Sacari 5
5
Bơta gơtơnggŏ dơ̆ prau: Sră pồt gơ par
1Gen añ sền tơnggòr tai, ne di đap añ gơs dô pang sră pồt gơ par! 2Mơ khai lùp añ lah: “Ñchi mê gŏ taih?” Añ ho wơl lah: “Añ gŏ dô pang sră pồt gơ par, jòng bàr jơt tal, ơnàng jơt tal.”
3Khai đơs mơ añ lah: “Hơ̆ la bơta srat sơntơm hơđang làm lơgar: kòp nă cau ntung kơñau rơp kong tơnroh jat be jơnau cih hơđang đah do sră; mơ kòp nă cau srat să rơp kong tơnroh jat be jơnau cih đah ne sră.” 4Yàng Jehôwa Gơnap Gơnoar Dờng Làm Jơh đơs lah: “Añ rơp sồr sră lòt mơ gơ rơp mut tòm hìu cau ntung kơñau, mơ tòm hìu cau ai sơnđan Añ mơ srat să blac. Gơ rơp ơm tòm hìu hơ̆ mơ tơnroh hìu hơ̆, jơh ală chi mơ lŭ gơ dê.”
Bơta gơtơnggŏ dơ̆ poh: Cau ùr tòm dô nơm bài
5Gen cau gơnrơh neh đơs mơ añ lòt tus hơ añ mơ đơs lah: “Pò mat tơnggòr tĕ hơđang mơ sền phan lòt tus la ñchi.” 6Añ lùp lah: “Ñchi hơ̆ taih?” Khai ho lah: “Hơ̆ la dô nơm bài.”#5:6 Js: epha phan ngui kơr, pơgap 22 lit. Mơ khai đơs tai lah: “Hơ̆ la bơta tồi glài iơh bơsak làng bol tòm làm plai ù.” 7Gen añ gŏ bơnap bài mơ trà geh yò tơngguh mơ gơs dô nă cau ùr nggui tòm bài. 8Mơ khai đơs lah: “Hơ̆ la bơta iơh bơsak,” behơ̆ khai tơlo cau ùr mut wơl tòm bài mơ ai bơnap bài mơ trà trup wơl hơđang bơr bài. 9Gen añ pò mat tơnggòr sền hơđang, di đap añ gơs bàr nă cau ùr gơs càl ơm tòm pơnđar bol khai dê. Bol khai gơs pơnđar kung be pơnđar klàng kò, mơ bol khai yò tơngguh bài hơđang digùl trồ mơ tiah. 10Añ lùp cau gơnrơh ơm đơs mơ añ lah: “Ntềng đah bol khai cèng bài hơ̆ taih?” 11Khai ho mơ añ lah: “Tus tòm tiah Sinar, nàng bơt dô nơm hìu gơ in; mơ tòm tŭ neh rcang sir rau, bol khai rơp ơn bài tòm tiah gơ dê tềng hơ̆.”
Currently Selected:
Sacari 5: KPM2018
Highlight
Copy
Compare
Share
Want to have your highlights saved across all your devices? Sign up or sign in
© 2018 United Bible Societies. All rights reserved.
