Sacari 6
6
Bơta gơtơnggŏ dơ̆ phàm: poan nơm rơndeh lòs tòmlơh
1Añ pò mat tơnggòr sền hơđang tai, ne, gơs poan nơm rơndeh lòs tòmlơh lik bơh digùl bàr nơm mơnơm la ală mơnơm mơ kòng! 2#Yalt 6:4,5.Rơndeh dơ̆ sơnròp gơs ală ơseh pơrhê; rơndeh dơ̆ bàr ală ơseh jù; 3#Yalt 6:2.rơndeh dơ̆ pe ală ơseh kò; mơ rơndeh dơ̆ poan ală ơseh pàl sơnràng. 4Añ lùp cau gơnrơh ơm đơs mơ añ lah: “Ơ Kơnràñ añ jê, ală phan hơ̆ la ñchi taih?” 5#Yalt 7:1.Cau gơnrơh ho wơl mơ añ lah: “Hơ̆ la poan nơm hwềng#6:5 hala càl. hơđang trồ dê, lik bơh di tiah bol gơ ơm ntào di đap mat Yàng jơh ală trồ tiah dê. 6Rơndeh gơs ală ơseh jù lòt hơ lơgar đah đang, rơndeh gơs ală ơseh kò lòt hơ lơgar đah mattơngai mut, mơ rơndeh gơs ală ơseh pàl sơnràng lòt hơ lơgar đah đơm” 7Tơnơ̆ mơ ală ơseh gơs gơnoar pràn neh lik lòt, bol gơ geh gơchồl lòt sền sơwì làm plai ù. Gen cau gơnrơh đơs lah: “Lòt tĕ sền sơwì làm plai ù!” Behơ̆ bol gơ lòt làm plai ù. 8Chòp, khai hòi añ mơ lah: “Sền ne, ală ơseh lik lòt tus hơ đah đang neh lơh hwềng añ ơm rlô lơngai tòm lơgar đah đang.”
Dô nơm sơgơn bơtau Sơmbut Ntê Chi dê
9Gơs jơnau Yàng Jehôwa đơs mơ añ lah: 10“Ai tĕ priă mơ màh#6:10 jơnau tòm sèng do ò cih: priă mơ màh. bơh di ală cau kong kup cèng la Heldai, Tôbija, mơ Jedaiya neh rê wơl bơh Babilôn. Kung tòm ngai hơ̆ lòt tus tĕ hơ hìu Jôsia, kòn klau Sôphôni. 11Ai tĕ priă mơ màh lơh gơs dô nơm sơgơn bơtau tơndau hơđang bồ cau gơnoar dờng lam bồ ơn phan duh khoai Jôsua, kòn klau Jehôjadak. 12#Jer 23:5; 33:15; Sac 3:8.Đơs tĕ mơ khai lah Yàng Jehôwa Gơnap Gơnoar Dờng Làm Jơh neh đơs be do: ‘Do la dô nă cau gơs sơnđan la Sơmbut Ntê Chi, mơ khai rơp lik bơh di tiah khai dê mơ bơt bơtào hìu duh khoai Yàng Jehôwa dê. 13Hơ̆ la să tòm khai rơp bơt bơtào hìu duh khoai Yàng Jehôwa in, mơ khai rơp geh bơta ryŭ ryơm, rơp nggui at bồ hơđang sơbàn khai dê, mơ khai rơp lơh gơs cau gơnoar ơn phan duh khoai hơđang sơbàn khai dê; mơ rơp gơs bơta gơtòmklac ring lơngai digùl bàr nơm gơnoar broă hơ̆.’ 14Sơgơn bơtau rơp ai Heldai, Tôbija, Jedaiya, mơ Hen,#6:14 tòm sèng 10 la Jôsia. kòn klau Jephaniah in, lơh gơs dô nơm phan kah kirsơnre tòm hìu duh khoai Yàng Jehôwa dê.”
15Ală cau ơm ngài rơp tus mơ dong kòl tòm bơta bơt bơtào hìu duh khoai Yàng Jehôwa dê: mơ bol mê rơp git lah Yàng Jehôwa Gơnap Gơnoar Dờng Làm Jơh neh sồr añ tus mơ bol mê. Bơta hơ̆ rơp gơlik tus dilah bol mê ngac ngar dòn bơr lơh jat jơnau Jehôwa Yàng Tom Trồ bol mê dê.
Currently Selected:
Sacari 6: KPM2018
Highlight
Copy
Compare
Share
Want to have your highlights saved across all your devices? Sign up or sign in
© 2018 United Bible Societies. All rights reserved.
