Éxodo 15

Israelitakuna kusiymanta takirikunku

1Chantá chay qhepata Moiseswan, israelitakunawan ima kay takiyta Tata Diosman takerqanku:

Tata Diosman takisaj,

imaraykuchus payqa t'ukunata atipaykuspa,

caballopi rejkunata, caballontinta mama qochaman p'ultiykun.

2Tata Diospaj takipusaj.

Payqa kacharichiwajniy, kallpata qowajtaj.#Ex 14.13-14; Sal 118.14; Is 12.2.

Paymin Diosneyqa, payta yupaychasaj.

Payqa tataypa Diosnin, payta jatunchasaj.

3Tata Diosqa sumaj maqanakojmin, sutintaj Tata Diosmin.#Sal 24.8.

4Tata Diosqa faraonpa carretankunata, soldadonkunatawan ima mama qochaman wijch'uykun.

Sumaj capitanninkunaqa Puka Mama Qochapi p'ultisqa wañunku.

5Rumi jina ukhuman chinkaykunku,

mama qochaj yakuntaj paykunata p'ampaykun.

6Tata Diosníy, paña makiykeqa kallpasapa, may atiyniyojtaj.

Paña makiyki awqata phiriykorqa.

7Qanqa may jina atiyniykiwan contraykita oqharikojkunata atipanki.

K'araj phiñakuyniykitaj ichhuta jina paykunata q'olarparin.

8Mama qochata kallpawan phukuspa, yakuta iskayman t'aqarqanki.

Yaku oqharikusqanpis perqa jina sayarqa.

Mama qochaj sonqonpi yakupis tikayarparerqa.

9Awqaykoqa nerqa:

Jap'inaykama israelitakunata qhatiykusaj.

Sajsakunaykama qhechusqayta rak'irasaj.

Espadayta sik'ikuspa, paykunata tukuchisaj, nispa.

10Qantajrí, kallpawan yakuta phukuspa,

paykunata mama qochaman p'ultiykorqanki.

Oqharikoj yakumantaj titi jina chinkaykorqanku.

11Tata Diosníy, ni mayqen dios qan jina kanchu.

Mana pipis qan jina llimphu llimphu, ni atiyniyojpis kanchu.

Qanqa musphanapaj jina t'ukunata ruwanki.

12Paña makiykita oqharejtiyki, jallp'a awqaykuta oqoykorqa.

13Mana jayk'aj tukukoj khuyakuyniykiwan kacharichisqayki israelitakunata pusashanki.

Atiyniykiwantaj tiyakunayki cheqaman pusashanki.

14Suyukunamanta runa imatachus ruwasqaykita yachaspa, kharkatitenqanku.

Nanayqa tukuy filisteokunata q'ewiykachachenqa.

15Edompi kamachejkuna mancharenqanku.

Moabpi kamachejkunapis manchachikuspa, kharkatitenqanku.

Canaanpi tiyakojkunarí, ch'uchaliman tukonqanku.#Nm 20.14-21; 21.13-15.

16Paykunaj patankuman kharkatitiy, manchachikuy ima urmachun.

May jina atiyniykiwan rumi jina titipacha kachunku,

Israel aylluyki pasanankama, orqhokapusqayki ayllu chimpanankama.

17Tata Diosníy,

Qanpaj ajllakusqayki orqoman pusawasqayku,

chaypitaj wiñaypaj tiyachiwasqayku.

Qan kikiykimin chayta wakicherqanki.

Qanmin wasiykita ruwarqanki.

18Tata Diosmin wiñay wiñaypaj kamachenqa, nispa.

Maríaj takiynin

19Maypachachus faraonpa carretankuna, caballopi rej soldadonkuna ima mama qochaman yaykorqanku chaypacha, Tata Dios mama qochapi yakuwan paykunata p'ampaykusqa. Israelitakunarí mama qochanejta ch'aki jallp'atapis rishankuman jina chimparqanku.

20Chantá Aaronpa panan María, Diosmanta sut'inchaj kasqanrayku, uj panderata oqharikuspa, tusoj llojserqa. Qhepantataj warmikuna pandera oqharisqa, tusurispa ima llojsillarqankutaj. 21Mariataj ajinata takerqa:

Takiychej Tata Diosta jatunchaspa,

imaraykuchus payqa awqankunata atipasqata atipan.

Mama qochaman carretakunata, caballopi rejkunata ima p'ultiykun, nispa.

Dios k'ara yakuta misk'iyachin

22Chantá Moisés israelitakunata nerqa Puka Mama Qocha kantumanta puririnankuta. Chaymanta paykunaqa Shur nisqa ch'innejman rispa, kinsa p'unchayta purerqanku, manataj ujyanankupaj yakuta tarerqankuchu. 23Mará nisqa cheqaman chayarqanku. Chaywanpis chaypi kaj yakuta mana ujyayta aterqankuchu, k'ara kasqanrayku. Chayrayku chay cheqata “Mará”,#15.23 Mará: Hebreo rimaypi niyta munan: Jaya, chayrí k'ara. nispa, suticharqanku.

24Chaymanta israelitakunaqa Moisespa contranta thutuspa, nerqanku: Imatataj kunan ujyasqaykuri? nispa. 25Chantá Moisesqa Tata Dios yanapananta mañakorqa. Tata Diostaj uj sach'ata Moisesman rikucherqa. Moisestaj chayta k'utuspa, yakuman wijch'uykorqa, yakutaj ujyanapaj jina tukorqa.

Chay Mará cheqapi Tata Diosqa paykunaman kamachisqakunata qorqa, chayman jina kawsanankupaj, yachananpajtaj imaynachus sonqonku kasqanta. 26Chantá Tata Dios paykunaman nerqa: Sichus Tata Diosniykichej parlasqanta tukuy sonqo uyarinkichej, ñawpaqenpitaj cheqanta ruwankichej, chantá kamachisqantataj kasunkichej chayqa, Egipto llajtayojkunaman kachaykorqani, chay onqoykunata mana qankunaman kachaykamusqaykichejchu. Noqa Tata Diosmin qhaliyachisojniykichej kani, nispa.#15.26 Diosqa runata qhaliyachejmin. Dt 7.15; 32.39; Jer 17.14; 30.17; Sal 41.3-4. Diosqa runata onqoymanta qhaliyachinanpaj atiyniyoj. Jinapis runata mana onqoyllamantachu qhaliyachin, manachayqa juchanta pampachaspa, sonqontapis jampillantaj. Stg 5.15.

27Chaymanta israelitakunaqa Elimman chayarqanku. Chaynejpi chunka iskayniyoj yaku juturi karqa, kallarqataj qanchis chunka palma sach'a. Chay yaku qayllapitaj jarakorqanku.

Currently Selected:

Éxodo 15: DQPC

Highlight

Copy

Compare