelitakunaj jasut'inkoqa pisimanta pisi sinch'i karqa. Aswan qhepaman Diosta mana kasusqankurayku israelitakuna llajtankumanta karuman wijch'usqa karqanku. 2 R 25.20-21,26. Jallp'aykichejqa ch'inman tukonqa, llajtaykichejtaj ch'in raqayllaman. 34Chaypacha jallp'aykichej samarenqa, qankuna awqaykichejkunaj llajtankupi kawsanaykichejkama. Ajinamanta jallp'aqa mana samarisqanmanta chaypacha samarenqa. 35Ch'inpacha kashanankama jallp'aqa samarikonqa, qankuna chaypi tiyakushajtiykichej mana samarisqanmanta.
36Pikunachus awqaykichejpa llajtanpi kawsashajraj qhepakojkunata sinch'ita manchachisaj. Chayrayku sach'a laqheta urmajta uyarispalla ayqenqanku. Qankunaqa pipis wañuchinapaj espadawan qhatiykachashanman jina ayqenkichej. Mana pipis qhatiykachashajtillan urmankichej. 37Maqanakumantapis ayqeshawajchej jina qankunapuralla takanakuspa, urmankichej, mana ni pipis qankunata qhatiykachashajtillan. Ni mayqenniykichej awqaykichejman sayaykuyta atinkichejchu. 38Qankunaqa runaj llajtanpi tukukunkichej, awqaykichejkunaj jallp'ankutaj oqoykusonqachej. 39Chantá pikunachus awqaykichejpa jallp'ankupi kawsashajkunarajqa juchaykichejrayku wañunkichej. Tata mamaykichej millayta ruwaspa purisqankurayku, paykunawan khuska wañunkichej.
40Chaypacha qankuna, jinataj tataykichejkuna millayta ruwaspa purisqaykichejta rimarinkichej, wasanchawaspa noqaman sayaykuwasqaykichejtapis. 41Noqapis contraykichejpi oqharikuspa, awqaykichejpa llajtankuman wijch'usqaykichej. Ichapis ajinamanta sonqoykichej llamp'uyajtin, juchallisqaykichejta rejsikapuwajchej. 42Chantá noqaqa Jacobwan, Isaacwan, Abrahamwan ima tratota ruwasqaymanta yuyarikusaj, yuyarikullasajtaj suyuykichejmantapis. 43Karuman wijch'usqa kasqaykichejrayku, jallp'aykichejqa saqerparisqa ch'inpacha kanqa. Chaypacha jallp'aqa mana samarisqanmanta samarenqa. Qankunataj millayta ruwaspa purisqaykichejmanta jasut'isqa kankichej, imajtinchus kamachisqaykunata qhesacharqankichej, nisqaytataj pisipaj qhawarqankichej.
44Chay tukuywanpis awqaykichejpa llajtanpi kashajtiykichejpis, mana qankunata saqerparisqaykichejchu, nitaj qhesachasqaykichejchu. Nillataj tukuchisunaykichejkama chejnikusqaykichejchu. Manallataj qankunawan ruwasqay tratotapis p'akisajchu, imaraykuchus noqamin Tata Diosniykichej kani. 45Aswanpis tratota ruwasqaymanta yuyarikusaj. Chay tratotaqa Diosninku kanaypaj ñawpa tataykichejkunawan ruwarqani, maypachachus paykunata Egiptomanta tukuy runaj rikunankuta orqhomorqani, chaypacha. Noqamin Tata Dios kani, nispa.
46Chaykunamin kanku Tata Diospa kamachisqan, nisqan, chantá yachachisqan ima. Chaykunata Tata Diosqa Sinaí orqopi Moisesnejta israelitakunaman qorqa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Revisión Biblia Quechua Boliviano © Sociedad Bíblica Boliviana, 2017.